Home /News /business /

Home Loan Rates: હોમ લોનના દરોમાં થઇ શકે છે વધારો, ડિપોઝિટર્સને મળી શકે છે વધુ વળતર

Home Loan Rates: હોમ લોનના દરોમાં થઇ શકે છે વધારો, ડિપોઝિટર્સને મળી શકે છે વધુ વળતર

હોમ લોનના દરોમાં થઈ શકે છે વધારો

Home Loan: બેન્કર્સના મતે ડિપોઝિટના દરમાં વધારો થતો રહેશે. છેલ્લા કેટલાક મહિનામાં જથ્થાબંધ થાપણો માટેના દરોમાં વધારો થયો છે પરંતુ છૂટક થાપણો પરના દરમાં માત્ર 5 બેસિસ પોઈન્ટ્સ અથવા તેથી વધુ વધારો થયો છે.

નવી દિલ્હી: બેન્કો ભલે ડિપોઝિટ રેટ (Deposit Rate)માં વધારો કરવાનું ચાલુ રાખે, પરંતુ હોમ લોન પરના વ્યાજ દરો ટૂંક સમયમાં વધી (Home Loan Rates Rise Soon) શકે છે. બેન્કરોએ જણાવ્યું હતું કે જ્યારે બેન્ચમાર્ક યીલ્ડ 7 ટકાના સ્તરે હોય, ત્યારે હોમ લોનના દર 6.4-6.5 ટકા રહેવાની અપેક્ષા રાખવી થોડું અટપટું છે. જોકે, હોમ લોન સામાન્ય રીતે રેપો રેટ (Repo Rate) સાથે જોડાયેલી હોય છે, જેને શુક્રવારે રિઝર્વ બેંક ઓફ ઈન્ડિયા (RBI)એ યથાવર રાખ્યો છે. સિસ્ટમમાં વ્યાજ દરો હવે આગામી થોડા મહિનામાં વધવાની અપેક્ષા છે, કેટલાક અર્થશાસ્ત્રીઓ જૂનની શરૂઆતમાં રેપો રેટ વધવાની અપેક્ષા રાખે છે.

ફાઈનાન્સિયલ એક્સપ્રેસના રિપોર્ટ પ્રમાણે સ્ટેટ બેંક ઓફ ઈન્ડિયાના મેનેજિંગ ડિરેક્ટર અશ્વની ભાટિયાએ એક ટેલિવિઝન ચેનલને જણાવ્યું હતું કે "હોમ લોનમાં ટૂંક સમયમાં ફેરફાર આવી શકે છે." સ્ટાર હાઉસિંગ ફાઇનાન્સના એમડી આશિષ જૈનના જણાવ્યા અનુસાર, ફ્લોટિંગ રેટ લોન ધરાવતા હોમ બોરોઅર્સે વ્યાજ દરમાં વધારો કરવો જોઈએ. જેના પરીણામે કાં તો વધુ EMI અથવા લોનની મુદત વધુ હોઇ શકે છે. તેણે વધુમાં ઉમેર્યુ કે, ઋણ લેનારાઓએ ખર્ચ અને ઉદ્યોગની ઓફરની કાળજીપૂર્વક વિચારણા કર્યા પછી ફિક્સ્ડ રેટ સિસ્ટમમાં શિફ્ટ થવાના ફાયદા અને ગેરફાયદાને ધ્યાનમાં લેવા જોઈએ.

ડિપોઝિટના દરો વધશે


બેન્કર્સે જણાવ્યું હતું કે, ડિપોઝિટના દરમાં વધારો થતો રહેશે. છેલ્લા કેટલાક મહિનામાં જથ્થાબંધ થાપણો માટેના દરોમાં વધારો થયો છે પરંતુ છૂટક થાપણો પરના દરમાં માત્ર 5 બેસિસ પોઈન્ટ્સ અથવા તેથી વધુ વધારો થયો છે. બજારના નિષ્ણાતો અપેક્ષા રાખે છે કે રિટેલ લોન લેનારાઓને ટૂંક સમયમાં વધુ ફાયદો થશે.

