Home /News /business /

કોહલીએ Vivo સાથે છેડો ફાડ્યો! જાહેરાતો પર લગાવવામાં આવી હાલ પૂરતી બ્રેક

કોહલીએ Vivo સાથે છેડો ફાડ્યો! જાહેરાતો પર લગાવવામાં આવી હાલ પૂરતી બ્રેક

ભારતીય ક્રિકેટર વિરાટ કોહલી (ફાઇલ તસવીર)

કોહલીની ટીમે આ વાત પર વાંધો ઉઠાવ્યો હતો કે કંપની તપાસ હેઠળ છે અને તેથી તેની જાહેરાતોમાં કોહલીને દર્શાવવો યોગ્ય નથી. એટલા માટે કંપનીએ વિરાટ કોહલીને દર્શાવતી જાહેરાતોને હાલ માટે બંધ કરવાનો નિર્ણય લીધો છે. તેનો હેતુ વિરાટ કોહલીને ટીકાથી બચાવવાનો છે.

વધુ જુઓ ...
    ચીનની સ્માર્ટફોન નિર્માતા કંપની Vivo Mobiles સામે મની લોન્ડરિંગના (Money laundering) આરોપોની તપાસ ચાલી રહી છે. આ દરમિયાન, કંપનીએ ટીમ ઈન્ડિયાના પૂર્વ કેપ્ટન વિરાટ કોહલી (Virat Kohli) સાથે સંબંધિત તેની જાહેરાતોને પ્રમોટ કરવાનું બંધ કરવાનો નિર્ણય લીધો છે. વિરાટ કોહલી ભારતમાં કંપનીના બ્રાન્ડ એમ્બેસેડર છે. કંપનીના અધિકારીઓનું કહેવું છે કે વિરાટ કોહલી સાથેની જાહેરાતો હાલ માટે બંધ કરી દેવામાં આવી છે. કંપનીએ IPLની 2021 એડિશન પહેલા વિરાટ કોહલીને પોતાનો બ્રાન્ડ એમ્બેસેડર બનાવ્યો હતો. આ પહેલા અભિનેતા આમિર ખાન અને સારા અલી ખાન કંપનીની જાહેરાતોમાં જોવા મળ્યા હતા.

    કોહલીએ લીધો નિર્ણય


    વિવો મોબાઈલ્સના એક અધિકારીએ જણાવ્યું કે જ્યાં સુધી તપાસની સ્થિતિ સ્પષ્ટ ન થાય ત્યાં સુધી વિરાટ કોહલી સાથે સંબંધિત જાહેરાતો અને પ્રમોશન પ્રવૃત્તિઓ બંધ કરવામાં આવી રહી છે. અન્ય એક અધિકારીએ કહ્યું કે કોહલીની ટીમ પણ તેનાથી આરામદાયક નથી. કોહલીની ટીમે આ વાત પર વાંધો ઉઠાવ્યો હતો કે કંપની તપાસ હેઠળ છે અને તેથી તેની જાહેરાતોમાં કોહલીને દર્શાવવો યોગ્ય નથી. એટલા માટે કંપનીએ વિરાટ કોહલીને દર્શાવતી જાહેરાતોને હાલ માટે બંધ કરવાનો નિર્ણય લીધો છે. તેનો હેતુ વિરાટ કોહલીને ટીકાથી બચાવવાનો છે.

    આ પણ વાંચો -SBI, HDFC, ICICI બેંક અને બેંક ઓફ બરોડામાંથી કઈ બેંક સસ્તી હોમ લોન ઓફર કરે છે?

    ઉદ્યોગ નિષ્ણાતોનું કહેવું છે કે આ યોગ્ય નિર્ણય છે. પેપ્સિકો અને હેવલેટ પેકાર્ડના ભૂતપૂર્વ માર્કેટિંગ હેડ અને બિઝનેસ સ્ટ્રેટેજિસ્ટ લોયડ મેથિયાસે જણાવ્યું હતું કે જો કોઈ કંપની તપાસ હેઠળ છે અને તેના બ્રાન્ડ એમ્બેસેડર જાણીતા વ્યક્તિત્વ છે, તો તે વ્યવસાયિક પ્રવૃત્તિને રોકવાનો યોગ્ય નિર્ણય છે. કોહલીની પહોંચ અને પ્રભાવ અપાર છે. આવી સ્થિતિમાં વિરાટ પર સવાલો પણ ઉઠી શકે છે કે તે એવી કંપનીને પ્રમોટ કરી રહ્યો છે જેની સામે તપાસ ચાલી રહી છે.

    આ પણ વાંચો -જુલાઇમાં આ 5 બેંકોએ કરી લોન મોંઘી, ચેક કરો શું તમારી બેંક પણ આ યાદીમાં છે?

    વિવો મની લોન્ડરિંગના આરોપો માટે તપાસ હેઠળ છે. EDએ છેલ્લા કેટલાક દિવસોમાં Vivoના 48 સ્થળો અને તેની સાથે સંકળાયેલી 23 કંપનીઓ પર દરોડા પાડ્યા છે. આ સાથે કંપનીના બેંક ખાતા પણ ફ્રીઝ કરવામાં આવ્યા છે. કંપનીએ તેની સામે શુક્રવારે દિલ્હી હાઈકોર્ટમાં અપીલ દાખલ કરી હતી. કંપનીએ પોતાની અરજીમાં કહ્યું છે કે ED જાણીજોઈને તેના કામકાજમાં અવરોધ ઉભો કરવાનો પ્રયાસ કરી રહી છે. કંપનીએ એપ્રિલ 2021માં કોહલીને પોતાનો બ્રાન્ડ એમ્બેસેડર બનાવ્યો હતો. કોહલી ભારતમાં જાહેરાતો માટે સૌથી વધુ કમાણી કરનાર સેલિબ્રિટી છે. તે લગભગ 30 બ્રાન્ડને પ્રમોટ કરે છે.
    Published by:Bhavyata Gadkari
    First published:

    Tags: Captain virat kohli, Vivo

    विज्ञापन

    विज्ञापन

    આગામી સમાચાર

    विज्ञापन
    विज्ञापन