Deesa: 500થી વધુ ગરીબ પરીવારોની અન્નદાતા છે આ ફેક્ટરીઓ, આપે છે આટલું વેતન

Nilesh Rana, Banaskantha: ગુજરાત રાજ્ય રોજગારી આપતું રાજ્ય છે.અનેક એવા ગરીબ પરીવારો છે જેઓ દર વર્ષે સારી રોજગા રી મળે તે માટે મુસાફરી કરી અહી આવતા હોય છે.અને રોજગારી મેળવી પોતાના પરીવારનું ગુજરાન ચલાવે છે. તેવી જ રીતે બનાસકાંઠા જિલ્લાનું ડીસા શહેર પણ રોજગારીનું હબ બન્યું છે.ડીસામાં ગરીબ પરીવારના લોકો હવે અહી રોજગારી મેળવી રહ્યા છે.તેઓને બહારગામ કે અન્ય સ્થળોએ જવાની જરૂર પડતી નથી.

બનાસકાંઠા જિલ્લાના ડીસા શહેરમાં આવેલી GIDCમાં રોજગારી મળતા અહીના સ્થાનિક અને અન્ય વિસ્તારોના લોકો નોકરી કરવા આવે છે. GIDC હોવાના કારણે મજૂરી માટે અન્ય કોઈ સ્થળે જવાની જરૂર પડતી નથી.

બનાસકાંઠા જિલ્લાના વેપારી મથક ગણાતા ડીસા શહેરમાં રેલ્વે સ્ટેશન વિસ્તાર પાસે gidc આવેલી છે જેમાં જુદી જુદી 150 થી વધુ ફેક્ટરી આવેલી છે અને આ વિસ્તારની અંદર કામ માટે કેટલીક ફેક્ટરીઓમાં બહારગામ થી મજૂરો કામ ઉપર રાખવામાં આવે છે.

પરંતુ આ વિસ્તારની આસપાસ મોટા પ્રમાણમાં ગરીબ લોકો વસવાટ કરતા હોવાથી તેમને પણ gidcમાં નાનું મોટું કામ મળી જાય છે gidc માં મરચા, હળદર, તેલ,દાળ,અગરબત્તી, નમકીન, સિંગ ચણા, સુગર કેન્ડી જેવી ફેક્ટરીઓમાં આ મજૂરોને પેકિંગનું કામ મળી જાય છે.જેથી gidc ની આસપાસ રેલ્વે સ્ટેશન, ભોપાનગર, આજુબાજુના ગામડાઓ સહિતના વિસ્તારમાં વસવાટ કરતા ગરીબ પરિવારને મજૂરી માટે ક્યાં દૂર જવાની જરૂર પડતી નથી.

અને ઘર આંગણે જ તેમને કામ મળી જાય છે મહિલાઓ અને પુરુષને gidcમાં એક દિવસની 300થી 400 રૂપિયાનું વેતન આપવામાં આવે છે. અને આ મજૂરીમાંથી ગરીબ પરીવારના ઘરનું ગુજરાન ચાલી જાય છે. હાલમાં gidc વિસ્તારમાં 500થી વધુ મહિલા અને પુરુષો મજૂરી અર્થે આવે છે અને તમામ લોકોને યોગ્ય કામ પણ મળી જાય છે. અને તેના લીધે જ આ ગરીબ પરીવારો પોતાના પરીવારનો ગુજરાન ચલાવી રહ્યા છે. આ જીઆઇડીસીમાં 500થી વધુ પરીવારને રોજી રોટી મળી રહી છે. જેથી આ ગરીબ પરીવાર માટે આ જીઆઇડીસી આશીર્વાદરૂપ સાબિત થઈ રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Banaskanatha, Employment, Local 18, Poor people