Home /News /business /

New income tax regime: શા માટે માત્ર ગણતરીના કરદાતાઓ જ નવી કર વ્યવસ્થાની પસંદગી કરે છે?

New income tax regime: શા માટે માત્ર ગણતરીના કરદાતાઓ જ નવી કર વ્યવસ્થાની પસંદગી કરે છે?

નવી કર પ્રણાલી (પ્રતીકાત્મક તસવીર)

New income tax regime: ઈન્કમટેક્સ એક્ટ, 1961ની ધારા 115BAC હેઠળ 1 એપ્રિલ 2020 (નાણાકીય વર્ષ 2020-21) થી નવી કર વ્યવસ્થા લાગૂ કરવામાં આવી છે જે વિવિધ કર મુક્તિ અને કર કપાતના લાભ આપતી નથી.

નવી દિલ્હી: નાણાકીય વર્ષ 2020-21માં કરદાતાઓ પાસે કર ચૂકવવા માટે બે કર વ્યવસ્થા હતી. ઘણા લોકોએ બચત કરવા માટે અને ઓછા ખર્ચ માટે આ નવી કર વ્યવસ્થાની પસંદગી કરી નથી. આ નવી કર વ્યવસ્થા વિશે અહીંયા વિસ્તારપૂર્વક જાણકારી આપવામાં આવી છે. ઈન્કમટેક્સ એક્ટ, 1961ની ધારા 115BAC હેઠળ 1 એપ્રિલ 2020 (નાણાકીય વર્ષ 2020-21) થી નવી કર વ્યવસ્થા લાગૂ કરવામાં આવી છે. જે હાઉસ રેન્ટ, લિવ ટ્રાવેલ એલાઉન્સ, સેક્શન 80C અને 80D હેઠળ મળતા લાભ, સેક્શન 24 હેઠળ હોમ લોનના વ્યાજ દર પરની કપાત જેવા 70 કર મુક્તિ અને કર કપાતના લાભ આપતી નથી. જેના કારણે ચાર્ટર્ડ એકાઉન્ટન્ટ અને એમ્પ્લોયર્સને પ્રોસેસ કરવામાં અનેક પ્રકારની સમસ્યા ઊભી થાય છે.

ટીમલીઝ સર્વિસીસના બિઝનેસ હેડ CPO પ્રશાંત સિંહ જણાવે છે કે, મોટાભાગના ઓર્ગેનાઈઝેશન્સને લાગે છે કે, કર્મચારીઓના રેકોર્ડ મેઈન્ટેઈન કરવા માટે અનેક પ્રકારના ડોક્યુમેન્ટનું ભારણ વધી જશે. વર્ષ 2021-22 નું ટેક્સ રિટર્ન ફાઈલ કરવા માટેની સમયમર્યાદા પૂર્ણ થઈ ગઈ છે. નવી કર વ્યવસ્થા ભારતીયોને પસંદ આવી છે કે નહીં, તે વિશે અહીંયા જાણકારી આપવામાં આવી છે.

2021માં કન્વર્ઝેશન રેશિયો

ચાર્ટર્ડ ક્લબના ફાઉન્ડર કરણ બત્રાએ આ અંગે જાણકારી આપી છે. તેમણે જણાવ્યું કે, માત્ર ગણતરીના કસ્ટમરોએ આ નવી કર વ્યવસ્થાની પસંદગી કરી છે. ગ્રાહકોમાંથી માત્ર હાઈ નેટવર્થ ઈન્ડિવિજ્યુઅલ (HNI) એ નવી કર વ્યવસ્થાના વિકલ્પની પસંદગી કરી છે.

આ લોકોએ જ કરી નવી કર વ્યવસ્થાના વિકલ્પની પસંદગી

અમદાવાદના R C S P H & એસોસિએટ્સના પાર્ટનર રાજુ શાહે આ અંગે જાણકારી આપી છે. તેમણે આ અંગે માહિતી આપતા જણાવ્યું છે કે, માત્ર દિલ્હીમાંથી જ નહીં પરંતુ અન્ય શહેરોમાં પણ ખૂબ જ ઓછા લોકો આ નવી કર વ્યવસ્થાની પસંદગી કરી રહ્યા છે. 700થી વધુ ગ્રાહકોમાંથી માત્ર 18થી 20 લોકોએ નવી કર વ્યવસ્થાની પસંદગી કરી છે. આ ગ્રાહકો રોકાણ કરવામાં કોઈપણ પ્રકારનો રસ દાખવતા ન હોવાને કારણે નવી કર વ્યવસ્થાના વિકલ્પની પસંદગી કરી છે. તેઓ પોતાની નેટ ટેક્સ લાયબલિટીના આધાર પર નિર્ણય કરે છે.

બિલિયન બેઝ કેમ્પ ફેમિલી ઓફિસના પ્રિન્સિપલ વૈભવ સાંકલાએ આ અંગે જાણકારી આપી છે. તેમણે આ અંગે માહિતી આપતા જણાવ્યું છે કે, જે વ્યક્તિઓ વધુ આવક ધરાવે છે, તે લોકોમાંથી માત્ર ગણતરીના લોકોએ આ નવી કર વ્યવસ્થાની પસંદગી કરી છે. જે લોકોની વાર્ષિક આવક ઓછામાં ઓછી રૂ. 2.5 લાખ છે તે લોકો જૂની કર વ્યવસ્થાની પસંદગી કરે છે.

નવી કર વ્યવસ્થાની પસંદગી કોણ કરે છે?

