ભાવનગર : ખેડૂતવાસના યુવાન પર છરીના ઘા ઝીંકાયા, 'મિત્રની ખબર કાઢી આવતો ત્યારે 3 લોકોએ કર્યો હુમલો'

નીતિન ગોહેલ, ભાવનગર : શહેરમાં અગાઉની અદાવતે શહેરનાં ખેડૂતવાસ વિસ્તારના યુવાન ઉપર છરીના ઘા ઝીંકાયા, મીત્રની ખબર કાઢી પરત ફરતી વેળા મધ્યરાત્રિએ બનેલો બનાવ જેમાં યુવાનને છરી-ધોકા વડે ગંભીર ઇજા કરી ધમકી આપી નાસી છુટેલા શખસો વિરૂદ્ધ ગુનો દાખલ કરવામાં આવ્યો છે.

ભાવનગર શહેરમાં અગાઉની અદાવતે શહેરનાં ખેડૂતવાસ વિસ્તારનાં યુવાન ઉપર છરીના ઘા ઝીંકાયા, મીત્રની ખબર કાઢી પરત ફરતી વેળા મધ્યરાત્રિએ બનેલો બનાવ જેમાં યુવાનને છરી-ધોકા વડે ગંભીર ઇજા કરી ધમકી આપી નાસી છુટેલા શખસો વિરૂદ્ધ ગુનો દાખલ, અગાઉ થોડા સમય પહેલા થયેલ માથાકુટના પગલે ૩ શખ્સો શહેરના ક્રેસન્ટ સર્કલ પાસેથી પસાર થતા બાઇકને અટકાવી છરીના ઘા તથા ધોકા વડે જીવલેણ હુમલો કરી નાસી છુટયા હતાં. બનાવના પગલે પોલીસે ત્રણે વિરૂદ્ધ ગુનો નોંધી તપાસ હાથ ધરી હતી.

આ પણ વાંચો - સુરત : મહિલાના ગળામાંથી ચેન સ્નેચિંગ યુવકોને ભારે પડ્યું, જુઓ મહિલાની હિમ્મતનો Live Video

આ અંગે મળતી વિગતો મુજબ સંજય ઉર્ફે સંજુ મુકેશભાઇ મકવાણા (ખેડૂતવાસ) વાળા પોતાના ઘર પાસે મિત્રને થયેલ મારામારીમાં હોસ્પિટલ દાખલ હોય ખબર કાઢી તા.૨૮ના રોજ રાત્રે પરત જતા હતા દરમિયાન ક્રેસન્ટથી શિશુવિહાર તરફ જવાના રસ્તે ચાઇનીઝની દુકાન પાસે અજય ઉર્ફે રવજીભાઇ દવે, અભય રવજીભાઇ દવે અને સન્ની શામજીભાઇ મકવાણાએ મોટરસાયકલ અટકાવી ગાળો દેતા ના પાડતા અજયે છરો કાઢી હાથ પર ઇજા પહોંચાડી હતી. જ્યારે સ્થળેથી સામેની ગલીમાં ભાગતા સન્નીએ ધોકાનો ઘા કરી પછાડી દઇ ત્રણે શખસોએ છરી, ધોકા વડે પગના ભાગે માર મારી ગંભીર ઇજા ઓ પહોંચાડી હતી અને બંને પગે ફેક્ચર કરી નાખ્યું હતું.

આ પણ વાંચો - નિર્દયતાથી હત્યાનો Live Video: પશુપાલકો વચ્ચે લોહીયાળ જંગ, અધમરો થયો, તો પણ લાકડીઓ વરસાવતા રહ્યા

આ દરમિયાન દેકારો થતા ત્રણે શખસોએ હવે જો માથાકુટ કરીશ તો જાનથી મારી નાખવાની ધમકી આપી નાસી છુટયા હતાં. બનાવ અંગે સંજયએ ફરિયાદ નોંધાવતા ઘોઘારોડ પોલીસે ત્રણે શખસો વિરૂદ્ધ ગુનો નોંધી વધુ તપાસ હાથ ધરી હતી અને હુમલો કરનાર આરોપીઓને ઝડપી પાડવા ચક્રોગતિમાન કર્યા, વધુ તપાસ હાથ ધરી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bhavnagar news, Bhavnagar police