IPO News: બમ્પર કમાણીનો મોકો, રાકેશ ઝુનઝુનવાલાના રોકાણવાળી કંપની લાવશે IPO, જાણો વિગત

મુંબઈ: રોકાણકારો શેર બજારમાં ટ્રેડિંગ ઉપરાંત આઈપીઓમાં રોકાણ (Investment in IPO) કરીને પણ પોતાનું નસિબ અજમાવતા હોય છે. તાજેતરમાં આવેલા પારસ ડિફેન્સના આઈપીઓ (Paras defence IPO)એ રોકાણકારોને માલામાલ કરી દીધા છે. પારસ ડિફેન્સના આઈપીઓની ઇશ્યૂ કિંમત 175 રૂપિયા હતી. આજે (18 ઓક્ટોબર) પારસ ડિફેન્સનો શેર 690 રૂપિયા આસપાસ ટ્રેડ કરી રહ્યો છે. આગામી સમયમાં કમાણી માટેના વધુ બે આઈપીઓ આવી રહ્યા છે. CNBC TV-18ના કહેવા પ્રમાણે સેબીએ Adani Wilmar અને Star Healthના આઈપીઓની અરજી મંજૂરી કરી દીધી છે. FMCG કંપની Adani Wilmar આઈપીઓ મારફતે ફ્રેશ ઇશ્યૂ મારફતે 4,500 કરોડ રૂપિયા એકઠા કરવા માંગે છે. જ્યારે સ્ટાર હેલ્થને પણ આઈપીઓની મંજૂરી મળી છે. આ કંપનીમાં બિગ બુલ કહેવાતા રાકેશ ઝુનઝુનવાલાની ભાગીદારી છે. જેના પગલે રોકાણકારોમાં અનેરો ઉત્સાહ જોવા મળી રહ્યો છે.

અદાણી વિલ્મર આઈપીઓ (Adani Wilmar IPO)

Adani Wilmar ફોર્ચ્યૂન બ્રાન્ડથી ખાદ્ય તેલ બનાવે છે. આ કંપની અદાણી એન્ટરપ્રાઇઝ અને એશિયન એગ્રી બિઝનેસ વિલ્મર ઇન્ટરનેશનલનું જોઈન્ટ વેન્ચર છે. અદાણી ગૃપના આ સેગમેન્ટમાં મધર ડેરીની ધારા, નેચર ફ્રેશ, Cargill, મૈરિકોનું સફૌલા, એગ્રો ટેક ફૂડ્સનું સનડ્રોપ અને પતંજલિ ઓઈલ હોઈ શકે છે. સાથે જ રામદેવની કંપની Ruchi Soyaને પણ ટક્કર આપશે.

અદાણી વિલ્મર બિઝનેસ

અદાણી વિલ્મરના એડિબલ ઓઈલમાં અનેક પ્રોડક્ટ્સ છે. દરેક ઘરમાં Fortune Oilનો ઉપયોગ કરવામાં આવે છે. કંપની ચોખા, સોયાબીન, બેસન, દાળ, વનસ્પતિ, ખીચડી, સાબુ, લોટ, ખાંડ સહિત અનેક પ્રોડક્ટ તૈયાર કરે છે. મોટાભાગની પ્રોડક્ટ Fortune બ્રાંચના નામથી આવે છે.

અદાણી વિલ્મર એડિબલ ઓઈલ “ફોર્ચ્યુન” બનાવે છે. જેની શરૂઆત વર્ષ 1999માં થઈ હતી. ત્યારબાદ આ પ્રોડક્ટમાં લોકોનો વિશ્વાસ વધતો ગયો. અદાણી વિલ્મર અદાણી ગૃપ અને સિંગાપોરની કંપની વિલ્મરે જોઈન્ટ વેન્ચર સાથે કારોબાર કર્યો. આ એશિયાનું સૌથી મોટુ એગ્રી બિઝનેસ ગૃપ છે.

સ્ટાર હેલ્થ ઇન્શ્યોરન્સ આઈપીઓ (Star Health Insurance IPO)

અદાણી વિલ્મર ઊપરાંત સેબી તરફથી દેશની સૌથી મોટી ખાનગી હેલ્થ ઇન્શ્યોરન્સ કંપની (Private health Insurance company) સ્ટાર હેલ્થ ઇન્શ્યોરન્સને પણ આઈપીઓ માટે મંજૂરી આપી દીધી છે. આ કંપનીમાં દિગ્ગજ રોકાણકાર રાકેશ ઝુનઝુનવાલાની ભાગાદારી છે. રાકેશ ઝુનઝુનવાલાની Start Health and Allied Insuranceમાં 14% ભાગીદારી છે. જ્યારે તેમના પત્ની રેખા ઝુનઝુનવાલાની આ કંપનીમાં 3.26 ટકા ભાગીદારી છે.

આ પણ વાંચો: Rakesh Jhunjhunwalaની પસંદગીના શેરે આ વર્ષે આપ્યું ત્રણ ગણું વળતર, શું તમારી પાસે છે?

રૂ. 2,000 કરોડનો ફ્રેશ ઇશ્યૂ

સ્ટાર હેલ્થ ઇન્શ્યોરન્સની બજારમાં ભાગીદારી આશરે 15.8% છે. કંપની પોતાના પ્રસ્તાવિત આઈપીઓ મારફતે 5,500 કરોડ રૂપિયા એકઠા કરવા માંગે છે. કંપનીએ 2000 કરોડ રૂપિયાનો ફ્રેશ ઇશ્યૂ જાહેર કરશે. જ્યારે 6,01,04,677 ઇક્વિટી શેર ઑફર ફોર સેલમાં વેચશે. જે અંતર્ગત કંપનીના પ્રમોટર અને વર્તમાન શેર ધારકો પોતાનો હિસ્સો વેચશે.

આ પણ વાંચો: Buzzing Stocks: આજે આ શેર પર રહેશે નજર-વાંચો અહેવાલ

કંપનીના વર્તમાન પ્રમોટર્સ પોતાનો હિસ્સો વેચશે

ઑફર ફોર સેલમાં Safecrop Investments India LLP 3,06,83,553 ઇક્વિટી શેરનું વેચાણ કરશે. જ્યારે Konark Trust 1,37,816 ઇક્વિટી શેર વેચશે. MMPL Trust 9,518 ઇક્વિટી શેર વેચશેસ જ્યારે Apis Growth 6 Ltd 76,80,371 ઇક્વિટી શેર વેચશે. આજ રીતે Mio IV Star 41,10,652 ઇક્વિટી શેર વેચશે. કંપની આ ફ્રેશ ઇશ્યૂથી મળનારી રકમનો ઉપયોગ કેપિટલ બેઝ વધારવામાં અને સોલ્વન્સી લેવલ મેઇન્ટેન કરવામાં કરશે. જ્યારે ઑફર ફોર સેલથી મળનારી રકમ જે તે શેર ધારકોને મળશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Investment, IPO, Rakesh jhunjhunwala, અદાણી