Union
Budget 2023

Highlights

Home /News /business /Business Idea: આ ફ્રૂટની ખેતી શરીર સાથે ખિસ્સું પણ હેલ્દી રાખશે, ચીન બાદ ભારતે શરુ કર્યું ઉત્પાદન

Business Idea: આ ફ્રૂટની ખેતી શરીર સાથે ખિસ્સું પણ હેલ્દી રાખશે, ચીન બાદ ભારતે શરુ કર્યું ઉત્પાદન

આજકાલ બજારમાં વિદેશી ફળોની માંગ પણ ઝડપથી વધવા લાગી છે.

Business Idea: દેશમાં કૃષિ ક્ષેત્રે અવનવા પ્રયોગો થઈ રહ્યા છે અને તેના પરિણામે અહીં અનેક વિદેશી ફળો અને શાકભાજી સફળતાપૂર્વક ઉગાડવામાં આવ્યા છે. કીવી પણ એક એવું ફળ છે જેની ખેતી ભારતમાં થોડા સમય પહેલા શરૂ થઈ છે.

    Business Idea: અત્યારે ગ્લોબલાઈઝેશનને કારણે માત્ર એક જ જગ્યાએ કોઈ ચોક્કસ વસ્તુનું નિશ્ચિત પ્રતિનિધિત્વ રહ્યું નથી. ખાણીપીણીની વાનગીઓથી લઈને ફળો અને શાકભાજી સુધી, દરેક જગ્યાએ દરેક વસ્તુનો ઉપયોગ થઈ રહ્યો છે. વ્યાપારી લોકો માટે ભારત વિશ્વનું સૌથી મોટું બજાર છે. જેના કારણે અહીં ઘણી વિદેશી વસ્તુઓએ પોતાનું સ્થાન બનાવી લીધું છે. આજકાલ બજારમાં વિદેશી ફળોની માંગ પણ ઝડપથી વધવા લાગી છે.

    એવા ઘણા ફળો અને શાકભાજી છે જેની ખેતી પહેલા ભારતમાં થતી ન હતી, પરંતુ માંગ વધવાને કારણે હવે અહીં તેની ખેતી કરવામાં આવી રહી છે. કિવી એવું જ એક ફળ છે. આજકાલ બજારમાં તેની ખૂબ માંગ છે અને તે ખૂબ ઊંચા ભાવે વેચાય છે. આજે અમે તમને જણાવી રહ્યા છીએ કે તમે કેવી રીતે કિવીની ખેતી શરૂ કરી શકો છો.

    આ પણ વાંચો:2 રૂપિયાથી ડાયરેક્ટ રૂ.57 પર પહોંચ્યો શેરનો ભાવ; આ દિગ્ગજે કર્યું મોટું રોકાણ; તમારી પાસે પણ ગોલ્ડન ચાન્સ

    આ રાજ્યોમાં કિવીની ખેતી થાય છે


    વિદેશી ફળોમાં કિવીની ખેતીથી થતા નફાએ ભારતીય ખેડૂતોનું ધ્યાન આકર્ષિત કર્યું છે. મુખ્યત્વે ચીનમાં તેની ઉપજ વધારે છે. ભારતમાં ઉત્તરપૂર્વીય રાજ્ય નાગાલેન્ડમાં કીવીની ખેતી મોટા પાયે શરૂ થઈ છે. નાગાલેન્ડ ઉપરાંત ઉત્તર-પૂર્વના અન્ય રાજ્યોના ખેડૂતોએ પણ કીવીનો પાક મોટા પ્રમાણમાં ઉગાડવાનું શરૂ કર્યું છે. પરંતુ ઉત્પાદનની દ્રષ્ટિએ નાગાલેન્ડ ભારતમાં સૌથી વધુ ઉત્પાદન આપતું રાજ્ય છે.

    આ પણ વાંચો:ટેક્નોલોજીના યુગમાં ઘરબેઠા વ્યાપાર એકદમ સરળ, E-Commerce પ્લેટફોર્મ આપે છે સુવર્ણ તક

    લાખમાં કમાણી


    કિવીના ધંધાર્થીઓના જણાવ્યા અનુસાર કિવીની ખેતીથી ખેડૂતો લાખો રૂપિયાની કમાણી કરે છે. જો કોઈ ખેડૂત એક હેક્ટરના બગીચામાં કિવીની ખેતી કરે છે તો તેમાંથી 24 લાખ રૂપિયા સુધીની કમાણી સરળતાથી કરી શકાય છે. આજકાલ માર્કેટમાં તેની માંગ ઘણી વધારે છે. ડેન્ગ્યુ જેવી ખતરનાક બીમારીમાંથી બહાર આવવામાં કીવી ફળ ખૂબ જ મદદરૂપ છે. એટલા માટે ડોક્ટરો પણ તેને ખાવાની સલાહ આપે છે. બજારમાં તેના એક પીસની કિંમત રૂ.40-50 સુધી છે.


    રોગપ્રતિકારક શક્તિ વધારવામાં અસરકારક


    કીવી ફળ આપણા શરીરની રોગપ્રતિકારક શક્તિ વધારવામાં અસરકારક છે. તેમાં વિટામિન સીનું પ્રમાણ ખૂબ વધારે હોય છે. કિવીમાં નારંગી કરતાં 5 ગણું વધુ વિટામિન સી હોય છે. આપણા શારીરિક વિકાસ સાથે સંબંધિત 20 થી વધુ પોષક તત્વો તેમાં જોવા મળે છે. શરીરને સ્વસ્થ રાખવા માટે કીવીમાં તમામ પ્રકારના વિટામિન મળી આવે છે. એટલા માટે ઘણા લોકો તેનું નિયમિત સેવન કરે છે.
    Published by:Darshit Gangadia
    First published:

    Tags: Agricultural, Business news, Farmers News, Fruits and vegetables

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन