ગઈ દિવાળીથી અત્યાર સુધીમાં લિસ્ટેડ થયેલા 44માંથી 31 IPO ઇશ્યૂ કિંમત ઉપર કરી રહ્યા છે ટ્રેડ

નવી દિલ્હી: ગઈ દિવાળી પછી ઇનિશિયલ પબ્લિક ઑફરિંગ (IPO) બહાર પાડનારી કંપનીઓના શેરોએ રોકાણકારોને મજબૂત વળતર આપ્યું છે, તેમ છતાં સેન્ટ્રલ બેંકો દ્વારા વ્યાજદરમાં વધારાની ચિંતાઓ અને ભૌગોલિક-રાજકીય તણાવ વચ્ચે ભારતીય શેરબજારોએ તેમની ચમક ગુમાવી દીધી છે.

આ અસ્થિર બજારોએ અગાઉના સમયગાળાની તુલનામાં IPO એક્ટિવિટી લગભગ અડધી કરી દીધી છે અને હજુ પણ સ્થિતિ થાળે પડવા માટે સંઘર્ષ ચાલુ છે.

પ્રાઈમ ડેટાબેઝ અનુસાર કુલ 44 કંપનીઓ છેલ્લી દિવાળીથી અત્યાર સુધીમાં રૂ. 95,000 કરોડના IPO શેર સાથે બહાર આવી છે, જેમાંથી 31 કંપનીઓના શેર તેમની ઈશ્યુ કિંમતથી ઉપર ટ્રેડ થઈ રહ્યા છે.

અદાણી વિલ્મર (Adani Wilmar), જેણે ફેબ્રુઆરી 2022માં પ્રથમ વખત શેર વેચ્યા હતા, તે બેસ્ટ પરફોર્મિંગ સ્ટોક હતો, એ પછીના સ્થાને વેરાન્ડા લર્નિંગ સોલ્યુશન્સ, ડેટા પેટર્ન ઇન્ડિયા અને વિનસ પાઇપ્સ એન્ડ ટ્યુબ્સ નો સમાવેશ થાય છે. કેમ્પસ એક્ટિવવેર, ગો ફેશન્સ ઈન્ડિયા, મેટ્રો બ્રાન્ડ્સ અને લેટેન્ટ વ્યૂ એનાલિટિક્સે પણ આઉટપરફોર્મ કર્યું હતું.

રાઈટ રિસર્ચના સ્મોલકેસ મેનેજર અને ફાઉન્ડર સોનમ શ્રીવાસ્તવે જણાવ્યું હતું કે, “છેલ્લી દિવાળીથી અત્યાર સુધીમાં IPOની કામગીરીમાં સેક્ટરની પસંદગી સ્પષ્ટપણે દેખાય છે. “વપરાશની ચીજવસ્તુઓના શેરો વિજયી દેખાવ કરવામાં સફળ રહ્યાં છે, જ્યારે અત્યંત કિંમતી ટેક IPO, ખાસ કરીને ફિનટેક સેક્ટરમાં સંઘર્ષ કરવો પડ્યો છે. ટેક સેગમેન્ટમાં સ્ટેન્ડઆઉટ્સ ડેટા પેટર્ન અને લેટન્ટ વ્યૂ છે, જે વિશિષ્ટ ટેક સ્ટોક્સ છે અને નફો પણ કરી રહ્યાં છે.”

અદાણી વિલ્મરના શેરમાં પ્રથમ દિવસે 15 ટકાનો ઉછાળો નોંધાયો હતો અને હાલમાં તે ઇશ્યૂ કિંમતથી 187 ટકાથી વધુ છે. વેરાન્ડા લર્નિંગ્સ 18 ટકાના ફાયદા સાથે લિસ્ટેડ છે અને ત્યારથી તેની કિંમત 137 ટકા વધી છે. ડેટા પેટર્ન 29 ટકા પ્રીમિયમ પર લિસ્ટેડ છે અને તે તેની ઇશ્યૂ કિંમતથી 120 ટકા વધ્યો છે, જ્યારે વેનસ પાઇપ્સ એન્ડ ટ્યુબ્સ, જે લિસ્ટિંગ વખતે 8 ટકા ઉપર હતો. તે હવે 104 ટકા ઉપર છે.

Nykaaની પેરેન્ટ કંપની FSN E-Commerce Ventures લિસ્ટિંગના દિવસે બેસ્ટ પરફોર્મિંગ શેર હતા, પરંતુ ટૂંક સમયમાં જ તેની રેલી ગુમાવી દીધી હતી. આ શેર હવે તેની ઇશ્યૂ કિંમતની નજીક ટ્રેડ કરે છે. બીજી તરફ લેટેન્ટ વ્યૂ, ગો ફેશન અને સિગાચી ઇન્ડસ્ટ્રીઝે લિસ્ટિંગ દિવસનું મોમેન્ટમ જાળવી રાખ્યું હતું.

Paytm ની પેરેન્ટ કંપની One97 Communications, જે બીજા ક્રમનો સૌથી મોટો IPO ધરાવે છે, તેણે લિસ્ટિંગના દિવસે સૌથી ખરાબ પ્રદર્શન કર્યું હતું અને હજુ પણ રોકાણકારોનો ઇન્ટરેસ્ટ મેળવવામાં સફળ રહ્યું નથી.

ભારતીય જીવન વીમા નિગમ પણ સંઘર્ષ કરી રહી છે. પેટીએમ 68 ટકાથી વધુ નીચે છે, જ્યારે એલઆઈસી(LIC) તેની ઈશ્યુ કિંમતથી 36 ટકા ઘટ્યું છે.

પ્રોફિટ કરનારા શેર

unlistedarena.comના સહ-સ્થાપક મનન દોશીએ જણાવ્યું હતું કે, "આ સુસ્ત સમયગાળા દરમિયાન સ્ટ્રીટમાં આવેલા IPOs પૈકી, લગભગ 25 ટકા તેમની ઇશ્યૂ કિંમતથી નીચે ટ્રેડ કરી રહ્યા છે." “અંડરપર્ફોર્મર્સ મુખ્યત્વે અદ્યતન કંપનીઓ છે કે જેની પાસે રોકડ પ્રવાહ મજબૂત ન હતો અથવા જેની કિંમત કોમ્પિટિટિવ હતી. આ ગ્લોબલ કરેક્શનનું પરિણામ હતું, ખાસ કરીને નવી કંપનીઓમાં તેમજ રશિયા-યુક્રેન યુદ્ધને કારણે બદલાયેલા સેટીમેન્ટ્સ પણ કારણભૂત છે.

તેમણે જણાવ્યું હતું કે આ સમયગાળા દરમિયાન વેચાયેલા મોટાભાગના IPO શેર તેમની ઇશ્યૂ કિંમતથી ઉપર આરામથી ટ્રેડ કરી રહ્યાં છે અને ઘણા શેરોએ સારું રિટર્ન આપ્યું છે.

દોશીએ વધુમાં કહ્યું હતું કે “આ વર્ષ દરમિયાન ઉત્સાહ ઓછો થયો હોવાથી રોકાણકારો હવે પ્રોફિટેબીલીટી અને વેલ્યુએશનની બાબતે વધુ સાવચેત છે. વ્યાજબી કિંમત ધરાવતા IPOને બોર્ડના રોકાણકારો તરફથી અભૂતપૂર્વ પ્રતિસાદ મળી રહ્યો છે.”

મોમેન્ટમ પાછું આવી રહ્યું છે

વિશ્લેષકો અપેક્ષા રાખે છે કે પ્રાઇમરી માર્કેટ ટૂંક સમયમાં વેગ પકડશે અને કંપનીઓ તેમની IPO યોજનાઓ સાથે આગળ વધશે. સપ્ટેમ્બર સુધીમાં લગભગ 71 IPO પાઇપલાઇનમાં હતા.

સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયાએ પહેલેથી જ આ કંપનીઓના IPOને મંજૂરી આપી દીધી છે, જે રૂ. 1.05 લાખ કરોડના શેર વેચવાની યોજના ધરાવે છે.

વધુમાં, રૂ. 70,000 કરોડના શેરની ઓફર કરવા માગતી 43 કંપનીઓ સેબીની મંજૂરીની રાહ જોઈ રહી છે.

HDFC સિક્યોરિટીઝના રિટેલ રિસર્ચ હેડ દીપક જસાણીએ જણાવ્યું હતું કે, “આઇપીઓ બજારોમાં આવતા રહેશે, કારણ કે ઘણા રોકાણકારો એક્ઝિટ ઇચ્છે છે અને કેટલીક કંપનીઓ ગ્રોથ માટે કેપિટલ ઇચ્છે છે. આનો સમય સેકન્ડરી માર્કેટ્સના તાજેતરના પ્રદર્શન પર નિર્ભર રહેશે. રોકાણકારોએ નવા IPOનું સારી રીતે મૂલ્યાંકન કરવું પડશે અને ગ્રે માર્કેટ પ્રીમિયમ અથવા તાજેતરના IPOના લિસ્ટિંગ લાભોથી આકર્ષાઈને રોકાણ કરતા પહેલા ચેતવું પડશે. લિસ્ટિંગ પછીનું પર્ફોર્મન્સ IPOની કિંમતો કેટલી અગ્રેસિવ રાખવામાં આવે છે અને સેકન્ડરી માર્કેટ કેવું પરફોર્મ કરે છે તેના પર નિર્ભર રહેશે.”

આ પણ વાંચોઃ મલ્ટીબેગર સ્ટોક એટલે શું? રોકાણકારો પર ધનવર્ષા કરનારા આ શેરોને કેવી રીતે ઓળખવા? 

કમ્પ્લીટ સર્કલ કેપિટલના પાર્ટનર આદિત્ય કોંડાવારના જણાવ્યા અનુસાર, આ વર્ષે IPO કેવી રીતે સબસ્ક્રાઇબ થાય છે અને લિસ્ટ થાય છે તેના પર જ પ્રાઈમરી માર્કેટ ચાલશે.

કોંડાવારે ઉમેર્યું, "તે એક જાણીતું સત્ય છે કે IPO-માં જઈ રહેલી કંપનીઓ માર્કેટની બેસ્ટ સ્થિતિ ઇચ્છે છે, જેથી કરીને ખાતરી કરી શકાય કે ઇશ્યૂ સારી માંગ સાથે આરામથી લોન્ચ થાય અને ઉત્સાહપૂર્ણ બજારની સ્થિતિનો લાભ લઇ લિસ્ટિંગ પણ પ્રીમિયમ રેટ પર થાય".

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IPO, IPO launched, IPO News