સામાન્ય માણસને આ અંગે ખબર જ નથી કે નવી કર વ્યવસ્થા ફાયદાકારક છે. KPB & એસોસિએટ્સના પાર્ટનર પારસ સાવલાએ આ અંગે જાણકારી આપી છે. તેમણે આ અંગે માહિતી આપતા જણાવ્યું છે કે, વ્યક્તિ વર્ષના અંતે બે વિકલ્પોની સરખામણી કરે છે અને જેમાં ઓછો કર ચૂકવવાનો રહે છે તેની પસંદગી કરે છે. જે યુવા વર્ગ કર બચત રોકાણમાં સેવિંગ કરતો નથી, તે લોકો નવી કર વ્યવસ્થાની પસંદગી કરે છે.

બત્રાએ આ અંગે માહિતી આપતા જણાવ્યું કે, જે ગ્રાહકોએ નવી કર વ્યવસ્થાની પસંદગી કરી તેમણે 80C માં પૈસા લોક ના થાય તે માટે નવી કર વ્યવસ્થાની પસંદગી કરી. તેઓ ટેક્સ સેવિંગ ઈન્વેસ્ટમેન્ટમાં 3 થી 5 વર્ષ માટે રોકાણ કરવાની જગ્યાએ FD માં રોકાણ કરવાનું પસંદ કરે છે.

આ પણ વાંચો: ઈ-વાહનો પર Subsidy સાથે કર રાહત પણ મળે છે, 2022માં આવી રીતે ઉઠાવો ફાયદો

નવી કર વ્યવસ્થાની પસંદગી કોણે કરવી જોઈએ?

હાલની કર વ્યવસ્થામાં 5 ટકા કરતા ઓછો ટેક્સ સ્લેબ ઉપલબ્ધ નથી. ઓછી આવક ધરાવતા લોકો અને જે લોકો પેપરવર્કથી બચવા ઈચ્છે છે તે લોકો માટે નવી કર વ્યવસ્થા એકદમ યોગ્ય છે.

ટીમલીઝ સર્વિસિઝના સિંહે આ અંગે જાણકારી આપી છે. તેમણે જણાવ્યું કે, જે લોકોની વાર્ષિક આવક રૂ. 7.5 લાખથી ઓછી છે તેમણે નવી કર વ્યવસ્થાની પસંદગી કરવી જોઈએ. જે લોકોની વાર્ષિક આવક રૂ. 10 લાખથી વધુ છે તેમણે જૂની કર વ્યવસ્થાની પસંદગી કરવી જોઈએ.

બત્રાએ આ અંગે જાણકારી આપી છે. તેમણે જણાવ્યું કે, જે લોકો હમણાં જ નોકરી કરવાનું શરૂ કર્યું છે તે લોકો નવી કર વ્યવસ્થાની પસંદગી કરી રહ્યા છે. જે લોકો ઓછી રકમની હોમ લોન લેવાનું વિચારી રહ્યા છે તેઓ પણ ઓછા ટેક્સની સિસ્ટમની પસંદગી કરવાનું વિચારી રહ્યા છે.

નવી કર વ્યવસ્થાની પસંદગી કોણે ન કરવી જોઈએ?

જે લોકો માસિક નિશ્ચિત રકમ મેળવતા નથી, સેલ્ફ એમ્પ્લોયી છે અને ઉચ્ચ રકમની હોમ લોન મેળવવા ઈચ્છે છે તેમણે નવી કર વ્યવસ્થાની પસંદગી ન કરવી જોઈએ.

સ્વરોજગાર વ્યક્તિ એક જ વાર કર વ્યવસ્થાની પસંદગી કરી શકે છે

પગારદાર વ્યક્તિ વર્ષની શરૂઆતમાં કર વ્યવસ્થાની પસંદગી બદલી શકે છે. સ્વરોજગાર અને વ્યવસાયી વ્યક્તિ માત્ર એક જ વાર કર વ્યવસ્થાની પસંદગી કરી શકે છે. વ્યવસાયી વ્યક્તિની આવકનો અંદાજો મેળવી શકાતો નથી અને તેઓ આ સુવિધાનો ઉપયોગ કરી શકે છે.

આ પણ વાંચો:  આવા કેસમાં તમને પણ મળી શકે છે આવકવેરા વિભાગની નોટિસ, જાણો શું કહે છે નિષ્ણાતો

જાગૃતિ ન હોવાના કારણે અને એડવાન્સ્ડ પ્લાનિંગ NTRના અટ્રેક્શનને સીમિત કરી દે છે. ઓર્ગેનાઈઝેશન્સ કર્મચારીઓને નાણાકીય વર્ષની શરૂઆતમાં TDS માટે એક કર વ્યવસ્થાની પસંદગી કરવા માટેની મંજૂરી આપે છે. કર્મચારીઓએ પોતાની પસંદગી બદલવા માટે રિટર્ન ફાઈલિંગની રાહ જોવી પડે છે. કંપનીઓ અને સેન્ટર્લ બોર્ડ ડાયરેક્ટ ટેક્સ (CBDT) આ સમસ્યા દૂર કરવા માટે કામ કરે તો અનેક લોકો આ નવી કર વ્યવસ્થાની પસંદગી કરી શકે છે. આ કારણોસર સરળતાથી રિટર્ન ફાઈલ કરી શકાશે. (KHYATI DHARAMSI & PREETI KULKARNI, Moneycontrol)
First published:

Tags: Budget 2022, આયકર વિભાગ, બજેટ

આગામી સમાચાર