Home /News /bhavnagar /Bhavngar: કેમ શેત્રુંજય પર્વત પર રાતવાસો કરવાની છે મનાઈ, આવી છે માન્યતા

Bhavngar: કેમ શેત્રુંજય પર્વત પર રાતવાસો કરવાની છે મનાઈ, આવી છે માન્યતા

અહીં પુત્રની ઇચ્છા ફળતી હોવાની શ્રધ્ધા પણ છે 

પાલીતાણા શહેરમાં શેત્રુંજય પર્વત ઉપર જૈન ધર્મના દેરાસરો/મંદીરો આવેલા છે.અહીં આરસમાં સુંદર બારીક કોતરણી કામવાળા લગભગ 863 દેરાસરો આવેલા છે. મુખ્ય દેરાસર સુધી જવા માટે 3500 પગથીયા ચડવા પડે છે.

    Dhruvik gondaliya : Bhavngar: ભાવનગર જિલ્લામાં આવેલ પાલીતાણા શહેરમાં શેત્રુંજય પર્વત ઉપર જૈન ધર્મના દેરાસરો, મંદીરો આવેલા છે. આ પાલીતાણા શહેર વર્ષો પહેલા પદલીપ્તપુરના નામે જાણીતુ હતું, જેને મંદીરોના શહેર તરીકે પણ ઓળખવામાં આવે છે.

    ગુજરાત રાજ્યમાં આવેલ પાલીતાણા અને ઝારખંડ રાજ્યમાં આવેલા શિખરજી બંને યાત્રાધામ જૈન સમુદાયના લોકો માટે ખુબ જ પવિત્ર ધાર્મિક સ્થળ માનવામા આવે છે. આ જૈન દેરાસરો ફ્ક્ત દેવો માટેનું જ નિવાસ સ્થાન હોઇ આ પવિત્ર સ્થળે કોઇ પણ વ્યક્તિને રાતવાસો કરવાની મનાઇ છે, જૈન ધર્મના સાધુઓ માટે પણ આ નિયમ લાગુ પડે છે. જૈન સમુદાયના દરેક લોકો માને છે કે મોક્ષ મેળવવા માટે જિંદગીમાં એક વાર આ પવિત્ર દેરાસરોની મુલાકાત તો લેવી જરૂરી છે.



    શેત્રુંજય પર્વત ઉપર આવેલા આ જ્ગ્યાને જૈન ધર્મમા માનનારા ખુબ જ પવિત્ર માને છે અને અહી હજારોની સંખ્યામા દેરાસરો આવેલા છે. આ પર્વત ઉપર આરસમાં સુંદર બારીક કોતરણી કામવાળા લગભગ 863 દેરાસરો આવેલા છે. મુખ્ય દેરાસર સુધી જવા માટે 3500 પગથીયા ચડવા પડે છે.



    એવુ કહેવામા આવે છે કે, ભગવાન નેમીનાથ સિવાય, 23 તીર્થકરો દ્વારા આ જ્ગ્યાની મુલાકાત લઇને તેને પવિત્ર કરવામાં આવી હતી. ભગવાન રીષભદેવ જે પ્રથમ તીર્થંકર હતા. તેમને મુખ્યમંદીર સમર્પીત કરાવામાં આવેલ છે, જે શ્વેતામંબર જૈન મુર્તીપુજક પંથ માટે ખુબ જ પવિત્ર ધાર્મિક સ્થાન છે. દીગંબર જૈન પંથ માટે એક દેરાસર આવેલુ છે.



    સિદ્ધક્ષેત્ર ‘મોક્ષનું દ્વાર' તરીકે પણ પ્રખ્‍યાત છે

    જૈન ધર્મના તીર્થકર ભગવાન નેમિનાથને મોક્ષ-ગતિ અહીં પ્રાપ્‍ત થઇ હતી. આ કારણે જૈન ધર્મના અલૌકિક ઇતિહાસ સાથે સંકળાયેલ ‘પાલિતાણા' સૌ જૈન શ્રદ્ધાળુને પોતાની તરફ આકર્ષિત કરે છે. પાલિતાણાને ‘સિદ્ધક્ષેત્ર' તરીકે પછી ઓળખવામાં આવે છે. સિદ્ધક્ષેત્ર ‘મોક્ષનું દ્વાર' તરીકે પણ પ્રખ્‍યાત છે. જૈન ધર્મના પ્રથમ તીર્થકર ભગવાન ઋષભદેવ દેરાસર આ નિર્માણ પામેલું છે. જેમને ‘આદિનાથ' તરીકે પણ ઓળખવામાં આવે છે. અહીંથી તેમણે ૯૩ વખત પરિક્રમા કરી હતી.



