ALERT! તમને આવેલો ફોન, બેન્ક અધિકારીનો છે કે કોઈ ફ્રોડનો, આ રીતે જાણો

News18 Gujarati
Updated: July 15, 2020, 4:15 PM IST
ALERT! તમને આવેલો ફોન, બેન્ક અધિકારીનો છે કે કોઈ ફ્રોડનો, આ રીતે જાણો
પ્રતિકાત્મક તસવીર

પોતાને પ્રોફેશનલ બેન્ક અધિકારી અથવા ટેક્નિકલ ટીમના સભ્ય બતાવે છે. ગ્રાહકને વિશ્વાસમાં લીધા બાદ આ લોકો પ્રાઈવેટ જાણકારી અને ગોપનીય ડેટા મેળવી લે છે.

  • Share this:
નવી દિલ્હી : પ્રોડ લોકો તમારા એકાઉન્ટમાંથી પૈસા ચોરવા માટે અનેક રીત અપનાવે છે, જેમાં તમને ખબર પણ નથી પડતી અને ેક નાની ભૂલ તમને ભારે નુકશાન કરાવી દે છે. આ પ્રકારે અનેક ફ્રોડ લોકોને છેતરી રહ્યા છે. આ પ્રકારના કોલને વોઈસ પિશિંગ કહેવામાં આવે છે. આ લોકો પોતાને બેન્કના પ્રતિનિધિ અથવા બેન્કની ટેક્નિકલ ટીમના સભ્ય બતાવે છે. ત્યારબાદ ગ્રાહકને વિશ્વાસમાં લઈ પ્રાઈવેટ જાણકારી મેળવી લે છે. આજ અમે તમને જણાવીશું કે આવા ફ્રોડ કોલની ઓળખ કેવી રીતે કરી શકાય, અને તેનાથી કેવી રીતે બચાય.

સાઈબર સિક્યોરિટી એક્સપર્ટ કહે છે કે, હાલના સમયમાં ફ્રોડ કરનારા લોકો બેન્ક ખાતામાંથી પૈસા ચોરવા માટે અનેક રીતનો ઉપયોગ કરે છે. તેમાં એટીએમ ક્લોનિંગ, વોટ્સઅપ કોલ દ્વારા છેતરામણી, કાર્ડના ડેટાની ચોરી, યૂપીઆઈ દ્વારા ચોરી, લોટરીના નામ પર ઠગાઈ, બેન્ક ખાતાના તપાસના નામે ઠગાઈ મુખ્ય છે.

સમય સમય પર બેન્ક ખાતાની તપાસ - મોટાભાગના ફોન કરનારા પોતાને પ્રોફેશનલ બેન્ક અધિકારી અથવા ટેક્નિકલ ટીમના સભ્ય બતાવે છે. ગ્રાહકને વિશ્વાસમાં લીધા બાદ આ લોકો પ્રાઈવેટ જાણકારી અને ગોપનીય ડેટા મેળવી લે છે. સાઈબર સિક્યોરિટી એક્સપર્ટ બતાવે છે કે, બેન્ક ખાતાની તપાસ તમારે સમય-સમય પર કરવી જોઈએ અને અસ્વીકૃત લેવડ-દેવડ મામલે બેન્કને જાણકારી આપવી જોઈએ.

કોઈની સાથે શેર ના કરો આ જાણકારી - ફ્રોડ કોલ કરનાર વ્યક્તિ હંમેશા ગ્રાહક પાસે વન ટાઈમ પાસવર્ડ, સિક્યોરિટી પાસવર્ડ, ક્રેડિટ-ડેબિટ કાર્ડ નંબર, કાર્ડનો સીવીવી નંબર, એક્સપાયરી ડેટ, એટીએમ પિન, ઈન્ટરનેટ બેન્કિંગ લોગઈન આઈડી, પાસવર્ડ અને બીજી પ્રાઈવેટ જાણકારી માંગે છે. કસ્ટમરે આ પ્રકારની કોઈ જાણકારી ફોન પર કે વોટ્સઅપ પર કોઈની સાથે સેર ન કરવી જોઈએ. જો તમે કોઈને કોલ પર આ જાણકારી આપી હોય તો તુરંત બેન્કને જાણકારી આપી તમારો પાસવર્ડ બદલી દો.

બેન્ક ક્યારે પણ પ્રાઈવેટ જાણકારી નથી માંગતી - બેન્ક ગ્રાહકોને ફોન કરી તેમના કોઈ પમ પ્રાઈવેટ ડેટા, પાસવર્ડ અથવા ઓટીપી એસએમએસ પાસવર્ડ વિશે નથી પુછતી. અને ના કસ્ટમરને યૂઝર આઈડી, પાસવર્ડ, ડેબિટ કાર્ડ નંબર, પિન, સીવીવી વગેરે અપડેટ અથવા વેરીફાઈ કરવા માટે કહેતી. હંમેશા એ વાતનું ધ્યાન રાખો કે, કેટલીક જાણકારી જેમ કે, પાસવર્ડ, PIN, TIN વગેરે કડક નિયમ હેઠળ ગુપ્ત હોય છે અને તેના વિશે બેન્ક કર્મચારીઓ કે સુરક્ષા અધિકારીઓને પણ ખબર નથી હોતી.

આ પ્રકારે પણ થાય છે ખાતમાંથી પૈસાની ચોરી

કાર્ડના ડેટાની ચોરી
એટીએમ કાર્ડની ક્લોનિંગ
બેન્ક ખાતાના તપાસના નામે ઠગાઈ
નોકરીના નામ પર ઓનલાઈન ફ્રોડ
લગ્નની વેબસાઈટ પર લોકો સાથે ઠગાઈ
વોટ્સઅપ કોલ દ્વારા ઠગાઈ
યૂપીઆઈ દ્વારા ઠગાઈ
ક્યૂઆર કોલથી ઠગાઈ
લોટરી, પેટ્રોલ પંપ ડિલરશિપના નામ પર ઓનલાઈન ઠગાઈ
ઈ-મેલ સ્પૂફિંગ
રિવોર્ડ પોઈન્ટના નામે ઠગાઈ
Published by: kiran mehta
First published: July 15, 2020, 4:15 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading