Home /News /business /

CNG Price : CNG ગેસના ભાવમાં વધારાની દહેશત, થઇ શકે છે 10-11 ટકાનો વધારો

CNG Price : CNG ગેસના ભાવમાં વધારાની દહેશત, થઇ શકે છે 10-11 ટકાનો વધારો

સીએનજીના ભાવમાં વધારો થશે

સરકાર દ્વારા નક્કી કરાયેલા ગેસના ભાવમાં લગભગ 76 ટકાનો વધારો થવા જઈ રહ્યો છે, જેની અસર સીએનજી અને પીએનજીના ભાવ પર પણ પડશે.

    નવી દિલ્હી : ઓક્ટોબર મહિનામાં સામાન્ય માણસને મોટો આંચકો લાગી શકે છે. ઓક્ટોબરમાં દિલ્હી (Delhi) અને મુંબઈ (Mumbai) જેવા શહેરોમાં સીએનજી ગેસના ભાવમાં ( CNG Price ) વધારો થઇ શકે છે. સાથોસાથ ઘરેલું ગેસ PNG ના ભાવમાં પણ  10-11 ટકાનો વધારો થઈ શકે છે. આ અંદાજ બ્રોકરેજ કંપની ICICI સિક્યોરિટીઝના એક રિપોર્ટમાં કરવામાં આવ્યો છે. રિપોર્ટમાં કહેવામાં આવ્યું છે કે, સરકાર દ્વારા નક્કી કરાયેલા ગેસના ભાવમાં લગભગ 76 ટકાનો વધારો થવા જઈ રહ્યો છે, જેની અસર સીએનજી (CNG) અને પીએનજી(PNG)ના ભાવ (CNG and PNG Price) પર પણ પડશે.

    સરકાર ગેસ સરપ્લસ દેશોના દરનો ઉપયોગ કરે છે. સરકાર નામાંકનના આધારે ONGC જેવી કંપનીઓને ફાળવવામાં આવેલા ક્ષેત્રો માટે દર છ મહિને કુદરતી ગેસના ભાવની સમીક્ષા કરે છે. આગામી સમીક્ષા 1 ઓક્ટોબરે થવાની છે.

    વહીવટી દર પ્રતિ યુનિટ 3.15 ડોલર થઈ જશે

    ICICI સિક્યોરિટીઝે જણાવ્યું હતું કે, 1 ઓક્ટોબર, 2021થી 31 માર્ચ, 2022 સુધી APM અથવા વહીવટી દર વધીને $ 3.15 પ્રતિ યુનિટ (MMTTU) થશે. જે હાલમાં યુનિટ દીઠ $ 1.79 છે.

    રિપોર્ટમાં કહેવામાં આવ્યું છે કે, “APM ગેસના ભાવમાં વધારો સિટી ગેસ ડિસ્ટ્રિબ્યુશન (CGD) કંપનીઓ માટે એક પડકાર હશે. આનો અર્થ એ થયો કે તેમના માટે CNG અને PNGનો ખર્ચ વધશે. એપીએમ ગેસના ભાવ વધારાને કારણે દિલ્હી અને આસપાસના વિસ્તારોમાં સીએનજીનું વિતરણ કરતી કંપની ઇન્દ્રપ્રસ્થ ગેસ લિ. (IGL)ને આગામી એક વર્ષ દરમિયાન કિંમતોમાં ભારે વધારો કરવો પડશે. મુંબઈમાં સીએનજી સપ્લાય કરતી એમજીએલ દ્વારા પણ આવું જ પગલું ભરવું પડશે. સિટી ગેસ ડિસ્ટ્રીબ્યુશન કંપનીઓએ કિંમતોમાં 10-11 ટકાનો વધારો કરવો પડશે.

    આ પણ વાંચોનોકરી છોડો અને 50,000 લગાવી શરૂ કરો આ બિઝનેસ, દર મહિને થશે તગડો નફો, જાણો કેવી રીતે?

    ઓક્ટોબર, 2022માં ભાવ 11-12% વધશે

    આંતરરાષ્ટ્રીય બજારોના વલણ મુજબ, એપીએમ ગેસની કિંમત એપ્રિલ, 2022થી સપ્ટેમ્બર, 2022 દરમિયાન વધીને 5.93 ડોલર પ્રતિ યુનિટ થઈ જશે. ઓક્ટોબર 2022 થી માર્ચ 2023 સુધી, તે પ્રતિ યુનિટ $ 7.65 હશે. આનો અર્થ એ થયો કે, એપ્રિલ 2022માં CNG અને PNGના ભાવમાં 22-23 ટકાનો વધારો થશે. ઓક્ટોબર 2022માં, ભાવ 11 થી 12 ટકા વધશે. રિપોર્ટમાં કહેવામાં આવ્યું છે કે, એપીએમ ગેસના ભાવમાં વધારો થવાને કારણે ઓક્ટોબર, 2021થી ઓક્ટોબર, 2022 વચ્ચે, એમજીએલ અને આઈજીએલને ભાવમાં 49 થી 53 ટકાનો વધારો કરવો પડશે.
    Published by:kiran mehta
    First published:

    Tags: CNG, CNG Price, Cng price in ahemdabad, CNG pump

    विज्ञापन

    विज्ञापन

    આગામી સમાચાર

    विज्ञापन
    विज्ञापन