Bank Accountમાં ઓછુ બેલેન્સ રાખતા લોકો થઇ જાઓ સાવધાન, થઇ શકે છે લાખોનું નુક્સાન

જો તમે પણ વારંવાર બેંક ખાતામાં બેલેન્સ (Lower Balance) ઓછું રાખો છો અથવા તો બિલકુલ બેલેન્સ નથી રાખતા તો આ સમાચાર ચોક્કસ વાંચો. આ સમાચાર વાંચીને અને તેનો અમલ કરીને તમે 4 લાખ રૂપિયા સુધીની બચત કરી શકો છો. હા, શરૂઆતમાં તમને આ મજાક લાગી શકે છે, પરંતુ તે એકદમ યોગ્ય છે. વાસ્તવમાં, પ્રધાનમંત્રી જીવન જ્યોતિ વીમા યોજના (PMJJBY) અને પ્રધાનમંત્રી સુરક્ષા વીમા યોજના (PMSBY) ના નવીકરણની તારીખ આવી ગઈ છે.

સરકારની આ બંને યોજનાઓને વાર્ષિક ધોરણે રિન્યૂ કરવાની છેલ્લી તારીખ 31 મે છે. જો તમારા ખાતામાં બેલેન્સ નથી અને આ બંને પ્લાન રિન્યૂ કરવામાં આવ્યા નથી, તો તમને 4 લાખ રૂપિયાનો વીમો નહીં મળે. ચાલો આ યોજનાઓ અને તેમની યોગ્યતા વિશે જાણીએ.

પ્રધાનમંત્રી જીવન જ્યોતિ વીમા યોજના (PMJJBY) હેઠળ, કોઈપણ કારણોસર મૃત્યુ માટે કવરેજ આપવામાં આવે છે. 18 થી 50 વર્ષની વચ્ચેના લોકો આ યોજનામાં જોડાઈ શકે છે. 50 વર્ષની ઉંમર પહેલા જોડાવું અને પ્રીમિયમ ભરવાથી 55 વર્ષની ઉંમર સુધી તમારા જીવનના જોખમને આવરી લેવામાં આવશે.

આ પણ વાંચો -Stock Market : માર્કેટ રિકવરી મોડમાં, Sensex 1534 ઉપર, Nifty પણ ગ્રીન નિશાન સાથે બંધ

સરકારની આ યોજના હેઠળ, તમે વાર્ષિક રૂ. 330ની વાર્ષિક ચુકવણી પર 2 લાખ રૂપિયાનું જીવન વીમા કવર મેળવી શકો છો. તમે બેંક શાખા/BC પોઈન્ટ અથવા પોસ્ટ ઓફિસની મુલાકાત લઈને તેની નોંધણી કરાવી શકો છો. પ્લાનમાં પ્રીમિયમ તમારા ખાતામાંથી ઓટો ડેબિટ થાય છે.

આ પણ વાંચો -Important News : ATMમાંથી રોકડ ઉપાડવાની પદ્ધતિ બદલાઇ, જાણી લો RBIનો નવો નિયમ

પ્રધાનમંત્રી સુરક્ષા વીમા યોજના (PMSBY) હેઠળ, અકસ્માતને કારણે મૃત્યુ અથવા અપંગતા માટે કવરેજ આપવામાં આવે છે. તમે 18 થી 70 વર્ષની ઉંમર સુધી આ યોજનામાં જોડાઈ શકો છો. આ અંતર્ગત આકસ્મિક મૃત્યુના કિસ્સામાં 2 લાખ રૂપિયા અને આંશિક વિકલાંગતાના કિસ્સામાં 1 લાખ રૂપિયાની જોગવાઈ છે. આ પ્લાનનું વાર્ષિક પ્રીમિયમ 12 રૂપિયા છે. આ રીતે, બંનેનું કુલ પ્રીમિયમ 242 રૂપિયા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bank account