Home /News /business /

CarTrade Tech IPO: ક્યારે થશે શેરની ફાળવણી? સ્ટેટસ ક્યાંથી જોઈ શકાશે? હાલ કેટલું છે ગ્રે માર્કેટ પ્રીમિયમ?

CarTrade Tech IPO: ક્યારે થશે શેરની ફાળવણી? સ્ટેટસ ક્યાંથી જોઈ શકાશે? હાલ કેટલું છે ગ્રે માર્કેટ પ્રીમિયમ?

પ્રતીકાત્મક તસવીર.

Car Trade IPO allotment and GMP: માર્કેટ નિષ્ણાતોનું કહેવું છે કે છેલ્લા ત્રણ દિવસમાં CarTrade Techના શેરનો ગ્રે માર્કેટમાં ભાવ 275 રૂપિયાથી 310 રૂપિયા વચ્ચે ચાલી રહ્યો છે. આથી જેમને આઈપીઓ લાગશે તેમને 15-20 ટકાનો લિસ્ટિંગ ફાયદો મળી શકે છે.

વધુ જુઓ ...
    મુંબઈ: કાર અને બાઇક વેચતી ઑનલાઇન કંપની CarTrade techનો આઈપીઓ 20.29 ગણો ભરાયો હતો. હવે તમામની નજર શેરના અલૉટમેન્ટ પર ટકેલી છે. CarTrade Techના શેરની ફાળવણી 17 ઓગસ્ટના રોજ થશે. હાલ ગ્રે માર્કેટમાં શેરનો ભાવ (CarTrade Tech share GMP) 275 રૂપિયા ચાલી રહ્યો છે. આ ભાવ કંપનીના ઇશ્યૂ કિંમતથી 17 ટકા વધારે છે. કંપનીની પ્રાઇસ બેન્ડ 1585-1618 રૂપિયા હતી.

    માર્કેટ નિષ્ણાતોનું કહેવું છે કે છેલ્લા ત્રણ દિવસમાં CarTrade Techના શેરનો ગ્રે માર્કેટમાં ભાવ 275 રૂપિયાથી 310 રૂપિયા વચ્ચે ચાલી રહ્યો છે. આથી જેમને આઈપીઓ લાગશે તેમને 15-20 ટકાનો લિસ્ટિંગ ફાયદો મળી શકે છે. નિષ્ણાતોએ એવું જણાવ્યું કે, પહેલા CarTrade techના આઈપીઓનું GMP 30થી 35 ટકા વચ્ચે હતું. એટલે કે લિસ્ટિંગ તારીખ નજીક આવતા તેમાં ઘટાડો નોંધાયો છે.

    CarTrade Techના આઈપીઓનું અલૉટમેન્ટ 17મી તારીખના રોજ થઈ શકે છે. શેર લાગ્યા કે નહીં તે અંગે રોકાણકારો આ રીતે જાણી શકે છે.

    BSE વેબસાઇટ મારફતે

    >> સૌથી પહેલા https://www.bseindia.com/investors/appli_check.asp પર ક્લિક કરો.

    >> બાદમાં Equity વિકલ્પ પસંદ કરો.

    >> તમારે જે કંપનીના શેરનું અલૉટમેન્ટ ચેક કરવું છે તે પસંદ કરો.

    >> તમારો એપ્લિકેશન નંબર દાખલ કરો.

    >> તમારો પાન કાર્ડ નંબર દાખલ કરો.

    >> જે બાદમાં તમારે I am not a robot બૉક્સ પર ક્લિક કરવાનું રહેશે.

    >> Search બટન પર ક્લિક કરતાની સાથે જ તમને સ્ટેટસ જોવા મળશે.

    KFin Technologies મારફતે સ્ટેટસ જાણો

    >> સૌથી પહેલા https://ris.kfintech.com/ipostatus/ipos.aspx લિંક પર ક્લિક કરો.

    >> જે બાદમાં ડ્રૉપબૉક્સમાંથી IPOનું નામ પસંદ કરો.

    >> જે બાદમાં આ પ્રમાણે વિગત દાખલ કરો- એપ્લિકેશન નંબર, ક્લાઇન્ટ આઈડી, PAN.

    >> જે બાદમાં એપ્લિકેશન ટાઇપ પસંદ કરો. એટલે કે ASBA અથવા નૉન-ASBAમાંથી પસંદ કરો.

    >> તમે જે મોડ પસંદ કરશો તે પ્રમાણે તમારે નીચે વિગત આપવી પડશે.

    >> કેપ્ચા ભરીને સબમીટ કરશો એટલે સ્ટેટસ જોવા મળશે.

    CarTrade IPO

    મલ્ટીચેનલ ઑટોમોબાઇલ પ્લેટફોર્મમ કારટ્રેડ ટેકના આઈપીઓ 9 ઓગસ્ટના રોજ ખુલ્યો હતો. કંપનીની યોજના આઈપીઓ (Initial public offering) મારફતે 2,998 કરોડ રૂપિયા એકઠા કરવાની છે. આ શેરમાં રોકાણકારો મિનિમમ 9 ઇક્વિટી શેરના લૉટ માટે બિડ કરી શકતા હતા. રિટેલ ઇન્વેસ્ટર્સ (Retail investors) માટે મિનિમમ ઇન્વેસ્ટમેન્ટ રૂ. 14,562 પ્રતિ લૉટ હતો. આ આઈપીઓનો અડધો હિસ્સો ક્વૉલિફાઇડ ઇન્સ્ટીટ્યૂશનલ બાયર્સ (QIB) માટે અનામત રખાયો હતો. આ ઉપરાંત 15 ટકા હિસ્સો નૉન-ઇન્સ્ટીટ્યૂશનલ બિડર્સ (NIB) માટે અને બાકીનો 35 ટકા હિસ્સો રિટેલર્સ માટે અનામત હતો.

    આ પણ વાંચો: લાખના 1.15 કરોડ! આ સ્ટૉકે 10 વર્ષમાં રોકાણકારોને કરી દીધા ન્યાલ, શું તમારા પોર્ટફોલિયોમાં છે આ શેર?

    કારટ્રેડના (CarTrade) પ્લેટફોર્મ મારફતે સેકન્ડ હેન્ડ કાર્સની ખરીદી તેમજ વેચાણ અને નવી કાર પણ ખરીદી શકાય છે. તેની બ્રાન્ડ કારવાલે અને બાઇકવાલે આ સિગમેન્ટમાં સારી હાજરી પુરાવે છે. છેલ્લા બે નાણાકીય વર્ષથી પ્રોફિટ કરતું હોય તે આ એકમાત્ર ડિજિટલ પ્લેટફોર્મ છે. કંપની ઑટોમોટિવ સેક્ટરમાં માર્કેટિંગ, ખરીદી, વેચાણ અને ફાઇનાન્સિયલ સોલ્યૂશનનું કામ પણ કરે છે. કંપનીના મેનેજમેન્ટ પાસે ઑટોમોટિવ સેક્ટરનો વર્ષોનો અનુભવ છે.

    આઈપીઓ લિસ્ટિંગ (IPOs listing)

    કારટ્રેક ટેકનો આઈપીઓ NSE અને BSE પર લિસ્ટ થશે. કારટ્રેડના શેરનું લિસ્ટિંગ 23 ઓગસ્ટના રોજ થવાની સંભાવના છે. આ તારીખોમાં કંપનીઓ ફેરફાર કરી શકે છે.
    Published by:Vinod Zankhaliya
    First published:

    Tags: Investment, IPO

    विज्ञापन

    विज्ञापन

    આગામી સમાચાર

    विज्ञापन
    विज्ञापन