Share Market return: આ ડિફેન્સ સ્ટૉક 10 ટ્રેડિંગ સેશનમાં 69% ભાગ્યો, શું તમારી પાસે છે?

મુંબઈ: ભારતીય બજારમાં સાઇડવેઝ બિઝનેસ સાથે અમુક ક્વૉલિટી અને મજબૂત ફંડામેન્ટ્લ વાળા સ્ટૉક્સ છે, જેમાં તેજી જોવા મળી છે. Apollo Micro Systems એક આવો જ સ્ટૉક છે, જે ડિફેન્સ સેક્ટર (Defense sector) સાથે જોડાયેલો છે. આ ડિફેન્સ સ્ટૉક 20 ડિસેમ્બર 2021ના રોજ 112.10 રૂપિયા પર બંધ રહ્યો હતો. ત્રીજી જાન્યુઆરી, 2022ના રોજ ઇન્ડ્રા ડેમાં આ શેર 189.35 રૂપિયાના સ્તર પર પહોંચી ગયો હતો. છેલ્લા 10 ટ્રેડિંગ સેશન (Share market trading session) દરમિયાન આ શેરમાં 69 ટકા તેજી જોવા મળી છે.

સ્ટૉક માર્કેટના દિગ્ગજોના જણાવ્યા પ્રમાણે Apollo Micro Systems શેરમાં આ રેલી ભવિષ્યમાં પણ ચાલુ રહેશે. કારણ કે શેરમાં ત્રણ વર્ષનું બ્રેકઆઉટ જોવા મળ્યું છે. નજીકના ભવિષ્યમાં આ શેર 230 રૂપિયા સુધી જઈ શકે છે.

આ પણ વાંચો: વર્ષ 2022માં ધોમ કમાણી કરવી છે? તો આ છે મની મેકિંગના શ્રેષ્ઠ આઇડિયા!

બજાર નિષ્ણાતની સલાહ

Choice Broking ફર્મના સુમીત બગડિયાનું કહેવું છે કે રોકાણકારોએ આ શેરને પોતાના પોર્ટફોલિયોમાં સામેલ કરવો જોઈએ. તેણે પોતાના ત્રણ વર્ષના લેવલથી બ્રેકઆઉટ આપ્યું છે. આ શેરને 160 રૂપિયા આસપાસ મજબૂત સપોર્ટ છે. આ શેર નજીકના ભવિષ્યમાં 200થી 230 રૂપિયાના સ્તર પર પહોંચી શકે છે. જોકે, આ શેરમાં ખરીદી કરતી વખતે 160 રૂપિયાનો સ્ટૉપલૉસ (Stop loss) જરૂર લગાવો.

10 ટ્રેડિંગ સેશનમાં શેર 69% વધ્યો

આજે (ત્રીજી જાન્યુઆરી) આ શેર 3.24 ટકાના અપસાઇડ ગેપ સાથે ખુલ્યો હતો. ઇન્ડ્રાડેમાં આ શેર 189.35 રૂપિયા પ્રતિ શેરના સ્તર સુધી પહોંચ્યો હતો, જે તેની લાઇફ ટાઇમ સપાટી છે. છેલ્લા 10 ટ્રેડિંગ સેશનમાં આ શેરમાં 69 ટકાની તેજી જોવા મળી છે. બજાર નિષ્ણાતોનું કહેવું છે કે આ ડિફેન્સ કંપનીને તાજેતરમાં મળેલા ઓર્ડર પછી તેમાં જોરદાર તેજી જોવા મળી છે. આ શેરના વોલ્યૂમમાં પણ વધારો જોવા મળ્યો છે.

આ પણ વાંચો:  રાકેશ ઝુનઝુનવાલાએ આ એક જ શેરમાં ત્રણ મહિનામાં કરી 1540 કરોડ રૂપિયાની કમાણી

DRDO તરફથી મળ્યો ઓર્ડર

તાજેતરમાં એપોલો માઇક્રો સિસ્ટમ્સ કંપનીના મેનેજમેન્ટ તરફથી નિવેદન આપવામાં આવ્યું છે કે, તેમને DRDO તરફથી 5.72 કરોડ રૂપિયાનો ઑર્ડર મળ્યો છે. આ ઉપરાંત કંપનીએ એવું પણ જણાવ્યું કે, તેણે નેહરુ જિયોલોજિકલ પાર્ક હૈદરાબાદમાં એક સીસીટીવી આધારિત સિક્યોરિટી સર્વેલન્સ અને એનિમલ મોનિટરી સિસ્ટમ લગાવી છે. આ ખબરને પગલે આ શેરમાં જોશ આવ્યો છે.

આ શેરમાં રોકાણકારોને ખૂબ સારું વળતર મળ્યું છે. છેલ્લા છ મહિનામાં આ શેરમાં 60 ટકા તેજી જોવા મળી છે. આ દરમિયાન શેર 114.3 રૂપિયાના સ્તરથી વધીને 189.35 રૂપિયાના સ્તર પર પહોંચી ગયો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: BSE, Investment, NSE, Share market, Stock tips