Bharuch: ખેડૂતની દિકરી ઉર્વશી દૂબે પાયલટ બની, હવે સ્વપ્નનાં 'આકાશ'માં ઉડશે

Aarti Machhi, Bharuch: ભરૂચ જિલ્લાના જંબુસર તાલુકાના કિમોજ ગામની ઉર્વશી દુબે પાયલોટ બની છે. ઉર્વશી દુબે નાનપણમાં રાત્રે બહાર સૂઈને આકાશમાં વિમાન ઉડતુ જોઈને તેની માતાને કહેતી કે, મમ્મી હું પણ એક દિવસ વિમાન આકાશમાં ઉડાવીશ. ઉર્વશીએ આજે પાયલોટ બની પોતાનું સ્વપ્નુ સાકાર કર્યું છે.

ઉર્વશીનો જન્મ ખેડૂત પરિવારમાં થયો હતો


ભરૂચ જિલ્લાના જંબુસર તાલુકાના છેવાડાના કિમોજ ગામમાં ખેડૂત અશોક દુબેના ઘરે ઉર્વશીનો જન્મ થયો હતો. ખેડૂત પરિવાર માંથી આવતી ઉર્વશીને નાનપણથી જ પાયલોટ બનવાની ઈચ્છા હતી.



અથાગ મહેનતના કારણે એમના પિતાએ આખરે ઉર્વશીને પાયલટ બનાવી છે. ઉર્વશીના પ્રબળ ઈચ્છા જોઈને પિતાએ પણ સારો સપોર્ટ કર્યો હતો.



પિતા અને કાકાના સપોર્ટ અને અથાગ પરિશ્રમથી ઉર્વશી પાયલોટ બની

ઉર્વશીએ કિમોજની ગુજરાતી શાળામાં પ્રાથમિક શિક્ષણ મેળવ્યું હતું. બાદ પાયલોટ બનવા માટે શું જરૂરી છે તે સમજી આગળનો અભ્યાસ શરૂ કર્યો હતો.



ઉર્વશીનાં પિતા અને તેના કાકા પપ્પુ દુબેએ ખર્ચ ઉપાડવાનું નક્કી કર્યું હતું. કોરોના કાળ દરમિયાન એમના કાકાનું મૃત્યુ થતાં ઉર્વશીના અભ્યાસમાં મુશ્કેલી ઊભી થઈ હતી.



ઉર્વશીએ ઇન્દોરમાં એડમિશન મેળવ્યું હતું. ઉર્વશી અને એમના પિતાએ બેન્કોમાં પણ લોન માટે આટા-ફેરા કરીને પણ દીકરીને પાયલોટ બનાવી છે. પિતાના દ્રઢ નિર્ણય અને ઉર્વશીના અથાગ પરિશ્રમના કારણે એમના પિતાએ આખરે ઉર્વશીને પાયલટ બનાવી છે.



ભવિષ્યમાં ઉર્વશી દુબેનો ધ્યેય શું?

15 જાન્યુઆરીએ ઉર્વશી દુબેને પાયલોટનું લાયસન્સ મળ્યું છે. માત્ર 22 વર્ષની વયે ઉર્વશીએ પાયલોટ બની જિલ્લાનું ગૌરવ વધાર્યું છે. ઉર્વશીનો ધ્યેય ભવિષ્યમાં બોઇંગ 777 એરક્રાફ્ટ કમાન્ડર બનવાનો છે.

શું તમે પણ સમાજને ઉપયોગી કામગીરી કરી રહ્યાં છો? શું તમે એવું કામ કર્યું છે જેનાથી સમાજને પ્રેરણા મળી શકે છે? તમારી સફળતાની સ્ટોરી અન્ય લોકોને જણાવવા ઈચ્છો છો? તો આજે જ aartimachhi007@gmail.com પર સંપર્ક કરો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bharuch, Father-Daughter, Gujarat farmer, Local 18, Pilot