Fixed deposit: ફક્ત 6 મહિનામાં FD કરાવીને કરી શકો છો સારી કમાણી, જાણો SBI સહિત સાત બેંકની ખાસ ઑફર

નવી દિલ્હી: જો તમે ઓછા સમયગાળા માટે પૈસા રોકવા (Investment) માંગો છો તો આ સમાચાર તમારા કામના છે. કોરોના મહામારી દરમિયાન ફિક્સ્ડ ડિપૉઝિટ (Fixed Deposit) રોકાણ માટે એક સારો વિકલ્પ છે. અહીં તમારા પૈસા સુરક્ષિત રહેવાની સાથે સાથે તમને ગેરંટી રિટર્ન પણ મળે છે. આજે અમે તમને છ મહિના સુધી (Fixed Deposit For 6 months) ફિક્સ્ડ ડિપૉઝિટ કરવાના વિકલ્પ વિશે જણાવી રહ્યા છીએ.

દેશની ખાનગી અને સરકારી બંને પ્રકારની બેંકો છ મહિના સુધી એફડી કરવાની સુવિધા આપે છે. તમે SBI, PNB, HDFC Bank, કોટક મહિન્દ્રા બેંક, કેનરા બેંક, Bank of Baroda અને ICICI જેવી મોટી બેંકોમાં ફિક્સ્ડ ડિપૉઝિટ કરાવી શકો છો. તો જાણીએ એફડી કરવા પર કઈ બેંક કેટલું વ્યાજ આપી રહી છે.

SBI Fixed Deposit (FD) Rates:

સ્ટેટ બેંક ઑફ ઇન્ડિયામાં જો તમે છ મહિના સુધી એફડી કરાવો છો તો તમને 3.90 ટકા વ્યાજ મળે છે. આ ઉપરાંત જો સીનિયર સીટિઝન હોવ તો બેંક તમને 4.40 ટકા વ્યાજનો ફાયદો આપે છે.

આ પણ વાંચો: જીવન વીમો: પત્ની અને બાળકોને સરળતાથી ક્લેમ મળી રહી તે માટે આ એક કામ જરૂર કરો

ICICI Fixed Deposit Interest Rates:

આઈસીઆઈસીઆઈ બેંક પોતાના ગ્રાહકોને ત્રણ ટકા વ્યાજ આપે છે. આ બેંકમાં છ મહિનાના સમયગાળા સુધી સામાન્ય નાગરિક અને વરિષ્ઠ નાગરિકોને સમાન વ્યાજ મળે છે.

HDFC Fixed Deposit Rates:

ખાનગી ક્ષેત્રની સૌથી મોટી બેંક HDFC સામાન્ય નાગરિકોને છ મહિનાની એફડી પર 3.50 ટકા વ્યાજ આપે છે. જ્યારે વરિષ્ઠ નાગરિકોને બેંક ચાર ટકા વ્યાજ આપે છે.

આ પણ વાંચો: Zomatoનો આઈપીઓ ચૂકી ગયા તો વાંધો નહીં, તમે સ્ટાર્ટઅપમાં આ રીતે પણ કરી શકો છો રોકાણ

PNB Fixed Deposit Rates:

પંજાબ નેશનલ બેંક પોતાના ગ્રાહકોને ચાર ટકા વ્યાજનો ફાયદો આપે છે. જ્યારે સીનિયર સીટિઝન માટે વ્યાજનો દર 4.50 ટકા છે.

Canara Bank FD Rates:

કેનરા બેંક સામાન્ય નાગરિકો અને સીનિયર સીટિઝન્સને છ મહિનાની ફિક્સ્ડ ડિપૉઝિટ માટે એક સમાન દરે ચાર ટકા વ્યાજ ઑફર કરે છે.

આ પણ વાંચો: citibank ક્રેડિટ કાર્ડ બિઝનેસ બંધ કરશે, તમારી પાસે આ બેંકનું કાર્ડ છે તો શું કરવું? જાણો તમામ સવાલના જવાબ 

Bank Of Baroda FD Rates:

બેંક ઑફ બરોડાની વાત કરવામાં આવે તો અહીં ગ્રાહકોને છ મહિનાની એફડી પર 3.70 ટકા વ્યાજનો ફાયદો મળે છે.

આ પણ વાંચો: આધારકાર્ડની ફ્રેન્ચાઇઝી લઈને ઘર બેઠા કરો મોટી કમાણી, જાણો આખી પ્રક્રિયા

Kotak mahindra bank:

કોટક મહિન્દ્રા બેંકમાં જો તમે છ મહિનાની એફડી કરાવો છો તો બેંક તમને 3.25 ટકા વ્યાજ આપશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bank, FD, Hdfc, ICICI, Investment, એસબીઆઇ