Home Loan: શું તમે ઘર ખરીદવાનું પ્લાનિંગ કરી રહ્યા છો? આ બેંક આપે છે 7 ટકાથી ઓછા દરે લોન

નવી દિલ્હી: રેપો રેટ વધ્યા (Repo Rate Hike) બાદ બેન્કો પાસેથી લોન લેવી વધુ મોંઘી (Expensive Bank Loans) બની રહી છે. બેંકોમાં હોમ લોનના દર (Home Loan Interest Rates) વધી રહ્યા છે, પરંતુ હજુ પણ કેટલીક બેંકો એવી છે જ્યાં તમે તમારી આવક માટે 7 ટકાથી ઓછી કિંમતે લોન લઈ શકો છો. કેન્દ્રીય બેંક આરબીઆઈ (RBI)એ લાંબા સમયથી રેપો રેટમાં કોઈ ફેરફાર કર્યો ન હતો, પરંતુ મે અને જૂનમાં સતત બે વાર તેને વધારીને 4.9 ટકા કર્યો છે. આ કારણે બેંકો અહીં પોતાની લોન પણ મોંઘી કરી રહી છે. નીચે કેટલીક બેંકોની વિગતો આપવામાં આવી છે, જ્યાં તમે સાત ટકાથી ઓછા વ્યાજ દરે લોન (these banks offers cheapest home loan) મેળવી શકો છો. આ ઉપરાંત પ્રોસેસિંગ ફી (Details About Processing Fees)ની પણ જાણકારી આપી છે.

● LIC હાઉસિંગ ફાઇનાન્સ

- એલઆઈસી હાઉસિંગ ફાઈનાન્સની મદદથી તમે ઓછામાં ઓછા 6.9 ટકા પ્રતિ વર્ષ ફ્લોટિંગ રેટ પર લોન મેળવી શકો છો.

- પ્રોસેસિંગ ફીની વાત કરીએ તો તમારે લોનની રકમના 0.5 ટકા ફી ચૂકવવી પડશે. મિનિમમ પ્રોસેસિંગ ફી 10,000 રૂપિયા છે. આમાં ટેક્સનો સમાવેશ થતો નથી.

- એલઆઈસી હાઉસિંગ ફાઈનાન્સથી તમે 5-30 વર્ષ માટે 30 લાખ-5 કરોડ રૂપિયાની હોમ લોન મેળવી શકો છો.

● એક્સિસ બેંક

- એક્સિસ બેન્કમાંથી તમે મિનિમમ 6.9 ટકાના ફિક્સ્ડ અથવા ફ્લોટિંગ રેટ પર હોમ લોન મેળવી શકો છો.

- અહીં પ્રોસેસિંગ ફી 0.50 ટકા છે અને તે ઓછામાં ઓછી 10,000 રૂપિયા હશે.

- એક્સિસ બેંકમાંથી તમે 1-30 વર્ષ માટે 5 લાખ-10 કરોડ રૂપિયાની લોન મેળવી શકો છો.

●IDFC

- આઈડીએફસીથી તમે 6.50 ટકાના વાર્ષિક ફ્લોટિંગ રેટ પર લોન લઈ શકો છો.

- આ બેંકમાં પ્રોસેસિંગ ફી 5,000 રૂપિયા છે અને ટેક્સ વધારાનો છે.

- તમે 5-30 વર્ષના સમયગાળા માટે આઈડીએફસી તરફથી ઓછામાં ઓછી 30 લાખ રૂપિયાની લોન મેળવી શકો છો.

આ પણ વાંચો: Credit Card: ક્રેડિટ કાર્ડ મેળવવા કયા ડોક્યુમેન્ટની પડે છે જરૂર, આ રહી યાદી

● બેંક ઓફ બરોડા

- બેંક ઓફ બરોડાથી તમે 6.90 ટકાના ન્યૂનતમ ફ્લોટિંગ રેટ પર હોમ લોન મેળવી શકો છો.

- 30 વર્ષ સુધી બોબમાંથી 1 લાખ રૂપિયાથી લઈને 10 કરોડ રૂપિયા સુધીની લોન મળી શકે છે.

● સુંદરમ હોમ ફાઇનાન્સ

- સુંદરમ હોમ ફાઇનાન્સ ઓછામાં ઓછા 6.95 ટકાના ફ્લોટિંગ દરે હોમ લોન આપી રહી છે.

- લોન પર ત્રણ હજાર રૂપિયા (ટેક્સ એક્સ્ટ્રા)નો ટેક્સ આપવો પડશે.

- અહીંથી તમે 1-20 વર્ષ માટે 12 લાખ-5 કરોડ રૂપિયાની લોન લઈ શકો છો.

આ પણ વાંચો: HDFCના ગ્રાહકોને આંચકો; હોમ લોન થશે મોંઘી, EMI વધશે

● બેંક ઓફ મહારાષ્ટ્ર

- બેંક ઓફ મહારાષ્ટ્રમાંથી ઓછામાં ઓછા 6.80 ટકાના દરે હોમ લોન લઇ શકાય છે.

- પ્રોસેસિંગ ફી લોનની રકમના 0.25 ટકા છે.

- અહીંથી તમે એકથી ત્રીસ વર્ષના સમયગાળા માટે લોન મેળવી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bank, Investment, આરબીઆઇ, હોમ લોન