Home /News /banaskantha /Banaskantha: રબારી સમાજમાં કુરિવાજો દૂર કરવા શરુ કર્યું અભિયાન, સમાજ માટે આ માણસે છોડી નોકરી

Banaskantha: રબારી સમાજમાં કુરિવાજો દૂર કરવા શરુ કર્યું અભિયાન, સમાજ માટે આ માણસે છોડી નોકરી

યુવાન દ્વારા સમાજમાં અનેક શિબીરો કરી સમાજમાં જાગૃતિ લાવવાનો પ્રયાસ કર્યો

સમાજનાં લોકોમાં સાટા પ્રથા, બાળ લગ્ન, અફીણ પ્રથા, મોત પ્રસંગે છાજીયા, મોત પ્રસંગે ખોટા ખર્ચા, લગ્નમાં ખોટા ખર્ચા, સોનાના દાગીના પ્રથા જેવા અનેક કુરિવાજો જોવા મળી રહ્યા છે.

    Nilesh Rana, banaskatha : આજનાં ટેક્નોલોજીનાં સમયમાં શિક્ષણનું ખુબ જ મહત્વ છે, શિક્ષણને કારણે મનુષ્ય જીવન વધુ સારુ બને છે, જો કે આપણા સમાજમાં કેટલાક એવા પણ લોકો છે જેઓમાં શિક્ષણનાં અભાવને કારણે પછાત રહી ગયાં છે, તથા શિક્ષણનાં અભાવે કુરિવાજો જેવી બદીઓ જોવા મળે છે. આવો જ એક સમાજ એટલે રબારી સમાજ, આ સમાજમાં આજે પણ અનેક કુરિવાજો જોવા મળે છે, ત્યારે આ કુંરિવાજોને દૂર કરવાનું બીળું ઉપાડ્યું છે બનાસકાંઠાનાં એક રબારી સમાજનાં જ યુવકે. રબારી સમાજમાંથી કુરિવાજો દૂર કરવા માટે આ યુવક જિલ્લામાં વસવાટ કરતા રબારી સમાજનાં લોકોનાં ઘરે, ગામડે જઈને માહિતી આપે છે અને જાગૃતિ લાવવાનાં પ્રયાસ કરે છે, આવો જાણીએ કોણ છે આ યુવક અમે કેવી કામગીરી કરે છે.

    બનાસકાંઠા જિલ્લામાં રબારી સમાજની અંદાજે 2,50 લાખ વસ્તી છે, આ વિસ્તારમાં વસવાટ કરતા રબારી સમાજમાં આજે પણ શિક્ષણનું પ્રમાણ ઓછું જોવા મળે છે. અને આજે પણ આ સમાજનાં લોકોમાં સાટા પ્રથા, બાળ લગ્ન, અફીણ પ્રથા, મોત પ્રસંગે છાજીયા, મોત પ્રસંગે ખોટા ખર્ચા, લગ્નમાં ખોટા ખર્ચા, સોનાના દાગીના પ્રથા જેવા અનેક કુરિવાજો જોવા મળી રહ્યા છે.



    પરંતુ રબારી સમાજનાં જ નરશીભાઈ હાથીભાઈએ પોતાના સમાજનાં લોકોને જાગૃત કરવાનું નક્કી કર્યું છે. નરશીભાઇ બનાસકાંઠા જિલ્લામાં વસતા રબારી સમાજનાં લોકોનાં કુરિવાજો દૂર કરવા સમજાવી રહ્યા છે. આ માટે તેઓ શિબિર, રૂબરૂ ઘરે જઈને માહિતી આપી રહ્યા છે.

    સમાજ માટે નોકરીમાંથી આપ્યું રાજીનામુ

    નરશીભાઈ ડીસા તાલુકાનાં બાઇવાડા ગામમાં રહે છે અને તેઓ રેલવે પોલીસમાં ફરજ બજાવતા હતા, જો કે પોતાના સમાજમાંથી બદીઓ દૂર કરવા માટે નોકરીમાંથી રાજીનામું આપી દીધું અને સમાજસેવા શરુ કરી, તેઓ રબારી સમાજની દીકરીઓને શિક્ષણ આપવા સમજાવી રહ્યા છે. કુરિવાજોને દૂર કરવા માટે એક અભિયાન શરૂ કર્યું છે.



    નરશીભાઈએ ગોપાલક સેના શરુ કરી જેમાં અનેક યુવાનો જોડ્યા જેઓ ગામડે ગામડે જઈ શિબિરો કરી લોકોને કુરિવાજોમાંથી દૂર કરવા જાગૃત કરી રહ્યા છે. તો રબારી સમાજનાં સહયોગથી શિક્ષણ રથ શરુ કર્યો જે બનાસકાંઠા જિલ્લામાં રબારી સમાજનાં લોકોમાં શિક્ષણ પ્રત્યે જાગૃતિ આવે તે માટે ગામડે ગામડે ફરી રહ્યો છે.

    નરશીભાઈનાં પ્રયાસથી રબારી સમાજમાં અસર જોવા મળી

    નરશીભાઈનાં આ અભિયાનની ધીમે ધીમે બનાસકાંઠા જિલ્લાનાં રબારી સમાજના લોકોમાં અસર જોવા મળી રહી છે, યુવક અને યુવતીઓ ઉચ્ચ શિક્ષણ મેળવતા થયાં છે અને સરકારી નોકરીની તૈયારી પણ કરી રહ્યા છે. તો નરશીભાઈ રબારીએ જણાવ્યું હતું કે આ અભિયાનની શરૂઆત થતા રબારી સમાજના લોકો શિક્ષણ પ્રત્યે જાગૃત થયા છે.



    હાલ બનાસકાંઠા જિલ્લામાં સમાજનાં સહયોગથી રબારી સમાજ માટે શિક્ષણ શંકુલ બની રહ્યું છે. તેમજ સરકારી ભરતીના કલાસ પણ ચાલી રહ્યા છે. હજુ પણ જે લોકો જુના કુરિવાજો સાથે સંકળાયેલા છે, તેમજ શિક્ષણ પ્રત્યે જાગૃત નથી તેવા લોકો પાસે જઈ તેમને પણ તેમના અભિયાનમાં જોડવાનાં પ્રયાસો ચાલુ રહેશે.
    Published by:Santosh Kanojiya
    First published:

    Tags: Society

    विज्ञापन

    विज्ञापन
    विज्ञापन
    विज्ञापन