Gold Silver Price Today: સોનામાં અચાનક ઘટાડાનો ક્રમ શરું થયો, જુઓ આજના ભાવ

નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં સતત ઉતાર ચઢાવના સંકેતો બાદ ભારતમાં સ્થાનિક બજારોમાં પણ સોના ચાંદીએ ક્યારેક તેજી તો ક્યારેક મંદીની ચાલ પકડી છે. જોકે હાલમાં આવેલી સોનાની ભારે તેજીમાં અચાનક બ્રેક લાગી છે અને આજે સવારના કારોબારમાં સોનામાં ફરી ઘટાડો જોવા મળી રહ્યો છે. તો બીજી તરફ ચાંદીમાં સામાન્ય ઉછાળો રહ્યો છે. આજે સવારે 11.15 વાગ્યે મલ્ટી કોમોડિટી એક્સચેન્જ (MCX) પર સોનું 0.48 ટકાના ઘટાડા સાથે 57,192 રૂપિયા પ્રતિ 10 ગ્રામ અને ચાંદી 0.24 ટકા ઉછળીને 68,840 રૂપિયા પ્રતિ કિલોગ્રામ પર ટ્રેડ થઈ રહ્યું છે. વૈશ્વિક મિશ્ર સંકેતો વચ્ચે આજે શુક્રવારે સોનામાં દબાણ જોવા મળ્યું હતું અને સોનું તેની રેકોર્ડ કિંમત (Gold record price)થી નીચે ઉતર્યું હતું.

આ પણ વાંચોઃ Google કર્મચારીઓ હવે નહિ કરાવી શકે તેલ માલિશ, જાણો કેમ છીનવાઈ આ સુવિધા

સોના-ચાંદીની કિંમત (Gold-Silver Rate)

આજે સવારે 11 વાગ્યે એમસીએક્સ પર એપ્રિલના વાયદાનું સોનું 0.48 ટકાના ઘટાડા સાથે 57,192 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ માર્ચના વાયદાનું ચાંદી 0.24 ટકાના ઉછાળા સાથે 68,840 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 57,191 રૂપિયા સુધી પહોંચી હતી. જે બાદ 24 જાન્યુઆરી 2023ના રોજ સવારે એમસીએક્સ પર સોનું પ્રતિ 10 ગ્રામ 57,360 રૂપિયાની સપાટીએ પહોંચીને નવો રેકોર્ડ બનાવ્યો છે. જોકે હાલના ઘટાડા સાથે સોનું તેની રેકોર્ડ કિંમતથી 163 રુપિયા નીચે જોવા મળી રહ્યું છે.

આ પણ વાંચોઃ રૂ.123ના ભાવ પર આ IPOના લિસ્ટિંગની શક્યતા, પહેલા જ દિવસે રોકાણકારોને 70.83% નફો કરાવી શકે

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹53,450	₹58,310
Mumbai	₹52,500	₹57,270
Delhi	₹52,650	₹57,420
Kolkata	₹52,500	₹57,270
Bangalore	₹52,550	₹57,320
Hyderabad	₹52,500	₹57,270
Kerala	₹52,500	₹57,270
Pune	₹52,500	₹57,270
Vadodara	₹52,550	₹57,320
Ahmedabad	₹52,550	₹57,320
Jaipur	₹52,650	₹57,420
Lucknow	₹52,650	₹57,420
Coimbatore	₹53,450	₹58,310
Madurai	₹53,450	₹58,310
Vijayawada	₹52,500	₹57,270
Patna	₹52,550	₹57,320
Nagpur	₹52,500	₹57,270
Chandigarh	₹52,650	₹57,420
Surat	₹52,550	₹57,320
Bhubaneswar	₹52,500	₹57,270
Mangalore	₹52,550	₹57,320
Visakhapatnam	₹52,500	₹57,270
Nashik	₹53,140	₹57,300
Mysore	₹52,550	₹57,320

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ એવા 20 ધમાકેદાર શેર જેમાં આજે થઈ શકે દમદાર કમાણી, માર્કેટના એક્સપર્ટે ખાસ અલગ તારવ્યા

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

આ પણ વાંચોઃ નવી ટેક્સ સિસ્ટમમાં અનેક સ્લેબ્સની જાહેરાત કરી શકે છે સરકાર

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.



(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Gold silver rates, Silver Price Today