Bhavnagar: સૌરાષ્ટ્રનું આ ગામ મીની સુરત તરીકે ઓળખાય છે, સુવિધા એવી કે મોર્ડન વિલેજ કહેવાય છે!

Dhruvik gondaliya Bhavngar :આપણે સૌ જાણીએ છીએ કે ગુજરાત મા અનેક ગામો આવેલા છે જેમા ઘણા ગામો નો વિકાસ થયો છે જયારે ઘણા ગામોનો વિકાસ આજે પણ નથી થયો અને પાયાની સુવીધા ઓ પણ ના હોય તેવા અનેક ગામડાઓ છે ત્યારે આજે એક એવા ગામ ની વાત કરીશું જે ગામ અન્ય ગામના લોકો માટે પણ ઉદાહરણરુપ છે. આવો જાણીએ આ કયું ગામ છે આ…આપણે જે ગામ ની વાત કરી રહયા છીએ એ ગામ નુ નામ પરવડી છે.

પરવડી ગામ ભાવનગર જીલ્લાના ગારીયાધાર તાલુકામા આવેલુ છે, ભાવનગરનુ આ નાનકડું ગામ મોર્ડન વિલેજ તરીકેની છાપ ધરાવે છે. જેનુ એક માત્ર કારણ એ છે કે ગામમા આ ઉભી કરવામા આવેલી સુવીધા અને ગામ નો વિકાસ !. પરવડી ગામને મીની સુરત પણ કેહેવામા આવે છે. ભાવનગરના આ ગામ પ્રાથમીક શાળા સાથે ઉચ્ચ માધ્યમિક શાળા પણ આવેલી છે જેમા કોમ્યુટર લેબ, પ્રયોગ લેબ જેવી શહેરમા એક શાળા હોય તેવી જ વિશાળ શાળા આ ગામમા આવેલી છે.



આ શાળાનુ ઉદ્ઘાટન પી.એમ મોદીએ કરેલુ છે. આ ઉપરાંત આ ગામમા શહેર જેવી સુવીધા ઉભી કરવામા આવી છે જેમા સારા રોડ રસ્તા, ગટર લાઈન અને સોલાર લાઈટો પણ લગાવવા આવી છે. સાથે સાથે આ ગામમાં સીસીટીવી કેમેરા પણ લગાવવામાં આવ્યા છે. આ ગામમાં એક બંગલાની કિંમત એક કરોડ રૂપિયા છે એ બંગલામાં મોંઘી દાઢ લક્ઝરીયસ કારો પણ જોવા મળી રહી છે,  જ્યારે પણ તમે આ ગામમા જશો ત્યારે તમે ખુદ એવો અનુભવ કરશો કે આ એક મોર્ડન વિલેજ છે.

ગામમા બેંક પણ આવેલી છે આ ઉપરાંત શહેર મા જોવા મળતા ભવ્ય બંગલા અને કાર પણ જોવા મળશે આ ગામના વિકાસ નો ફાળો ગામ ના લોકો ને જ જાય છે ગામમા રહેતા લોકો પોતાના ગામ માટે એટલા જાગૃત છે કે દરેક મુશ્કેલીઓ અને અસુવિધાઓનુ નિરાકરણ મેળવે આ ગામમા મુખ્યત્વે પટેલ અને કોળી સમાજના લોકો વસે છે.

આ ગામને મીની સુરત પણ કહેવામા આવે છે કારણ કે આ ગામના લોકો ધંધા રોજગાર માટે સુરત સાથે જોડાયેલા છે અને પોતાના ગામ માટે ફંડ ફાળો આપીને ઘણી સુવીધા ઉભી કરી છે. આ ગામનો વિકાસ 2007 થી થયો હતો. ગામમા પાણીના સંગ્રહ માટે ટાંકી , ગાર્ડન, સારા રોડ સસ્તા ,શાળા , પશુ પક્ષીઓ માટે પાણીયારુ , આધુનિક ઢબનુ મોક્ષ ધામ, શોપિંગ મોલ , આશ્રમ વગેરે સુવીધાઓ ઉભી કરેલી છે. જ્યારે આ ગામમાં વસવાટ કરતા લોકો હાલ સુરતમાં મોટા ઉદ્યોગકારો તરીકે પણ ઓળખાઈ રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Local 18, ગામડા, ભાવનગર, સુરત