Budget 2019: 10 જુલાઈ સુધી પૂર્ણ બજેટ રજુ કરી શકે છે મોદી સરકાર

નરેન્દ્ર મોદી સરકાર પોતાના બીજા કાર્યકાળનું પ્રથમ પૂર્ણ બજેટ 10 જુલાઈની આસપાસ લાવી શકે છે. નામ જાહેર ન કરવાની શરતે એક સરકારી અધિકારીએ મનીકંટ્રોલને જણાવ્યું હતું કે હજુ તારીખ નક્કી થઈ નથી. પીએમ 30 મે એ શપથ ગ્રહણ કરવાના છે. આ પછી ફાઇનાન્સ મિનિસ્ટ્રીની જવાબદારી કયા મંત્રીને આપવામાં આવશે. આ પછી જ અંતિમ તારીખ પણ નિર્ણય કરાશે. જોકે શક્ય છે કે 10 જુલાઈ આસપાસ બજેટ રજુ કરવામાં આવશે. અધિકારીએ કહ્યું હતું કે સામાન્ય રીતે ચૂંટણી પછી 15 જુલાઈ સુધી બજેટનું કામ ખતમ થઈ જાય છે. આ વર્ષે પણ આમ જ થશે.

લોકસભા ચૂંટણી પહેલા બીજેપી સરકારે 1 ફેબ્રુઆરીએ વચગાળાનું બજેટ રજુ કર્યું હતું. અરુણ જેટલીની તબિયત સારી ન હોવાથી પીયુષ ગોયલે બજેટ રજુ કર્યું હતું. તે સમયે પીયુષ ગોયલે ગરીબ ખેડૂતો માટે 75,000 કરોડ રુપિયાની પીએમ કિશાન સન્માન નિધિ યોજના શરુ કરી હતી. આ વખતેનું બજેટ પણ ખેડુતો ઉપર ફોક્સ રહેશે.

આ પણ વાંચો - આ યોજનામાં રુ. 55 જમા કરવા પર દર મહિને મળશે 3,000 પેન્શન

બચગાળાના બજેટમાં સરકારે ટેક્સપેયર્સને રાહત આપતા 40,000 રુપિયાનું સ્ટેન્ડર્ડ ડિડક્શન આપ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bjp government, Budget 2019, ભાજપ, સરકાર