રિઝર્વ બેંકનો સંકેત


રિઝર્વ બેંક ઓફ ઈન્ડિયાએ શુક્રવારે સંકેત આપ્યો હતો કે અતિ-નીચા વ્યાજ દરોનો સમય સારી રીતે સમાપ્ત થઈ શકે છે. જ્યારે ઉધાર લેનારાઓને નીચા ધીરાણ દરોથી ફાયદો થયો છે, ત્યારે થાપણદારોના નાણાં ફુગાવા કરતાં ધીમી ગતિએ વધ્યા છે, કારણ કે રોગચાળા દરમિયાન વાસ્તવિક દરો મોટાભાગના નકારાત્મક ક્ષેત્રમાં રહ્યા છે. પરિણામે, રોકાણકારો આ સમયગાળા દરમિયાન વધુ સારા વળતર માટે ઇક્વિટી જેવી જોખમી અસ્કયામતો તરફ વળ્યા છે.
નિષ્ણાતોએ જણાવ્યું હતું કે આરબીઆઈના સૂરમાં ફેરફાર હવે બજારની અપેક્ષાઓ નક્કી કરવામાં મદદ કરશે. જો ઓગસ્ટ સુધીમાં પ્રથમ દરમાં વધારો કરવામાં આવે તો બેન્કો આગળ જતાં ડિપોઝિટ અને ધીરાણના દરો બંનેમાં વધારો કરવાનું વિચારશે. અત્યાર સુધી બેંકો ઋણ લેનારાઓને ખૂબ જ આકર્ષક દરો ઓફર કરી રહી છે, કારણ કે રોગચાળા દરમિયાન ક્રેડિટ ગ્રોથ મંદ રહ્યો છે. સ્પર્ધાત્મક તીવ્રતાએ બેંકોના માર્જિન પર અસર કરી છે. ખાસ કરીને સરકારી માલિકીની બેંકો પર. કારણ કે દરો નીચા રહ્યા છે.

આ પણ વાંચો: આ 10 બેંક આપી રહી છે સૌથી ઓછા દરે હોમ લોન

જૂનમાં યોજાશે સમીક્ષા બેઠક


આરબીઆઈ તેના વલણમાં ફેરફાર સાથે રેટ સાઇકલ અસરકારક રીતે ચાલુ રાખવા માટે તૈયાર છે. ક્રિસિલ રિસર્ચનું માનવું છે કે લિક્વિડિટી એડજસ્ટમેન્ટ ફેસિલિટી (LAF) કોરિડોરના ટોનમાં ફેરફાર થવાથી બજારો રેપો રેટમાં વધારા માટે તૈયાર થશે. રેટિંગ એજન્સી જૂનની નાણાકીય નીતિ સમીક્ષાથી શરૂ થતાં નાણાકીય વર્ષ 2023માં 50 થી 75 બેસિસ પોઈન્ટ વચ્ચેની વૃદ્ધિની અપેક્ષા રાખે છે.

રોગચાળા દરમિયાન જાહેર કરાયેલા તેના તરલતાના પગલાંને ધીમે ધીમે દૂર કરવા સાથે નિષ્ણાતો માને છે કે આ વર્ષના અંતમાં આરબીઆઈ પોલિસી દરમાં વધારો કરે તે પહેલાં જ થાપણના દરો ઉપર તરફ જશે.

આ પણ વાંચો:  આરબીઆઈએ Home Loan અંગે કરી મોટી જાહેરાત

એસબીઆઈ મ્યુચ્યુઅલ ફંડના સીઆઈઓ-ફિક્સ્ડ ઇન્કમ રાજીવ રાધાકૃષ્ણને જણાવ્યું હતું કે "આ ફેરફારોની સાથે સાથે ટકાઉ લિક્વિડિટીના ક્રમિક અનવિન્ડિંગની સાથે જાહેરાત બાદ રાતોરાત બજાર દરોને અત્યારસુધીના 3.35% ની સામે 3.75% ની નજીક લઈ જવા જોઈએ અને અન્ય શોર્ટ-એન્ડ સેગમેન્ટમાં સમાન અલાઇન્મેન્ટ તરફ જવા જોઈએ."
First published:

Tags: Bank, Loan, આરબીઆઇ, હોમ લોન

આગામી સમાચાર