Home /News /bharuch /Bharuch: અહીંના ખેડૂતો સ્વાદિષ્ટ પોંકની કરે છે ખેતી, થાય છે આટલી કમાણી

Bharuch: અહીંના ખેડૂતો સ્વાદિષ્ટ પોંકની કરે છે ખેતી, થાય છે આટલી કમાણી

X
અંકલેશ્વર

અંકલેશ્વર તાલુકાના જુના કાસિયા ગામે થતી વાણીની ખેતી ખેડૂતો માટે ફળદાયી બની...

અંકલેશ્વરના જુના કાસિયા ગામમાં થતી વાણીની ખેતી ખેડૂતો માટે ફાયદાકાર સાબિત થઇ રહી છે.વાણીમાંથી સ્વાદિષ્ટ પોંક બને છે. પોંકનો કિલોના 600 રૂપિયા ભાવ છે.પોંકની 3 મહિનાની સિઝન હોય છે અને ખેડૂતો સારી આવક મેળવી રહ્યાં છે.

    Aarti Machhi, Bharuch: નર્મદા નદી કાંઠે આવેલા અંકલેશ્વર તાલુકાના બોરભાઠા બેટ, જુનાકાસીયા, જુનાછાપરા સહિતના ગામોમાં ખેડૂતો પરંપરાગત ખેતી કરી રહ્યા છે. ખેડૂતો પોતા માટે ખાવા પૂરતી કરતા વાણીની ખેતી હાલ કમાઉ દીકરો બની ગઈ છે. વાણીમાંથી પોંક તૈયાર થાય છે, જેને આલુ, સેવ સાથે ભેળવી ખાવામાં આવે છે.અંકલેશ્વર- ભરૂચ માર્ગ ઉપર ગડખોલ પાટિયા થી લઈ નર્મદા મૈયા બ્રિજ સુધી પોંકની હાટડીઓ જોવા મળે છે.

    પોંકની સિઝન 3 મહિનાની હોય છે


    અંકલેશ્વર તાલુકાના જુના કાંસીયા ગામના ખેડૂત રાકેશભાઈ પટેલે જણાવ્યું હતું કે, તેના બાપદાદાઓ વર્ષોથી પરંપરાગત વાણીની ખેતી કરી પોંકનો સ્વાદ માણતા આવ્યા છે. હાલ પોંકની સિઝન નવેમ્બરથી ફેબ્રુઆરી સુધી એટલે કે, ત્રણ મહિનાની હોય છે, જે સિઝનમાં તેઓ પોંકનું વેચાણ કરે છે.


    વાણીનું બિયારણ 200 થી 300 રૂપિયાનું કિલો


    વાણીનું બિયારણ 200 થી 300 રૂપિયા કિલોનું મળે છે. રાકેશભાઈ પટેલે પોતાના ખેતરમાં એક એકરમાં 8 થી 10 કિલો વાણી એટલે કે પોંકની ખેતી કરી છે. છેલ્લા 10થી 12 વર્ષથી વાણીની ખેતી કરે છે. જુવારથી અલગ હોવાથી વાણીના પોંકમાં મીઠાશ હોવા સાથે તે નરમ હોવાથી સ્વાદિષ્ટ અને સ્વસ્થ્ય માટે ઉત્તમ માનવામાં આવે છે.


    પોંકના કિલોનો 600 રૂપિયા ભાવ


    હાલમાં અંકલેશ્વરના ગડખોલ પાટિયાથી ભરૂચ સુધી અને ત્યાંથી વડોદરા સુધી પોંકનું વેચાણ થાય છે. ખાસ કરીને અંકલેશ્વરના પોંકનો સ્વાદ સૌથી સ્વાદિષ્ટ હોય છે.પોંકના કિલોનો 600 રૂપિયા ભાવ છે.જુના કાસીયાના ખેડૂતોને જોઈને અન્ય ગામોના ખેડૂતો પણ વાણીની ખેતી કરતા થયા છે. પોંકનું વેચાણ કરતા વેપારીઓને વેચાણે આપી સારી એવી કમાણી કરી રહ્યા છે.


    અંકલેશ્વર વિસ્તારમાં 100 થી 150 વિઘા જમીનમાં વાણી


    અંકલેશ્વર વિસ્તારમાં 100 થી 150 વિઘા જમીનમાં વાણીની ખેતી થાય છે. સ્પેશ્યલ પોંકની ખેતી સ્વાદ પ્રિય જનતા માટે જ કરવામાં આવે છે. હાલમાં આટલું વાવેતર થયું છે. જેમ જેમ ઠંડી વધે તેમ પોંકમાં મીઠાશ વધે છે,તેમ ખેડૂતોએ જણાવ્યું હતું.

    Published by:Santosh Kanojiya
    First published:

    Tags: Bharuch, Farmers News, Local 18

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन