એલર્ટ! EPFOએ તેના ગ્રાહકોને સાવધાન કર્યા, ક્યારેય નથી માંગવામાં આવતી આ માહિતી

EPFO Alert: એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ તેના 6 કરોડથી વધુ સભ્યોને એલર્ટ કર્યા છે. EPFO પીએફ તરીકે કાપવામાં આવેલી કર્મચારીઓની રકમનું સંચાલન કરે છે. જો તમે પણ EPFO ​​ના સભ્ય છો, તો તમારા માટે આ ખૂબ જ મહત્વપૂર્ણ સમાચાર છે. EPFOએ તેના સભ્યોને સાયબર ક્રાઈમને લઈને એલર્ટ કર્યા છે. સાયબર અપરાધીઓ EPFOના નામે છેતરપિંડી કરવાનો પ્રયાસ કરી રહ્યા છે. તેઓ સભ્યોને ફોન કરીને તેમની અંગત વિગતો માંગી રહ્યા છે.

EPFOએ જણાવ્યું

ઈપીએફઓએ ટ્વિટ કરીને જણાવ્યું કે, નકલી કોલ મેસેજથી સાવધાની જરૂરી છે. EPFO ક્યારેય પણ પોતાના સભ્યોને ફોન નંબર, ઇમેઇલ કે પછી પર્સનલ ડિટેઈલ્સ વિષે ક્યારેય સોસીયલ મીડિયા પર શેર કરવાનું કહેતી નથી. EPFO કે તેના કર્મચારીઓ ક્યારેય પણ આ પ્રકારે માહિતી માંગતા નથી. EPFOએ તેના સભ્યોને તેમના UAN, PAN, પાસવર્ડ, બેંક ખાતાની વિગતો, OTP, આધાર અને નાણાકીય વિગતો કોઈની સાથે શેર ન કરવાની સલાહ આપી છે. સાયબર અપરાધીઓ EPFO ​​સભ્યોની અંગત વિગતોનો ગેરકાયદેસર રીતે ઉપયોગ કરી શકે છે. જેને લઈને સભ્યોને આર્થિક નુકસાન પણ વેઠવું પડી શકે છે.

આ પણ વાંચો:સરકારના એક નિર્ણયે આ શેરનું પાનું પલટી દીધું, રોકાણકારો કરી રહ્યા છે તાબડતોડ ખરીદી

EPF વિષે થોડું

એમ્પ્લોઇઝ પ્રોવિડન્ટ ફંડએ એક નિવૃત્તિ સંબંધિત યોજના છે. કર્મચારી ભવિષ્ય નિધિ સંગઠન તેનું સંચાલન કરે છે. EPF સ્કીમમાં, કર્મચારી અને તેની કંપની દર મહિને સમાન રકમનું યોગદાન આપે છે. તે કર્મચારીના મૂળ પગારના 12 ટકા છે.

આટલું વ્યાજ આપવામાં આવે છે

સરકારે ગયા માર્ચમાં પીએફ ખાતામાં જમા રકમ પર વ્યાજ દર 8.5 ટકાથી ઘટાડીને 8.1 ટકા કર્યો હતો. આ લગભગ 40 વર્ષમાં સૌથી નીચો વ્યાજ દર છે. 1977-78માં EPFOએ 8 ટકાનો વ્યાજ દર નક્કી કર્યો હતો. પરંતુ ત્યારથી તે સતત 8.25 ટકા કે તેથી વધુ આપવામાં આવે છે. કર્મચારીના પગાર પર 12% કપાત EPF ખાતા માટે છે. કર્મચારીના પગારમાં એમ્પ્લોયર દ્વારા કરવામાં આવતા કપાતમાંથી 8.33 ટકા EPS કર્મચારી પેન્શન યોજનામાં જમા કરવામાં આવે છે, જ્યારે 3.67 ટકા EPFમાં જમા કરવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, EPF Account, Epfo