ડીસા બેઠક પર ભાજપની જીત યથાવત, પ્રવિણ માળીની ભવ્ય જીત તો કોંગ્રેસ આ વખતે પણ નિષ્ફળ

બનાસકાંઠા: ડીસા વિધાનસભા બેઠક પરથી ભાજપના ઉમેદવાર પ્રવિણ માળીનો ભવ્ય વિજય થયો છે. આ બેઠક પરથી 2017ની વિધાનસભાની ચૂંટણીમાં પણ ભાજપના ઉમેદવાર શશીકાંત પંડ્યોનો વિજય થયો હતો. આ વિધાનસભાની ચૂંટણીમાં પ્રવિણ માળીનો 42,674 મતોથી વિજય થયો છે. ઉલ્લેખનીય છે કે, પ્રવિણ માળી સામે ભૂત પૂર્વ ધારાસભ્ય ગોવાભાઈ રબારીના પુત્ર સંજય રબારીને કોંગ્રેસે ટિકિટ આપી હતી. સંજય રબારીને 54,977 મતો મળ્યા હતા જ્યારે પ્રવિણ માળીને 97,330 મત મળ્યા હતા. જેથી પ્રવિણ માળીનો 42,674 મતોથી ભવ્ય વિજય થયો હતો.

પ્રવિણ માળીની જીતથી ડીસામાં ઉત્સવનો માહોલ

ડીસા વિધાનસભાની ચૂંટણીમાં ત્રિપાંખિયો જંગ જોવા મળ્યો હતો. કારણ કે, આ બેઠક પરથી ભાજપ કોંગ્રેસ સિવાય આપ પણ મેદાનમાં હતું જોકે આપના ખાતામાં નવ હજાર મતો જ આવ્યા હતા. અને અપક્ષ ઉમેદવાર લેબજી ઠાકોર પણ મેદાનમાં આવ્યા હતા તેમને 44,890 જેટલા મતો મળ્યા હતા. ઉલ્લેખનીય છે કે, આ પહેલા તેઓ ભાજપ સાથે જોડાયેલા હતા પરંતુ ભાજપમાંથી ટિકિટ ન મળતા તેઓ અપક્ષમાં ઊભા રહ્યા હતા. ડીસા વિધાનસભાની ચૂંટણી આ વખતે ભારે રસાકસી વાળી જોવા મળી હતી. કારણ કે, ભાજપ કોંગ્રેસ સાથે સાથે અપક્ષનો ઉમેદવાર પણ કાટે કી ટક્કર સમાન હતો. પરંતુ આખરે પ્રવિણ માળીને ભવ્ય વિજય થતા ડીસામાં ઉત્સવનો માહોલ જોવા મળે છે.

આ પણ વાંચો: દિયોદર બેઠક પર ભાજપના ઉમેદવાર કેશાજી ચૌહાણની ભવ્ય જીત

ભાજપે પોતાની જીર્ત યથાવત રાખી

દરેક પક્ષ માટે એક એક બેઠક ખૂબ જ મહત્વની છે. તમામ પક્ષ એડીચોટીનું જોર લગાવીને પોતાના ઉમેદવાર ધારાસભ્ય તરીકે ચૂંટાઈને આવે એવા પ્રયત્નો કર્યો હતા. તમામ પક્ષકારો પોતાના પક્ષના રાજકીય નેતાઓ મારફતે વિવિધ જિલ્લાઓમાં પ્રવાસ ગોઠવીને મતદારોને પોતાના પક્ષના ઉમેદવારને મત આપવા રીઝવવાનો પણ પ્રયાસ કરવામાં આવ્યો હતો. ત્યારે ડીસા વિધાનસભા બેઠક પર ભાજપે પોતાની જીત યથાવત રાખી છે. આ પહેલા શશીકાંત પંડ્યાનો 2017માં પણ ભવ્ય વિજય થયો હતો. ભાજપે ડીસામાં પોતાની જીત ફરી એક વખત જાળવી રાખી છે.

આ પણ વાંચો: પાલનપુરમાં ભાજપના ઉમેદવાર અનિકેત ઠાકરનો 26,980 મતોથી ભવ્ય વિજય

ડીસા બેઠકમાં સમાવિષ્ટ મત વિસ્તાર

ડીસા બેઠક હેઠળ સુંથીયા, ચોરા, રમુણ, ધનાવાડા, બુરાલ, કુચાવાડા, વીરુણા, વિઠોદર, ભાચલવા, ટેટોડા, રામસણ, નાગફણા, કોચાસણા, જાવલ, તાલેગઢ, રોબસ નાની, રોબસ મોટી, ફાગુન્દ્રા, આગડોલ, સોડાપુર, મેડા, કોઠા, ઘાડા, ધાનપુરા, તાલેપુરા, થેરવાડા, ઝેરડા, પમરૂ, ગુગળ, વરણ, શેરપુરા, કુંવારા પાદર, કંસારી, બાઇવાડા, મોરથલ ગોળીયા, ગેનાજી રબારી ગોળીયા, ચંદાજી ગોળીયા, ભડથ, ચત્રાલા, લટીયા, વાસડા, ડાવસ, સમશેરપુરા, યાવરપુરા, લક્ષ્મીપુરા, દામા, જોરાપુરા, આખોલ નાની, આખોલ મોટી, મહાદેવીયા, વડલી ફાર્મ, રાણપુર આથમણો વાસ, રાણપુર વચલો વાસ, રાણપુર ઉગમણો વાસ, કાંટ, રાજપુર, શેરગંજ, કુંપટ, માલગઢ, ઢેઢાલ, રામપુરા, ઓઢાવા, ડેડોલ, લોરવાડા, વડાવલ, જૂનાડીસા, ભોયણ, રસાણા નાના, રસાણા મોટા, ઢુવા, ધરપડા, ફતેપુરા, વાસણા (જૂનાડીસા), સણથ, સાંડીયા, સોતમલા, ખેંટવા, વાહરા, વીરુવાડા, દશાનાવાસ, ડીસાનો સમમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Assembly Election 2022, Deesa, Gujarat Assembly Election 2022, ગુજરાત