Budget 2023: હૃદય જ નહીં ખિસ્સું પણ ફૂંકી મારશે સિગારેટ! ટેક્સ વધારા બાદ કિંમત વધશે

Budget 2023 Tobacco: 2023નું બજેટ ધૂમ્રપાન કરનારાઓ માટે ખરાબ સમાચાર લઈને આવ્યું છે. હવે સિગારેટનો કશ લેવો મોંઘો થશે. નાણાપ્રધાન નિર્મલા સીતારમણએ ​​તેમના બજેટ ભાષણમાં સિગારેટ પર ટેક્સ વધારવાની જાહેરાત કરી હતી. નાણામંત્રીએ સિગારેટ પર 16 ટકા ટેક્સ લાદવાની જાહેરાત કરી હતી. સિગારેટ પર રાષ્ટ્રીય આપત્તિ આકસ્મિક ડ્યુટી હવે વધારીને 16 ટકા કરવામાં આવી છે. છેલ્લા બે બજેટમાં સિગારેટ પરના ટેક્સમાં કોઈ ફેરફાર કરવામાં આવ્યો નથી. સિગારેટ પર ટેક્સ વધારીને હવે તેની કિંમતો વધશે.

નાણાપ્રધાન નિર્મલા સીતારમણે નાણાકીય વર્ષ 2023-24ના બજેટમાં સિગારેટ પર ટેક્સ વધારવાની જાહેરાત કર્યા બાદ ગોડફ્રે ફિલિપ્સ ઇન્ડિયા અને ITC લિમિટેડ સહિત અન્ય સિગારેટ કંપનીઓના શેરમાં ઘટાડો થયો હતો. NCCD એક સરચાર્જ છે. સિગારેટ જેવા તમાકુના ઉત્પાદનો પર GST, આબકારી જકાત તેમજ NCCD લાગે છે. તમાકુ નિયંત્રણ પર વિશ્વ આરોગ્ય સંસ્થાના ફ્રેમવર્ક કન્વેન્શન પર હસ્તાક્ષર કરનારા 182 દેશોમાં ભારતનો સમાવેશ થાય છે, જે તમામ તમાકુ ઉત્પાદનોની છૂટક કિંમતના ઓછામાં ઓછા 75 ટકા ટેક્સની ભલામણ કરે છે.

આ પણ વાંચો:Budget 2023: જોબ બાદ હવે પ્રોફેશનલ્સને મળી Tax રાહત, અનુમાનિત કર યોજનાની મર્યાદામાં વધારો

2020માં ટેક્સમાં વધારો કરવામાં આવ્યો હતો

અગાઉ 2020 ના બજેટમાં, સિગારેટ પરની NCCD, સિગારેટના કદના આધારે 212 ટકાથી વધારીને 388 ટકા કરવામાં આવી હતી. આ વધારા પછી, ઓછી કિંમતની સિગારેટના પેકેટના દરમાં 7 ટકા અને પ્રીમિયમ પેકેટના ભાવમાં 5 ટકાનો વધારો થયો હતો.

શેર 6 ટકા સુધી તૂટ્યો હતો

સિગારેટ પર ટેક્સ વધારવાની જાહેરાતથી સિગારેટ ઉત્પાદક ગોડફ્રે ફિલિપ્સના શેરના ભાવમાં 5.73 ટકાનો ઘટાડો થયો હતો અને શેર રૂ.1812.95 પર બંધ થયો હતો. ગોલ્ડન ટોબેકો શેરનો ભાવ 4.88 ટકા ઘટીને રૂ.61.70 પર બંધ રહ્યો હતો. બીજી તરફ, NTC ઈન્ડસ્ટ્રીઝના શેરનો ભાવ પણ 2.80 ટકાના ઘટાડા બાદ રૂ.86.80 પર બંધ રહ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Budget 2023, Business news, Tobacco