Deesa: માટીનાં માટલાનાં પાણીની ટાઢક, આ પાણીનાં અનેક છે લાભ

Nilesh Rana, Banaskantha: ઉનાળાની શરૂઆત થઈ ગઈ છે અને બજારોમાં દેશી ફ્રીજ ગણાતા રંગબેરંગી ડિઝાઇન વાળા માટીના માટલા પણ આવી ગયા છે.પરંતુ ટેકનોલોજી પ્રમાણે અત્યારના લોકો ફ્રીજ આરઓ તેમજ ફિલ્ટર વાળું પાણીનું સેવન કરી રહ્યા છે. પરંતુ માટીના માટલાનું પાણી પીવાથી અનેક ફાયદા થાય છે. ઉનાળો શરૂ થતા બજારમાં જુદી જુદી ડિઝાઇનનાં માટલાઓ આવી ગયા છે. માટલાની જુદી જુદી કિંમત છે.

માટીના માટલાના પાણીના ઘણા બધા લાભ

ડીસાના જીતુભાઈ પટેલ (વૈદ્ય) જણાવ્યું હતું કે, ઉનાળાની શરૂઆત થઈ છે.આપણને ઠંડા પાણીની પણ જરૂરિયાતતો પણ ઊભી થઈ છે. પરંતુ અત્યારે લોકો ઠંડા પાણી પીવા માટે ઘરે ઘરે ફ્રીજ,



આર.ઓ તેમજ અનેક ફિલ્ટર વાળા પાણીનો વધારે ઉપયોગ કરી રહ્યા છે.પરંતુ આપણી સંસ્કૃતિ અને પ્રાકૃતિક સાથે જોડાયેલું દેશી માટીનું માટલું છે. દેશી માટીના માટલાના પાણીના ઘણા બધા લાભ છે.



પરંતુ અત્યારે જો દેશી માટલું રાખો તો એવું લાગે કે ગામડાના માણસો તેમજ પછાત લોકો હોય તે માટલાનું પાણી પીવે છે. પરંતુ માટલાના પાણીમાં અદભૂત ગુણધર્મો છે. લોકો જાણતા નથી, માટીએ પંચમહા ભૂત માંથી એક મહાભૂત છે.



જેના વડે આપણું શરીર બન્યું છે.માટીના માટલામાં પાણી નાખવામાં આવે તો એક સરસ સુગંધ ઉત્પન્ન થાય છે, તે સુગંધ તમને આકર્ષિત કરે છે. માટલાનું પાણી પીધા પછી શરીરમાં ખૂબ જ ઠંડક મળે છે.



શરીરમાં સૂક્ષ્મ તત્વો પહોંચતા થાય છે

માટલું બનાવતી વખતે જે માટી પસંદ કરવામાં આવે છે. માટીમાં સૂક્ષ્મ મિનરલ હોય છે. તેમજ સૂક્ષ્મ તત્વો પણ રહેલા હોય છે.



સતત માટલામાં પાણીમાં ઓગળતા રહે છે. આપણા શરીરમાં સૂક્ષ્મ તત્વો પહોંચતા હોય છે. જેથી શરીરમાં કોઈ પણ તત્વોની અછત ઉભી થતી નથી.



માટીના માટલાના ભાવ, ગાંધીનગરનું માટલુ સસ્તુ

રાજસ્થાનનું સાદા માટીનું માટલું 150 રૂપિયામાં, કચ્છનું ડિઝાઇન વાળું માટલું  250 રૂપિયામાં, મોરબીનું ડિઝાઇન વાળું માટીનું માટલું 300 રૂપિયામાં,  ગાંધીનગરનું ડિઝાઇન વાળું માટીનું માટલું 150 રૂપિયામાં અત્યારે વેચાઈ રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Banaskanatha, Buisness, Clay Pots, Fridge, Local 18