Gujarat Voting: કોંગ્રેસનાં ગુમ ધારાસભ્ય કાંતી ખરાડી મળી આવ્યા, હુમલો થતા ભાગી ગયાનો આક્ષેપ

Home /News /banaskantha /Gujarat Voting: કોંગ્રેસનાં ગુમ ધારાસભ્ય કાંતી ખરાડી મળી આવ્યા, હુમલો થતા ભાગી ગયાનો આક્ષેપ

કોંગ્રેસનાં ધારાસભ્ય ગુમ થતા રાહુલ ગાંધીએ પણ ટ્વીટ કરીને ભાજપ પર પ્રહાર કર્યા હતા.

કોંગ્રેસનાં ધારાસભ્ય ગુમ થતા રાહુલ ગાંધીએ પણ ટ્વીટ કરીને ભાજપ પર પ્રહાર કર્યા હતા.

News18 Gujarati
Last Updated : December 05, 2022, 08:02 IST
Banas Kantha, India

બનાસકાંઠા: ગુજરાત ચૂંટણીનો આજે મહત્ત્વનો દિવસ છે. આજે ઉત્તર અને મધ્ય ગુજરાતની 93 બેઠકો પર મતદાન થવા જઇ રહ્યું છે. ત્યારે રાતથી જ બનાસકાંઠાના દાંતાના કોંગ્રેસના ઉમેદવાર કાંતી ખરાડી મોડી રાતથી ગુમ થઇ ગયા હતા. જોકે, તેઓ જાતે જ પોલીસ સ્ટેશનમાં હાજર થયા હતા અને પોતાની ઉપર હુમલો થયો હોવાનો દાવો કરી રહ્યા છે.

કાંતિ ખરાડીના ગુમ થવા મામલે રાજકારણ ગરમાયુ હતુ. ત્યારે બનાસકાંઠાના દાંતાના કોંગ્રેસના ઉમેદવાર કાંતી ખરાડીને પોલીસે સાંઢુસી ગામ પાસેથી શોધી કાઢ્યા છે. હુમલો થવાના કારણે બચવા માટે જંગલમાં સંતાઈ ગયા હોવાનો તેઓ દાવો કરી રહ્યા છે. તો સાથે જ ભાજપના કાર્યકરોએ હુમલો કર્યો હોવાનો પણ કાંતી ખરાડીનો આક્ષેપ છે. આપને જણાવી દઈએ કે, હુમલાની ફરિયાદ મળ્યાના 4 કલાકમાં પોલીસ કાંતી ખરાડી સુધી પહોંચી ગઈ હતી. તો બીજી બાજુ સમગ્ર ઘટનાને લઈને રાહુલ ગાંધીએ પણ ટ્વીટ કરીને ભાજપ પર પ્રહાર કર્યા હતા.

कांग्रेस के आदिवासी नेता और दांता विधानसभा प्रत्याशी, श्री कांतिभाई खराडी पर BJP के गुंडों ने जानलेवा हमला किया और अब वो लापता हैं।

कांग्रेस ने EC के अतिरिक्त अर्धसैनिक बल की तैनाती की मांग की थी, मगर आयोग सोया रहा।

भाजपा सुन ले - न डरे हैं, न डरेंगे, डट कर लड़ेंगे। #DaroMat

— Rahul Gandhi (@RahulGandhi) December 4, 2022

આ પણ વાંચો: Live: ઉત્તર અને મધ્ય ગુજરાતની 93 બેઠકો પર મતદાન

કાંતિ ખરાડીએ આ અંગે એક વીડિયો જાહેર કરીને જણાવ્યુ છે કે, 'હું ભાજપ કાર્યાલયથી મારા ઘર તરફ જઇ રહ્યો હતો તે સમયે 25 જેટલી ગાડીઓએ આગળ પાછળ આવીને ટક્કર મારી ધોકા તલવાર લઇને ટોળું આવ્યું હતુ. જેથી હું મારો જીવ બચાવવા ખેતરમાં ઉતરી ગયો હતો. હું કાયદાથી ચાલવાવાળો માણસ છું એટલે હાલ પોલીસ સ્ટેશન આવ્યો છું.'

બીજા તબક્કાના મતદાન પહેલા દાંતાના ધારાસભ્ય કાંતિ ખરાડીનો ગુમ થવાનો મામલો, કલાકોની શોધખોળ બાદ સલામત મળી આવ્યા #GujaratElections #GujaratAssemblyPolls #GujaratElections2022 #ElectionWithNews18 pic.twitter.com/bRtWbAUNFa

— News18Gujarati (@News18Guj) December 5, 2022

બનાસકાંઠાના થરાદ કોંગ્રેસ ઉમેદવાર પર હુમલાનો આક્ષેપ

બનાસકાંઠા જિલ્લાના થરાદ કોંગ્રેસ ઉમેદવાર ગુલાબસિંહ રાજપૂત પર મતદાન પહેલા હુમલો થયો છે. શિવનગરમાં કોંગ્રેસ ઉમેદવાર પર મોડી રાત્રે બે વાગ્યા આસપાસ આ હુમલો થયો હોવાનુ સામે આવ્યુ છે. ભાજપ ઉમેદવાર શંકર ચૌધરીના ભાઈએ આ હુમલો કર્યાનો આરોપ છે.