શિયાળો તો નીકળી જશે, પરંતુ ઉનાળામાં નીકળશે જીવ, સીલિંગ પંખાની કિંમતમાં થશે જોરદાર વધારો

નવી દિલ્હી: એનર્જી સેવિંગ સ્ટાર રેટિંગવાળા પંખાનું વેચાણ 1 જાન્યુઆરી, 2023થી ફરજિયાત બની ગયું છે. નવા નિયમથી સીલિંગ ફેનની કિંમત 8-20% વધી શકે છે. બ્યુરો ઓફ એનર્જી એફિશિયન્સી (BEE) ના સુધારેલા ધોરણો અનુસાર, હવે વીજળી બચાવવાની ક્ષમતાના આધારે ઇલેક્ટ્રિક પંખાને સ્ટાર રેટિંગ આપવામાં આવશે. એક સ્ટાર રેટિંગ ધરાવતો પંખો ઓછામાં ઓછી 30 ટકા વીજળી બચાવે છે જ્યારે ફાઈવ સ્ટાર રેટિંગ ધરાવતો પંખો 50 ટકાથી વધુ વીજળી બચાવી શકે છે.

પંખાની કિંમતમાં 5 થી 20 ટકાના વધારાની સંભાવના

આ ફેરફારને હેવેલ્સ, ઓરિએન્ટ ઈલેક્ટ્રીક અને ઉષા ઈન્ટરનેશનલ જેવા મોટા પંખા ઉત્પાદકો દ્વારા આવકારવામાં આવ્યો છે, ત્યારે પંખાની કિંમતમાં 5 થી 20 ટકાનો વધારો થવાની પણ ધારણા છે. વાસ્તવમાં, ફાઈવ-સ્ટાર પંખામાં આયાતી મોટર અને ઈલેક્ટ્રોનિક ઘટકોને સ્થાપિત કરવાથી તેમની કિંમતમાં વધારો થશે. નવી સિસ્ટમ હેઠળ પંખા બનાવતી કંપનીઓ માટે હવે તેમના પંખાને પાવર-સેવિંગ સ્ટાર રેટિંગ સાથે લેબલ કરવું જરૂરી બનશે.

આ  પણ વાંચો: મિત્રતાના સંબંધ પર લાગ્યું લાંછન, સામાન્ય બોલોચાલીમાં કરી દીધી મિત્રની કરપીણ હત્યા

પંખા માટે ચૂકવવા પડશે વધુ પૈસા

ઓરિએન્ટ ઇલેક્ટ્રિકના MD અને CEO રાકેશ ખન્નાએ આ 'મોટા ફેરફાર' ને વર્ણવતા જણાવ્યું હતું કે, સ્ટાર રેટિંગ સિસ્ટમની રજૂઆત સાથે, હવે ગ્રાહકો વધુ વીજળીની બચત કરતા અદ્યતન પંખા મેળવી શકશે. પરંતુ આ માટે ગ્રાહકોએ હવે વધારે કિંમત ચૂકવવી પડશે કારણ કે વધુ સારા રેટિંગ મેળવવા માટે પંખામાં એડવાન્સ કોમ્પોનન્ટ્સ ઇન્સ્ટોલ કરવામાં આવશે. તેમણે ભાવમાં 7 ટકા વધારાની આગાહી કરી છે.

આ પણ વાંચો: દેવભૂમિ દ્વારકા જિલ્લાના રાણ ગામે પ્લોટ બાબતે જૂથ અથડામણ

એક સ્ટાર રેટિંગ પંખાની કિંમત 5-7% વધશે

ઉષા ઈન્ટરનેશનલના સીઈઓ દિનેશ છાબરાએ જણાવ્યું હતું કે, સ્ટાર રેટિંગવાળા પંખાના ઉપયોગથી ગ્રાહકોને વીજળીનું બિલ ઘટાડવામાં મદદ મળશે, પરંતુ આ પંખાની ખરીદી પર તેમને વધુ કિંમત ચૂકવવી પડશે. તેમણે કહ્યું, ‘ઉષા કંપનીના એક સ્ટાર રેટિંગવાળા પંખા 5-7 ટકા અને ફાઈવ સ્ટાર રેટિંગવાળા પંખા 20 ટકા મોંઘા થશે.’

આ પણ વાંચો: 2023માં ‘ટાઈગલ 3’ અને ‘ગદર 2’ સિવાય આ લોકપ્રિય સિક્વલ પણ રિલીઝ થશે

ઉત્પાદન ખર્ચમાં વધારો

હેવેલ્સ ઈન્ડિયાના પ્રમુખ સૌરભ ગોયલે જણાવ્યું હતું કે, નવા ધોરણના અમલીકરણને કારણે પંખાના ઉત્પાદન ખર્ચમાં આંશિક વધારાનો બોજ ગ્રાહકો પર પડશે.’ આ સાથે તેમણે કહ્યું કે, ‘આ પરિવર્તન લોકોને વીજળીની બચત અંગે જાગૃત કરવાની પણ તક છે.’

આ પણ વાંચો: જોશીમઠમાં ભૂસ્ખલન અંગે નિષ્ણાત સમિતિએ અહેવાલ સુપરત કર્યો

200થી વધુ કંપનીઓ સક્રિય છે

દેશમાં પંખાનું બજાર આશરે 10,000 કરોડ રૂપિયાનું છે. ઇન્ડિયન ફેન મેન્યુફેક્ચરર્સ એસોસિએશન (IFMA)ના અહેવાલ મુજબ, આ સેગમેન્ટમાં 200થી વધુ કંપનીઓ સક્રિય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Business news in gujarati, Cost, Inflation, Price rise