સરકારી સબસિડીનો લાભ લેવા માંગતા SBI ગ્રાહકોએ બેંક ખાતા સાથે આધાર લિંક કરવું ફરજિયાત

મુંબઈ: જે લોકો સરકારની વિવિધ સરકારી સબસિડી (government subsidies)નો લાભ લેવા માંગતા હોય તેમજ આ સબસિડી સીધી (DBT) તેમના સ્ટેટ બેંક ઑફ ઇન્ડિયાના ખાતામાં જમા થાય તેવું ઇચ્છતા હોય તેમના માટે હવે બેંક ખાતા (SBI)ને આધાર કાર્ડ (Aadhaar Card) સાથે લિંક કરવું ફરજિયાત કરી દેવામાં આવ્યું છે. SBI તરફથી ટ્વીટર પર તેમના ગ્રાહકોને DBTનો લાભ લેવા માટે બેંક ખાતાને આધાર નંબર સાથે લિંક કરવાનું કહેવામાં આવ્યું છે.

SBIએ ટ્વીટ કરીને લખ્યું છે કે, "DBT અંતર્ગત સરકાર પાસેથી કોઈ પણ પ્રકારની સબસિડી મેળવવા માંગતા ગ્રાહકોએ પોતાના બેંક એકાઉન્ટ સાથે આધાર કાર્ડને લિંક કરવું ફરજિયાત છે."

ઉલ્લેખનીય છે કે સુપ્રીમ કોર્ટે આ પહેલા એક ચુકાદામાં જણાવ્યું હતું કે, આધાર કાર્ડને બેંક ખાતા સાથે જોડવું ફરજિયાત નથી. જોકે, ખાતા ધારક સરકારી લાભ મેળવવા માંગતો હોય તો આ માટે આધાર કાર્ડ લિંક કરવું ફરજિયાત છે.

આ માટે એસબીઆઈના ખાતેદારો અલગ અલગ રીતે પોતાના બેંક એકાઉન્ટને આધાર સાથે લિંક કરી શકે છે. ગ્રાહકો એસબીઆઈની વેબસાઈટ, મોબાઇલ એપ્લિકેશન, એટીએમ મશીન અને બ્રાંચ પર રૂબરૂ જઈને આ કામ કરી શકે છે.

વેબસાઇટના માધ્યમથી બેંક ખાતાને આધાર સાથે લિંક કરવું:

- www.onlinesbi.comની મુલાકાત લો.
- યૂઝરનેમ અને પાસવર્ડ સાથે Login કરો. My Accountની પર જઈને 'Link your Aadhaar number' પર ક્લિક કરો.
- એકાઉન્ટ નંબર પસંદ કરો. આધાર નંબર દાખલ કરો અને ‘submit’ પર ક્લિક કરો.
- તમારા મોબાઇલ નંબરના છેલ્લા બે આંકડા જોવા મળશે.
- આધાર લિંક થવાનું સ્ટેટસ તમારા મોબાઇલ નંબર પર મોકલવામાં આવશે.

આ પણ વાંચો: RailTel IPO: અંતિમ દિવસ સુધી 42.4 ગણો ભરાયો, ગ્રે માર્કેટમાં ભાવ ગગડતા ચિંતા

ATM દ્વારા બેંક ખાતાને આધાર સાથે લિંક કરવું:

- SBIના એટીએમ ખાતે જઈને તમારું કાર્ડ સ્વાઇપ કરો. તમારો પીન નંબર દાખલ કરો.
- Menuમાંથી 'Service Registrations' પસંદ કરો.
- Aadhaar registration પસંદ કરો.
- તમારું ખાતું કયા પ્રકારનું (દા.ત. બચત ખાતું, ચાલુ ખાતું) છે તે પસંદ કરી તમારો આધાર નંબર દાખલ કરો.
- આધાર લિંકનું સ્ટેટસ તમારા મોબાઇલમાં મોકલવામાં આવશે.

આ પણ વાંચો: ખેડૂતોનું 'રેલ રોકો' આંદોલન: ગુજરાતી મુસાફરોએ જલંધર રેલવે સ્ટેશન પર ગરબા કરીન સમય કાઢ્યો!

SBI એપની મદદથી બેંક ખાતાને આધાર સાથે લિંક કરો:

- એપને ઓપન કરો અને Login કરો.
- ‘Requests’ પર જઈને ‘Aadhaar’ પસંદ કરો.
- ‘Aadhaar linking’ પર ક્લિક કરો.
- ડ્રોપ ડાઉન મેનુમાંથી CIF પસંદ કરો.
- તમારો આધાર નંબર દાખલ કરો.
- T&C હેઠળ Yes પર ક્લિક કરો અને Submit પર ક્લિક કરો.
- જે બાદમાં તમારા મોબાઇલ નંબર પર બેંક ખાતું અને આધારને લિંકને લગતો સંદેશ મોકલવામાં આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર