Deesa APMC માં રાયડાની ધૂમ આવક, મણના 1100 રૂપિયા સુધી ભાવ બોલાયા  

Nilesh Rana, Banaskantha: બનાસકાંઠા જિલ્લામાં રવિ સીઝનનું મબલખ વાવેતર કરવામાં આવ્યું હતું. જેમાં બનાસકાંઠા જિલ્લામાં સૌથી વધુ વાવેતર રવિ સીઝનમાં રાયડાનું કરાયું હતુ. હાલ નવા રાયડાના પાકને લઈ ખેડૂતો માર્કેટ યાર્ડમાં ખુલ્લા બજારમાં વેચવા આવી રહ્યા છે.પરંતુ શરૂઆતમાં કમોસમી વરસાદે રાયડાના ભાવમાં ઘટાડો કર્યો હતો. પરંતુ હવે માર્કેટયાર્ડમાં રાયડાની આવકમાં વધારો થઈ રહ્યો છે.તેમજ ભાવમાં પણ વધારો થતાં ખેડૂતોમાં ખુશી જોવા મળી રહી છે.

છેલ્લા કેટલાક વર્ષથી રાયડાની ખેતી તરફ ખેડૂતો વળ્યા

બનાસકાંઠા જિલ્લામાં રાયડાનું વાવેતર ધાનેરા, થરાદ,વાવ, ભાભર, કાંકરેજ, દિયોદર સહિત ડીસા અને બનાસકાંઠા જિલ્લામાં પૂર્વ વિસ્તારમાં જેવા કે દાતા ગામ સહિત અનેક તાલુકામાં બહોળા પ્રમાણમાં વાવેતર થાય છે.



રોકડિયા પાક તરીકે ગણાતા રાયડાના પાકમાં ઓછી મૂડી વધુ ફાયદો થતો હોય છે. જેથી છેલ્લા કેટલાક વર્ષથી રાયડાની ખેતી તરફ ખેડૂતો વળ્યા છે.સારું ઉત્પાદન મેળવી રહ્યા છે.



ગત વર્ષે રાયડાના 1000થી 1200 રૂપિયા ભાવ મળ્યા હતા

બનાસકાંઠા જિલ્લામાં ખેડૂતો દ્વારા દર વર્ષે મોટા પ્રમાણમાં રાયડાનું વાવેતર કરવામાં આવે છે. બનાસકાંઠા જિલ્લાનુ હવામાન પણ રાયડાની ખેતી માટે ખૂબ જ અનુકૂળ રહેતું હોવાથી ઉત્તર ગુજરાતમાં સૌથી વધુ રાયડાનું વાવેતર બનાસકાંઠા જિલ્લામાં થાય છે.



બનાસકાંઠા જિલ્લા સહિત ડીસા તાલુકામાં પણ ગત વર્ષે રાયડાનું સારા પ્રમાણમાં વાવેતર થયું હતું અને ડીસા માર્કેટયાર્ડમાં ગત વર્ષે 4 લાખ બોરીની આવક નોંધાઈ હતી. ગત વર્ષે રાયડાના ભાવની વાત કરવામાં આવે તો ખેડૂતોને 1000થી 1200 રૂપિયાનો ભાવ મળ્યો હતો.



અત્યારે 1000 હજારથી 1100 રૂપિયા સુધીના ભાવ મળી રહ્યા છે

ચાલુ વર્ષે ડીસા માર્કેટયાર્ડમાં રાયડાની હરાજી શરૂ કરવામાં આવી છે.અત્યાર દરરોજની 12 થી 13 હજારથી વધુની બોરીની આવક થઈ રહી છે.



શરૂઆતમાં ખુલ્લા બજારમાં વેપારીઓ રાયડાના 20 કિલોના 900 થી 1100 રૂપિયા જેટલો ભાવ મળી રહ્યો હતો. અત્યારે ખેડૂતો અને વેપારીઓએ જણાવ્યુ હતું કે, ચાલુ વર્ષે કમોસમી વરસાદ થતા શરૂઆતમાં ખેડૂતોને રાયડમાં ભાવમાં 100 રૂપિયાનો ઘટાડો થયો હતો.



પરંતુ અત્યારે ખેડૂતો રાયડાનો પાક ખુલ્લા બજારમાં મોટી સંખ્યામાં વેચતા નજરે પડી રહ્યા છે. અત્યારે 12 થી 13 હજારની બોરીની આવક નોંધાઈ રહી છે.અત્યારે 1000થી 1100 રૂપિયાનો ભાવ નોંધાયો છે.એટલે ખેડૂતોને સારો એવો ફાયદો થઈ રહ્યો છે.તેમ ડીસા માર્કેટયાર્ડના સેક્રેટરી અમૃતભાઈ જોષીએ જણાવ્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Banaskanatha, Farmer in Gujarat, Local 18, Market yard