PM Modi in Gujarat: સાબરડેરીમાં વડાપ્રધાન મોદી: ગુજરાતનું ડેરીનું માર્કેટ એક લાખ કરોડ સુધી પહોંચ્યુ : PM મોદી

બનાસકાંઠા: આજે વડાપ્રધાન નરેન્દ્ર મોદી (PM Modi Gujarat Visit) ગુજરાતના પ્રવાસે આવ્યા છે. તેઓ આજે અને આવતીકાલે 29મી તારીખે ગુજરાતમાં છે. આજે પીએમ મોદી સાબરકાંઠા-અરવલ્લી જિલ્લાના પશુપાલકોની જીવાદોરી સમાન સાબરડેરીના (Sabar Dairy) વિવિધ પ્લાન્ટના લોકાર્પણ અને ખાતમુહૂર્ત કર્યુ છે. જેમાં સાબર ડેરી હિંમતનગર ખાતે રૂ. 305 કરોડના ખર્ચે નવનિર્મિત પાવડર પ્લાન્ટનું લોકાપર્ણ તેમજ રૂ. 600 કરોડના ખર્ચે તૈયાર થનાર ચીઝ પ્લાન્ટનું ખાતમુહૂર્ત કર્યું છે.

આ ઉપરાંત રૂ. 125 કરોડના ખર્ચે નિર્મિત ટેટ્રાપેકનું વર્ચ્યુઅલ લોકાર્પણ કરવામાં આવ્યું. આ પ્રસંગે સુકન્યા યોજના અન્વયે દીકરીઓને ખાતા ખોલવાનો કાર્યક્રમ અને મહત્તમ દૂધ ઉત્પાદન કરનાર મહિલા પશુપાલકોનું વડાપ્રધાન નરેન્દ્રભાઈ મોદીના હસ્તે સન્માન પણ કરવામા આવ્યુ છે.

પીએમ મોદીનું સંબોધન

પીએમ મોદીએ સંબોધન કરતા જણાવ્યુ કે, 'આજે સાબર ડેરીનો વિસ્તાર થયો છે. અહીં સેંકડો કરોડના નવા પ્રોજેક્ટ્સ સ્થપાઈ રહ્યા છે. આધુનિક ટેક્નોલોજીથી સજ્જ મિલ્ક પાવડર પ્લાન્ટ અને એ-સેપ્ટિક પેકિંગ વિભાગમાં વધુ એક લાઇનના ઉમેરા સાથે સાબર ડેરીની ક્ષમતામાં વધુ વધારો થશે.'

પીએમએ વધુમાં જણાવ્યુ કે, 'જેમ જેમ સિંચાઇની સુવિધાઓનો ગુજરાતમાં વિસ્તાર થયો, એમ એમ કૃષિ અને પશુપાલનના ક્ષેત્રમાં અમે ઘણો જ વિકાસ કર્યો અને ડેરીએ તેને મોટી તાકાત આપી.'

ગુજરાતમાં છેલ્લા બે દશકમાં જે સુવિધાઓ તૈયાક થઇ, જેના સારા પરિણામ મળી રહ્યા છે. આજે ગુજરાતનો ડેરી માર્કેટ 1 લાખ કરોડ રુપિયા સુધી પહોંચી ગયો છે.

વડાપ્રધાને જણાવ્યુ કે, 'ગુજરાતમાં છેલ્લા બે દશકમાં જે સુવિધાઓ તૈયાર થઇ, જેના સારા પરિણામ મળી રહ્યા છે. આજે ગુજરાતનો ડેરી માર્કેટ 1 લાખ કરોડ રુપિયા સુધી પહોંચી ગયો છે.'

પીએમ મોદીનું સંપૂર્ણ ભાષણ અહીં સાંભળો

PM Shri @narendramodi launches development initiatives at Sabar Dairy, Gujarat. #PMatSabarDairy https://t.co/KvjC2qJjIj

— BJP (@BJP4India) July 28, 2022

શુક્રવારે, તારીખ 29 જુલાઈનાં રોજ સાંજે 4 કલાકે ગિફ્ટ સિટી, ગાંધીનગર ખાતે ભારતના પ્રથમ ઈન્ટરનેશનલ ફાઈનાન્સિયલ સર્વિસિસ સેન્ટર IFSCની મુલાકાત લેશે. વડાપ્રધાનના હસ્તે ભારતના પ્રથમ ‘‘ઈન્ટરનેશનલ ફાઈનાન્સિયલ સર્વિસીસ સેન્ટર ઓથોરિટી’’ના મુખ્ય ભવનનો શિલાન્યાસ કરાશે. GIFT-IFSCમાં ભારતના પ્રથમ ઈન્ટરનેશનલ બુલિયન એક્સચેન્જ તેમજ ઇન્ડિયા ઇન્ટરનેશનલ બુલિયન એક્સચેન્જ(IIBX)નો પણ શુભારંભ કરશે.

આ પ્રસંગે કેન્દ્રીય ગૃહ અને સહકાર મંત્રી અમિત શાહ, ગુજરાતના મુખ્યમંત્રી ભૂપેન્દ્રભાઇ પટેલ, કેન્દ્રીય નાણા અને કોર્પોરેટ બાબતોના મંત્રી નિર્મલા સીતારામન, ગુજરાતના નાણા અને ઊર્જા મંત્રી કનુભાઈ દેસાઈ, કેન્દ્રીય નાણા રાજ્ય મંત્રી ડૉ. ભગવત કિશનરાવ કરાડ તેમજ કેન્દ્રીય નાણા રાજ્ય મંત્રી પંકજ ચૌધરી પણ ઉપસ્થિત રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Visit, ગુજરાત, બનાસકાંઠા, વડાપ્રધાન નરેન્દ્ર મોદી