Home /News /business /Stock Market: આવતીકાલથી શરું થતા સપ્તાહમાં બજાર કેવું રહેશે? તારશે કે ડુબાડશે અહીં સમજો

Stock Market: આવતીકાલથી શરું થતા સપ્તાહમાં બજાર કેવું રહેશે? તારશે કે ડુબાડશે અહીં સમજો

આગામી સપ્તાહમાં શેરબજાર કેવું રહેશે તારશે કે ડુબાડશે આ ડેટા દ્વારા સમજો.

BSE Sensex NIFTY Update for week: શેરબજારમાં આ મહિનાની શરુઆતની તેજી પછી છેલ્લા ત્રણ દિવસમાં આવેલા ઘટાડાએ રોકાણકારોના લાખો કરોડો ડુબાડી દીધા છે. તેવામાં આગામી સપ્તાહમાં માર્કેટ કેવું રહેશે અને તેની શું અસર રહેશે આ 10 મુખ્ય ફેક્ટરના આધારે સમજો અને પછી દાવ લગાવો તો નુકસાનની શક્યતા ઓછી થઈ શકે છે.

વધુ જુઓ ...
    મુંબઈઃ છેલ્લા ત્રણ ટ્રેડિંગ સેશનમાં માર્કેટમાં આવેલા ઘટાડાએ પછલા કેટલાય દિવસોની તેજીને ધોઈ નાખી હતી અને બેન્ચમાર્ક સૂચકાંકો 16 સપ્ટેમ્બરના રોજ પૂરા થયેલા સપ્તાહમાં 1.5 ટકાથી વધુ ઘટ્યા હતા. યુએસ ફેડરલ રિઝર્વની આગામી પોલિસી બેઠકમાં ફુગાવાને અંકુશમાં લેવા માટે આક્રમક રીતે વ્યાજ દરમાં વધારો થવાની આશંકા, યુએસ ડોલર અને બોન્ડ યીલ્ડમાં મક્કમતા અને વિદેશી રોકાણકારો દ્વારા વેચવાલીથી સ્થાનિક બજારમાં તીવ્ર ઘટાડો જોવા મળી રહ્યો છે. માર્કેટમાં આવેલા આ તાજેતરના ઘટાડામાં ટેક્નોલોજી સેક્ટરમાં સૌથી મોટો આંચકો લાગ્યો છે અને આ સેક્ટર સાત ટકા તૂટી ગયું છે. આ સિવાય ઓટો, એફએમસીજી, ઓઈલ એન્ડ ગેસ, ફાર્મા અને રિયલ્ટી શેરોમાં પણ ઘટાડો નોંધાયો હતો. જોકે, બેન્કો અને મેટલ્સ ટ્રેન્ડથી વિપરીત પરફોર્મ કરતા જોવા મળ્યા હતા. BSE સેન્સેક્સ 950 પોઈન્ટથી વધુ અને નિફ્ટી 300 પોઈન્ટથી વધુ તૂટ્યો હતો.

    આ પણ વાંચોઃ અમદાવાદી કંપનીને તગડો રિસ્પોન્સ, વર્ષનો સૌથી વધુ સબ્સક્રાઈબ થનાર આઈપીઓ બન્યો

    ત્યારે આગામી સપ્તાહમાં માર્કેટની સ્થિતિ અંગે વાત કરતાં રેલિગેર બ્રોકિંગના વાઇસ પ્રેસિડેન્ટ અજિત મિશ્રાએ જણાવ્યું હતું કે, “વૈશ્વિક ઘટાડાની સરખામણીમાં સ્થાનિક બજારોએ સારી મજબૂતી દર્શાવી છે. જો કે, યુએસ ફેડ દ્વારા વ્યાજ દરમાં વધારાની આશંકાથી સીમિત લાભ થયો છે અને તે તાજેતરના ઘટાડા તરફ દોરી ગયો છે. અમેરિકી બજારમાંથી મળતા સંકેતો વચ્ચે સ્થાનિક બજારનું માળખું જોઈએ તો વધુ ડાઉનસાઈડ દેખાય છે.” આગામી સપ્તાહે બજાર માટે આ 10 પરિબળો મહત્વના બની શકે છે.

    Fed Meeting


    વિશ્વની નજર 21 સપ્ટેમ્બરે યુએસ ફેડરલ પોલિસીની બે દિવસીય બેઠકના પરિણામોની જાહેરાત પર છે. રોકાણકારો ફેડરલ ઓપન માર્કેટ કમિટી દ્વારા વ્યાજ દરમાં 75 બેસિસ પોઈન્ટના વધારાની અપેક્ષા રાખી રહ્યા છે, જેની અસર પહેલાથી જ બજાર પર પડી છે. જો કે, જો 100 બીપીએસનો વધારો થશે તો સેન્ટિમેન્ટને ભારે ફટકો પડશે.

    આ પણ વાંચોઃ  Expert Views: શા માટે આ નવા tech stock આગામી Tata Elxsi જેવા મલ્ટિબેગર બની શકે?

    યુએસ ડોલર અને બોન્ડ યીલ્ડમાં ઉછાળો


    યુએસમાં ફુગાવાના ડેટા જાહેર થયા પહેલા યુએસ ડોલર ઇન્ડેક્સ 110ની સપાટી વટાવી ગયો છે, જે 2002 બાદ અત્યાર સુધીનું સૌથી વધુ છે. જોકે, બાદમાં તે નકારી કાઢવામાં આવ્યું હતું. તેમજ યુએસ ફેડની બેઠક પહેલાં, યુએસ 10-વર્ષની ટ્રેઝરી યીલ્ડ 3.5 ટકા (2011 પછી સૌથી વધુ) ની નજીક પહોંચી ગઈ હતી, જે ગયા મહિને 3 ટકાના સ્તરે હતી. તેથી, આ બંને સેગમેન્ટ પર પણ બજાર દ્વારા નજર રાખવામાં આવશે.

    FIIનું વલણ નક્કી કરશે માર્કેટની દિશા


    છેલ્લા ત્રણ દિવસમાં યુએસ ડૉલરની મજબૂતાઈ વચ્ચે વિદેશી રોકાણકારો દ્વારા જોરદાર વેચવાલી કરવામાં આવી છે. સ્થાનિક સંસ્થાકીય રોકાણકારોમાં પણ ગયા સપ્તાહે આ જ વલણ જોવા મળ્યું હતું. ગત અઠવાડિયે FIIએ રૂ. 1,900 કરોડનું વેચાણ કર્યું હતું અને સ્થાનિક સંસ્થાકીય રોકાણકારો (DIIs) એ પણ ગત સપ્તાહે રૂ. 2,900 કરોડનું વેચાણ કર્યું હતું, જેના કારણે બજાર પર દબાણ આવ્યું હતું.

    આ પણ વાંચોઃ ઘડપણમાં બેઠાં બઠાં રુ. 2 લાખની આવક કઈ રીતે થઈ શકે? અહીં સમજો

    ગ્લોબલ ડેટા


    ફેડની બેઠક ઉપરાંત બેન્ક ઓફ ઇંગ્લેન્ડ અને બેન્ક ઓફ જાપાન ગુરુવારે વ્યાજ દરની જાહેરાત કરશે. જે અસર પણ ક્રમશઃ યુરોપ અને એશિયન માર્કેટમાં જોવા મળશે.

    તેલની કિંમતો


    આ મહિને તેલના ભાવ બેરલ દીઠ $100 થી નીચે રહ્યા છે અને $90 ના સ્તરને સ્પર્શી ગયા છે. ઓઇલ પરના વ્યાજદરમાં વધારાથી વૈશ્વિક વૃદ્ધિને આંચકો લાગવાની આશંકા દેખાઈ રહી છે. તેનાથી તેલની માંગ નબળી પડી શકે છે. પશ્ચિમમાં મંદીના વધતા ભયને કારણે વિશ્લેષકો આગામી સપ્તાહમાં તેલના ભાવમાં વધુ ઘટાડો થવાની ધારણા રાખે છે.
    ઈકોનોમિક ડેટા

    9 સપ્ટેમ્બરના રોજ પૂરા થતા પખવાડિયા માટે બેંક લોન અને ડિપોઝિટ ગ્રોથ આવતા શુક્રવારે રિલીઝ કરવામાં આવશે. છેલ્લા પખવાડિયામાં બેંક લોનની વૃદ્ધિ 15.5 ટકા અને ડિપોઝિટ ગ્રોથ 9.5 ટકા હતો.

    આ પણ વાંચોઃ અમદાવાદમાં આ કંપનીનો પ્લાન્ટ શરું થતાં જ રુ.1 લાખનું લેપટોપ રુ.40 હજારમાં મળશે!

    ટેક્નિકલ વ્યુ


    જો આપણે ત્રણ દિવસના કેન્ડલિસ્ટિક પેટર્નને જોઈએ તો નિફ્ટી 50માં ડાર્ક ક્લાઉડ કવર બનતું હોવાનું જણાય છે. તેમજ સાપ્તાહિક સ્કેલ પર બિયરરિશ એન્ગલ્ફિંગ જેવી પેટર્ન દેખાય છે. આ સિવાય ઇન્ડેક્સે 29મી ઓગસ્ટ, 7મી સપ્ટેમ્બર અને 14મી સપ્ટેમ્બરે સપોર્ટ તોડ્યો છે. એચડીએફસી સિક્યોરિટીઝના ટેકનિકલ રિસર્ચ એનાલિસ્ટ નાગરાજ શેટ્ટીએ જણાવ્યું હતું કે, “નિફ્ટી હાલમાં 17,450-17,500ના સ્તરે સપોર્ટ ધરાવે છે, જે અગાઉના સ્વિંગ લો છે અને ટ્રેન્ડ લાઇન સપોર્ટ પણ છે. જોકે આ સપોર્ટ પણ ટૂંક સમયમાં તૂટે તેવી શક્યતા જણાઈ રહી છે.” બજારના નિષ્ણાતોએ જણાવ્યું હતું કે આગામી થોડા અઠવાડિયામાં 17,200-17,150ની આસપાસના નીચા સ્તરો જોવા મળે તેવી શક્યતા છે.

    ફ્યુચર એન્ડ ઓપ્શન ટ્રેડ


    એક્સપર્ટએ કહ્યું કે ઓપ્શન ડેટા પરથી સંકેત મળી રહ્યા છે કે નિફ્ટી ટૂંકાગાળામાં 17300-17800ની રેન્જમાં રહી શકે છે. બીજી તરફ, વ્યાપક ટ્રેડિંગ રેન્જ 17,000-18,000 લેવલની રેન્જમાં રહી શકે છે. સ્વસ્તિકા ઇન્વેસ્ટમાર્ટના રિસર્ચ હેડ સંતોષ મીણાએ જણાવ્યું હતું કે, “જો આપણે ડેરિવેટિવ્ઝ ડેટા પર નજર કરીએ તો પુટ-કોલ રેશિયો 0.76 ના ઓવરસોલ્ડ રેશિયો સુધી ખસ્યો છે. આથી તેના 17,500-17,300ના ઝોનમાં બાઉન્સબેકની શક્યતા છે. ઈન્ડેક્સ ફ્યુચર્સમાં FII શોર્ટ પોઝિશન્સ 28 ટકા જેટલી નીચી છે, તેથી અમે કેટલીક શોર્ટ કવરિંગ શક્યતાઓ જોઈ રહ્યા છીએ.

    આ પણ વાંચોઃ બેંક ઓફ અમેરિકાના એક્સપર્ટે કહ્યું મારુતિ સુઝુકીનો શેર આગામી 3 વર્ષમાં કરાવી શકે તગડી કમાણી

    ઈન્ડિયા VIX


    વોલેટિલિટી ઈન્ડેક્સ 20ના સ્તરને સ્પર્શી રહ્યો છે ત્યારે માર્કેટમાં તેજીના ખેલાડીઓ અસહજ સ્થિતિમાં છે અને આનાથી ઇન્ડેક્સમાં વધુ વોલેટિલિટી આવશે. આવતા સત્રોમાં ડાઉનટ્રેન્ડના સંકેતો છે. જ્યાં સુધી તે 18 ના ચાવીરૂપ સ્તરથી નીચે ન આવે ત્યાં સુધી બજાર સ્થિર થવાની શક્યતા નથી.

    આગામી સપ્તાહમાં મુખ્ય કોર્પોરેટ ઘટનાઓ


    Image21692022

    (Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)
    Published by:Mitesh Purohit
    First published:

    Tags: BSE Sensex, Business news, Nifty 50, Share market, Stock market Tips

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन