Home /News /bhavnagar /ભાવનગરમાં વડાપ્રધાન નરેન્દ્ર મોદીનું વિશ્વના શ્રેષ્ઠ ઘઉં ‘લોક-1’નાં દાણાથી બનાવેલી સ્મૃતિછબીથી સ્વાગત

ભાવનગરમાં વડાપ્રધાન નરેન્દ્ર મોદીનું વિશ્વના શ્રેષ્ઠ ઘઉં ‘લોક-1’નાં દાણાથી બનાવેલી સ્મૃતિછબીથી સ્વાગત

વડાપ્રધાનનું શ્રેષ્ઠ ઘઉં ‘લોક-1’નાં દાણાથી બનાવેલી સ્મૃતિછબીથી સ્વાગત

PM Modi in Bhavnagar: ભાવેણાની પાવનભૂમિ ભાવનગર ખાતે વડાપ્રધાન નરેન્દ્ર મોદીનું વિશ્વના શ્રેષ્ઠ ઘઉં ‘લોક-1’નાં દાણાથી બનાવેલી સ્મૃતિછબીથી સ્વાગત કરવામાં આવ્યું. ‘લોક-1’ ઘઉંને નોબેલ લોરેટે વિશ્વના સૌથી મોટી સાઈઝના ઘઉંનું બિરુદ મળેલું છે.

વધુ જુઓ ...
    ભાવનગર: ભાવેણાની પાવનભૂમિ ભાવનગર ખાતે વડાપ્રધાન નરેન્દ્ર મોદીનું વિશ્વના શ્રેષ્ઠ ઘઉં ‘લોક-1’નાં દાણાથી બનાવેલી સ્મૃતિછબીથી સ્વાગત કરવામાં આવ્યું. ઘઉંની લોક-1 જાત થકી દેશની ખાદ્ય અછતનો સામનો કરવા માટે દેશ ‘આત્મનિર્ભર’ બન્યો છે. વૈશ્વિક ખ્યાતિ પ્રાપ્ત પ્રાકૃતિક ‘લોક-1’ ઘઉંને નોબેલ લોરેટે વિશ્વના સૌથી મોટી સાઈઝના ઘઉંનું બિરુદ પણ આપવામાં આવેલું છે.

    ગુજરાતના પનોતાપુત્ર અને વૈશ્વિક નેતા ભારતના વડાપ્રધાન  નરેન્દ્ર મોદી આજે ગુજરાતના પ્રવાસે છે. વડાપ્રધાનનું ભાવેણાની પાવનભૂમિ ભાવનગર ખાતે રાજયના શિક્ષણમંત્રી  જીતુ વાઘાણીએ વિશ્વના સૌથી શ્રેષ્ઠ અને બોલ્ડ એવા ઘઉં ‘લોક-1’નાં દાણાથી તૈયાર કરાયેલી વડાપ્રધાનની છબી સ્મૃતિ ભેટ તરીકે આપીને તેમનું ભવ્ય સ્વાગત કર્યું હતું. ઉલ્લેખનીય છે કે, લોકભારતી સંશોધિત વૈશ્વિક ખ્યાતિપ્રાપ્ત પ્રાકૃતિક ‘લોક-1’ ઘઉંને નોબેલ લોરેટે વિશ્વના સૌથી મોટી સાઈઝના ઘઉંનું બિરુદ આપેલુ છે.

    આ પણ વાંચો:  પાકિસ્તાની જાસૂસની તપાસમાં ઘટસ્ફોટ, 13 લોકોને મોકલી ચૂક્યો છે પાકિસ્તાન

    ભાવનગર જિલ્લાના સણોસરા ખાતે આવેલી દેશની એકમાત્ર NGO ‘લોકભારતી’ના જાણીતા કૃષિ વૈજ્ઞાનિક સ્વ. ડૉ. ઝવેરભાઈ પટેલ દ્વારા લોક-1 ઘઉંનું સંશોઘન કરવામાં આવ્યુ છે અને આ ઘઉંની જાત દેશના વડાપ્રધાન મોદીના આત્મનિર્ભર ભારતના સ્વપ્નને સાકાર કરતી જાત છે. કારણ કે, આ ઘઉંના ઉત્પાદનથી ખેડૂતો 8% વધુ ઉપજ મેળવી શકે છે. પરિણામે ઘઉંના બફર સ્ટોકમાં નોંધપાત્ર યોગદાન સાથે આપણા દેશની ખાદ્ય અછતનો સામનો કરવા માટે દેશ આત્મનિર્ભર બન્યો છે. તેથી જ આ ઘઉંનું સંશોધન રાષ્ટ્ર માટે અતુલ્ય યોગદાન ગણવામાં આવે છે. વર્ષ 1981થી દેશની અન્ય તમામ ઘઉંની જાતોમાં લોક-1 પ્રથમ સ્થાને છે.

    લોક-1 ઘઉંના ઉપયોગથી દર વર્ષે દેશને રૂપિયા 200 કરોડનો નફો થાય છે. આપણા રાષ્ટ્રની હરિયાળી ક્રાંતિ અને ખાદ્ય સુરક્ષામાં તેનું અમૂલ્ય યોગદાન માનવામાં આવે છે. ઘઉંની અન્ય જાતોની સરખામણીમાં સૌથી વધુ ઉપજ આપનારી આ વેરાઇટીને ઓછી સિંચાઈ અને ઓછા ખાતરની જરૂર પડે છે. આ સાથે જ તે વહેલી પરિપક્વતા થતી હોવા છતાં વધુ ઉત્પાદન આપે છે. વિશેષ ગુણધર્મો ધરાવતા આ ઘઉંના દાણાથી વડાપ્રધાન  નરેન્દ્ર મોદીની તસવીર તૈયાર કરાવીને શિક્ષણ મંત્રી જીતુ વાઘાણી દ્વારા વૈશ્વિક નેતા ભારતના વડાપ્રધાનનું અનોખી સ્મૃતિછબીથી સ્વાગત કરવામાં આવ્યુ હતું.
    Published by:Vimal Prajapati
    First published:

    विज्ञापन
    विज्ञापन