China Economy: ચીન ડૂબવાની આરે! GDPમાં ભારે ઘટાડો, 70થી વધુ દેશો પર મંદીનું જોખમ

બેઇજિંગઃ ચીનના નેશનલ બ્યુરો ઓફ સ્ટેટિસ્ટિક્સ (NBS) અનુસાર દેશનો વાર્ષિક GDP ગ્રોથ (China GDP) ત્રણ ટકા ઘટ્યો છે. જે 2022માં 5.5 ટકાના સત્તાવાર લક્ષ્યાંક કરતાં ઘણું ઓછું છે. ગયા વર્ષે ચીનનો વિકાસ દર 1976 પછી સૌથી નબળો હતો. જો ચીનની અર્થવ્યવસ્થા આ રીતે ઘટતી રહેશે તો આર્થિક મંદી આવવાનું નક્કી છે. આ મંદીની અસર માત્ર ચીન પર જ નહીં, પરંતુ વિશ્વના 70થી વધુ દેશો તેનાથી પ્રભાવિત થશે.

કોવિડના કારણે સમગ્ર વિશ્વની અર્થવ્યવસ્થામાં ઘટાડો થયો હતો. ગયા વર્ષે કોરોના મહામારીને પહોંચી વળવા ચીનમાં લાદવામાં આવેલા નિયંત્રણો અને રિયલ એસ્ટેટ સેક્ટરમાં મંદીને કારણે 2022માં ચીનનો આર્થિક વિકાસ દર ત્રણ ટકા પર આવી ગયો છે. 50 વર્ષમાં વિશ્વની બીજી સૌથી મોટી અર્થવ્યવસ્થામાં આ બીજી સૌથી ધીમી વૃદ્ધિ છે. નેશનલ બ્યુરો ઓફ સ્ટેટિસ્ટિક્સના ડેટા અનુસાર, 2022માં ચીનનો GDP 1,21,020 બિલિયન યુઆન અથવા $17,940 બિલિયન હતો.

આ પણ વાંચો: Indian Economy: ત્રીજી સૌથી મોટી અર્થવ્યવસ્થા બનવાના માર્ગે ભારત, 2047 સુધીમાં દેશ બનશે વિકસિત

વિશ્વના મોટાભાગના દેશો પર શું અસર થશે

ચીનના GDPમાં ઘટાડાને જોતા અટકળો લગાવવામાં આવી રહી છે કે, તેની અન્ય દેશો પર પણ ઊંડી અસર પડશે. ચીનનો વેપાર 70થી વધુ દેશો સાથે છે. ચીન એશિયન દેશો તેમજ યુરોપના ઘણા દેશો સાથે આયાત અને નિકાસ કરે છે. આવી સ્થિતિમાં જો ચીનમાં મંદી આવશે તો આ તમામ દેશો પણ તેની ઝપેટમાં આવી જશે. ચીન પર નિર્ભર દેશોને સૌથી વધુ નુકસાન થશે. સૌથી ખરાબ ઈલેક્ટ્રોનિક્સના ક્ષેત્રમાં થશે.

ચીનના અન્ય ઘણા શહેરોમાં નોકરીની કટોકટી

ચીનના GDPની અસર ત્યાંની નોકરીઓ પર પણ જોવા મળી રહી છે. ચીનના ઘણા શહેરોમાં લોકોએ તેમની નોકરી ગુમાવવાનું શરૂ કર્યું છે. ઘણી કંપનીઓ કર્મચારીઓનો પગાર રોકી રહી છે. ઘણા લોકો પગાર ચૂકવવાની માંગ સાથે હાથમાં બેનરો સાથે રસ્તા પર વિરોધ કરતા જોવા મળે છે. આ કટોકટી સામે આવ્યા બાદ સવાલ એ ઉઠી રહ્યો છે કે, શું ચીન દેવા સંકટના આંકડા છુપાવી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Economy, Financial crisis