અમદાવાદઃ કસ્ટમ ડ્યૂટી ઘટાડવાની જાહેરાત બાદ સોના-ચાંદીમાં સતત ધોવાણ, જાણો આજના નવા ભાવ

અમદાવાદઃ નાણાંમંત્રી નિર્મલા સીતારમણે (FM Nirmala sitharaman) બજેટ 2021માં (Budget 2021) ગોલ્ડ ઉપર કસ્ટમ ડ્યૂટી ઘટાડવાની જાહેરાત બાદ સોના-ચાંદીના ભાવમાં (Gold-Silver price today) સતત ઘટાડો ચાલું છે. ભારતીય બજારોમાં આજે સોના-ચાંદીના ભાવમાં મોટો ઘટાડો દેખાયો હતો. અમદાવાદ બુલિયન માર્કેટમાં (Ahmedabad bullion market) એક કિલો ચાંદીના ભાવમાં (Silver Price today) 2500 રૂપિયાનું ગાબડું પડ્યું હતું. જ્યારે 10 ગ્રામ સોનાના ભાવમાં (Gold Price today) 500 રૂપિયાનો ઘટાડો થયો હતો.

અમદાવાદમાં ચાંદીનો ભાવ (Silver Price, 3 February 2021) : અમદાવાદ બુલિયન માર્કેટમાં આજે બુધવારે એક કિલો ચાંદીના ભાવમાં 2500 રૂપિયાનો કડાકો બોલાતા ચાંદી ચોરસાનો ભાવ 67,500 રૂપિયા ચાંદી રૂપુનો ભાવ 67,300 રૂપિયાના સ્તરે બંધ રહી હતી. જોકે, મંગળવારે એક કિલો ચાંદી ચોરસાનો ભાવ 70,000 અને ચાંદી રૂપું 69,800 રૂપિયાની સપાટીએ પહોંચી ગયા છે.

અમદાવાદમાં સોનાનો ભાવ (Gold Price, 3 February 2021) : અમદાવાદ બુલિયન માર્કેટમાં આજે બુધવારે 10 ગ્રામ સોનાના ભાવમાં 500 રૂપિયાનો ઘટાડો થતાં સોનું સ્ટાન્ડર્ડ (99.9) 49,800 રૂપિયા અને સોનું તેજાબી (99.5) 49,600 રૂપિયાના ભાવે પહોંચ્યું હતું. જોકે, મંગળવારે અમદાવાદમાં 10 ગ્રામ સોનું સ્ટાન્ડર્ડ (99.9) 50,300 રૂપિયા અને સોનું તેજાબી (99.5) 50,100 રૂપિયાના ભાવે પહોંચી ગયું છે.

આ પણ વાંચોઃ-

• બ્યુટી પાર્લર જતી યુવતીઓ માટે ચેતવણી રૂપ કિસ્સો, ફેશિયલ કરાવવા ગયેલી યુવતીનો ચહેરો બળી ગયો


• અમદાવાદઃ ભેજાબાજ મહિલા ક્લાર્કનું કારસ્તાન! પ્રિન્સીપાલની બોગસ સહીઓ કરી બે જ વર્ષમાં રૂ. 3.21 કરોડ ઓળવી ગઈ

દિલ્હીમાં સોના-ચાંદીના ભાવઃ દિલ્હી સરાફા બજારમાં બુધવારે સોનાના ભાવમાં 232 રૂપિયા પ્રતિ 10 ગ્રામનો ઘટાડો થતાં રાજધાની દિલ્હીમાં 99.9 સોનાનો નવો ભાવ 47,387 રૂપિયા પ્રતિ 10 ગ્રામ રહ્યું હતું. આ પહેલાના કારોબારી સત્રમાં સોનું 47,619 રૂપિયા પ્રતિ 10 ગ્રામ ઉપર બંધ રહ્યું હતું. આ ઉપરાંત એક કિલો ચાંદીના ભાવમાં 1955 રૂપિયાનો કડાકો બોલાતા ચાંદી 67,605 રૂપિયા પ્રતિ કિલોગ્રામ ઉપર બંધ રહી હતી.

આ પણ વાંચોઃ-

• રાજકોટઃ 2018માં રસ્તા વચ્ચે 'રાજકોટ કા રાજા' video બનાવવો ભારે પડ્યો, B.B. જાડેજા અને ભાવિન ફીચડિયાની અટકાત


• BFને પપ્પા કહેવા માટે પુત્રીને દબાણ કરતી હતી માતા, બાળકીએ જાણાવ્યું અંકલે કેવી રીતે મમ્મીને મારી નાંખી

વૈશ્વિક બુલિયન માર્કેટમાં સોના-ચાંદીના ભાવ :આંતરરાષ્ટ્રી બજારમાં બંને કિંમતી ધાતુઓના ભાવની વાત કરીએ તો સોનાનો ભાવ 1835 ડોલર પ્રતિ ઔંસના સ્તરે બંધ રહ્યું હતું. જ્યારે ચાંદીનો ભાવ 26.78 ડોલર પ્રતિ ઔંસની સપાટીએ બંધ રહી હતી.



કેમ નોંધાયો સોના-ચાંદીમાં ઘટાડો? HDFC સિક્યોરિટીઝના સીનિયર એનાલિસ્ટ કોમોડિટી તપન પટેલ પ્રમાણે ડોલરની મજબૂતીના કારણે ગોલ્ડનો કારોબાર દબાણમાં છે. આ ઉપરાંત અમેરિકામાં પ્રોત્સાહન પેકેજમાં થઈ રહેલા ઘટાડાના કારણે સોનાના ભાવમાં ઘટાડો નોંધાયો હતો. નાણામંત્રી નિર્મલા સીતારમણે બજેટ 2021માં ગોલ્ડ ઉપર કસ્ટમ ડ્યૂટીમાં ઘટાડો કરવાની જાહેરાત કરી છે. આવી સ્થિતિમાં સોનાના ભાવમાં ઉંચા સ્તર ઉપર નફારૂપી વેચવાલી કરી રહી છે. એટલા માટે સોના-ચાંદીના ભાવમાં ઘટાડો નોંધાયો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gold price, Silver price, અમદાવાદ, ગુજરાત