    પાલિતાણાના ભવ્‍ય દેરાસર

    પાલિતાણાના ભવ્‍ય દેરાસરનું શૃંખલાનું નિર્માણ બાબુ ધનપતસિંહ દ્વારા કરવામાં આવ્‍યું,જે મુર્શિદાબાદના રહેવાસી હતા. ઇ.સ.13 મી સદીના સમયગાળામાં આ પર્વત પર દેરાસરોની શ્રુંખલાનું નિર્માણ શરૂં થયું હતું. જૈન ધર્મના શ્રેષ્‍ઠ વસ્‍તુપાલ દ્વારા પાલિતાણાનું નિર્માણ થયું હતું.



    1800 ફૂટ ઊંચા પર્વતીય સ્‍થન પર પહોંચવા 3795 પગથિયાં બનાવવામાં આવ્‍યાં છે. પર્વતના શિખર પર પહોંચવાના રસ્‍તે તીર્થકારોના પદચિહ્નો દ્રશ્‍યમાન થાય છે. યાત્રાળું માટે રસ્‍તામાં પાણીની વ્‍યવસ્‍થા કરવામાં આવેલી છે. રસ્‍તામાં ખાણી-પીણીની ચીજવસ્‍તુઓ પ્રતિબંધિત છે. સમગ્ર સંકુલમાં આવેલાં સ્‍થાપત્‍યો અને મૂર્તિઓનું નિર્માણ પાછળ ધીરજ શ્રદ્ધા અને કસબના જળનું સિંચન કરાયું છે. જેને પરિણામ શ્રદ્ધાનું અલૌકિક સ્‍થાનક નિર્માણ પામ્‍યું.



    પાલીતાણા એક બીજા વર્ગનું રજવાડું હતું

    સ્થાપના ઇ.સ. 1194માં થઈ હતી. સૌરાષ્ટ્રમાં ઘણાં નાનાં નાનાં રજવાડાં હતાં. તેમાંનાં થોડા મુખ્યમાંનું પલીતણા એક હતું. એનું ક્ષેત્રફળ 777 કિ.મી.હતું . ઇ.સ. 1921 માં એની વસ્તી 58, 000 હતી. એમાં 91 ગામ આવરી લીધાં હતાં. તેની આવક રૂ. 7,44,416 હતી. તેના સાશક, 9 બંદૂક્ની સલામીના અધીકારી હિંદુ ગોહિલ કુળના રાજવી હતાં, જેમને ઠાકોર સાહેબનાં નામે ઓળખવામાં આવતાં હતા. 15 ફેબ્રુઆરી1948નાં રોજ જ્યારે પાલીતાણા રજવાડાને સ્વતંત્ર ભારતમાં વિલિન કરવામાં આવ્યું ત્યારે તે સમયનાં રાજવીને રૂ. 1,80,000નું સાલીયાણુ આપવામાં આવ્યું હતું.

    પુત્રની ઇચ્છા ફળતી હોવાની શ્રધ્ધા

    1800 ફૂટ ઊંચા પર્વતીય સ્‍થાન પર પહોંચવા 3,795 પગથિયાં બનાવવામાં આવ્‍યાં છે. જયાં ભગવાન આદિનાથ, કુમારપાળ, વિમલશા સાંપ્રતિ રાજા તેમજ શિખરની સૌથી ટોચ પરનાં ચૌમુખ મુખ્‍ય છે. આ પર્વતીય માળામાં હિન્‍દુ ધર્મના દેવી-દેવતાઓના મંદિરો પછી આવે છે. પર્વતની તળેટીમાં મા સરસ્‍વતીનું મંદિર છે. ઉપરાંત ભગવાન શિવજી, રામભક્ત હનુમાનજીના મંદિરો નિર્માણ પામ્‍યા છે. શિખરની ટોચ પર અંગારપીરની જગ્‍યા છે. અહીં પુત્રકામનાની ઇચ્‍છા રાખતી સ્‍ત્રીઓની મનોકામના પૂર્ણ થાય છે.



    અહીં કેવી રીતે જઈ શકાય ?

    હવાઇ માર્ગ: નજીકનું હવાઇ મથક ભાવનગર 36 કિ.મી.ના અંતરે આવેલું છે. જે માત્ર મુંબઈથી જ જોડાયેલું છે.

    રેલવે માર્ગ: નજીકનું રેલવે સ્‍ટેશન પાલિતાણા 5 કિ.મી.ના અંતરે આવેલું છે.

    ભાવનગરથી 36 કિ.મી અને અમદાવાદથી 203 કિ.મી. થાય છે, અહીં આવવા માટે બસો અને અન્ય લક્ઝરી બસ મળી રહે છે.
    Published by:Santosh Kanojiya
    First published:

    Tags: Bhavnagar news, Jain, Local 18, Palitana

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन