અમદાવાદનો અનોખો ક્રિષ્ના પ્રોજેક્ટ, ટાઈપ 1 ડાયાબીટીસના બાળકોને આપવામાં આવે છે મફત સારવાર

કેતન જોશી/અમદાવાદઃ ક્રિષ્ના પ્રોજેક્ટની સ્થાપના કરનાર સ્વાસ્થ્ય ડાયાબિટીસ કેરના ડિરેક્ટર ડૉ. મયુર પટેલ કહે છે કે "ગુજરાત સહિત સમગ્ર દેશમાં ડાયાબિટીસના દર્દીઓ વધી રહ્યા છે. જો કે, બાળકોમાં ટાઇપ 1 ડાયાબિટીસનું પ્રમાણ વધી રહ્યું છે આથી જ અમે કૃષ્ણ પ્રોજેક્ટ શરૂ કર્યો છે. અને હવે 400 બાળકોને દત્તક લીધા છે. અમે આ બાળકોને ઇન્સ્યુલિન, ગ્લુકોઝ અને અન્ય સેવાઓ વિના મૂલ્યે આપીએ છીએ. સામાન્ય રીતે આવા બાળ દર્દીનો માસિક ખર્ચ ઓછામાં ઓછો 2000 રૂપિયા આવે છે પરંતુ અમે દત્તક લીધેલા બાળકોનો ઈલાજ વિનામૂલ્યે કરીએ છીએ."

તબીબી વિદ્યાર્થીઓ ટાઈપ 1 ડાયાબીટીસ ધરાવતા બાળકોની સંભાળ રાખે છે
આ પ્રોજેકટની વિશેષતા એ છે કે 400 દત્તક લીધેલા બાળકો કે જેઓ ગુજરાત અને પડોશી રાજ્યોમાંથી છે, તેમને મેડિકલ સ્ટુડન્ટ્સ દ્વારા સતત માર્ગદર્શન આપવામાં આવે છે. તેમને પ્રોત્સાહિત કરે છે. જો તેમને કોઈ સમસ્યા હોય તો ફોન દ્વારા પણ મદદ કરે છે. ગુજરાતમાં ઓલ ઈન્ડિયા ઈન્સ્ટિટ્યૂટ ઓફ ડાયાબિટીસ એન્ડ રિસર્ચ અને સ્વાસ્થ્ય ડાયાબિટીસ કેર સાથે મળીને છેલ્લા 20 વર્ષથી ડાયાબિટીસ અંગે લોકોમાં જાગૃતિ ફેલાવવામાં આવે છે.

આ પણ વાંચોઃ રોકાણકારોને કમાણી કરાવવા માટે આવી રહ્યો છે આ કંપનીનો IPO, આગામી સપ્તાહમાં થશે લોન્ચ

થોડા વર્ષો પહેલા, પ્રોજેક્ટ ક્રિષ્ના હેઠળ આ સંસ્થા અને હોસ્પિટલ દ્વારા ટાઈપ વન ડાયાબિટીસથી પીડાતા બાળકોની સંભાળ લેવાની પહેલ કરી. પ્રોજેક્ટ હેઠળ 400 બાળકોને મફતમાં સારવાર અપાય છે એટલું જ નહીં પરંતુ સમયાંતરે તેમના માતા-પિતા સાથે બાળકોની મીટનું પણ આયોજન કરે છે જેથી બાળકોનો આત્મવિશ્વાસ વધે અને આ રોગમાંથી મુક્તિ મળે.

આ પણ વાંચોઃ આ મલ્ટીબેગર કંપનીના શેરમાં આવી શકે મોટી તેજી, હજુ પણ કરોડપતિ બનવાના ચાન્સ

ફ્રી ઇન્સ્યુલિન, ગ્લુકોઝ અને ડોક્ટરની સલાહ પણ મળે છે અને જો હોસ્પિટલમાં દાખલ કરવાની જરૂરી હોય તો સ્વાસ્થ્ય ડાયાબિટીસ કેરમાં બાળ દર્દીને દાખલ પણ કરવામાં આવે છે. 26 માર્ચના રોજ અમદાવાદ મેનેજમેન્ટ એસોસિએશન ખાતે પ્રોજેક્ટ ક્રિષ્ના અંતર્ગત બાળકોની મીટનું પણ આયોજન કરવામાં આવ્યું છે. જેમાં બાળકોને પ્રોત્સાહિત કરવામાં આવશે અને ફન એક્ટિવિટી, ફૂડ, ગેમિંગના સાથે સાથે બાળકો અને તેના વાલીઓને રોગ પ્રત્યે માહિતગાર કરવામાં આવશે.

દેશમાં ટાઇપ 1 ડાયાબિટીસના લાખો દર્દીઓ

ડો. યશ પટેલ કહે છે કે "દેશમાં કુલ 13 લાખ ટાઇપ 1 ડાયાબિટીસના દર્દીઓ છે, અને દર વર્ષે 1.17 લાખ દર્દીઓ વધી રહ્યા છે. ગુજરાતમાં કુલ 80 હજાર દર્દીઓ છે અને દર વર્ષે 7000 દર્દીઓ વધી રહ્યા છે, જે ચિંતાનો વિષય છે."

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Business New, Diabetics