Anand: પુત્ર ગુમાવ્યો, પતિને પેરાલિસીસની બીમારી, બે ધંધામાં નિષ્ફળતા છતા હિંમત ન હારી, જાણો સંઘર્ષ ગાથા

Salim chauhan, Anand: આણંદનાં બાકરોલ વિનુકાકા માર્ગ પર રહેતા બબીતાબેનનું જીવન સંઘર્ષોથી ભરેલું છે. પરંતુ હિંમત હાર્યા વિના આજે પોતાના પગ ઉપર ઉભા છે. બબીતાબેનનાં પતિ નંદલાલ દાદવાણી પહેલા કેળાનો વેપાર કરતા હતા અને પરિવારનું ગુજરાન ચલાવતા હતા. શાંતિમય જીવન જીવતા હતા. પરીવારમાં પતિ-પત્ની અને એક પુત્ર સુખી જીવન જીવી રહ્યા હતા. પરંતુ  કુદરતની રમત કંઇક જુદી જ હતી. અકસ્માત થતા એકના એક પુત્રને ગુમાવી બેઠા અને સુખી પરીવાર વિખેરાઈ ગયો.

11 વર્ષ પહેલા અકસ્માતમાં પુત્રને ગુમાવ્યો

પરીવાર સુખી હતો. પરંતુ 11 પહેલા અકસ્માતમાં પુત્ર ગુમાવ્યો હતો. પરિવારને પુત્રની ખોટ વર્તાતી હતી. પિતા અને માતાને પુત્રો ઘેરો શોક લાગ્યો હતો. પરંતુ હિંમત રાખી જીવન જીવતા હતા.



બબીતાબેનનાં પતિને પેરાલિસીસનો હુમલો આવ્યો

પુત્રનાં શોક હજુ દુર થયો ન હતો. ત્યારં બીજી આફત બબીતાબેન ઉપર આવી પડી હતી. બબીતાબેનનાં પતિને પેરાલિસીસનો હુમલો આવ્યો હતો. જેના કારણે પથારીવશ થઈ ગયા હતા. એક પછી એક આઘાત બબીતાબેન ઉપર થઇ રહ્યા હતા. હવે બીમાર પતિ અને ઘરની જવાબદારી બબીતાબેન ઉપર આવી ગઇ હતી. હિંમત રાખીને બબીતાબેને વ્યવસાય શરૂ કરવાનું વિચાર્યું હતું.



બે ધંધા ચાલ્યા નહી, છતાં હિંમત ન હારી

શરૂઆતમાં બબીતાબેને પોતાના ભાઈની મદદથી રસ્તા પર હેલ્મેટ વેચવાનું શરૂ કર્યું હતું. તેમાં ઘર ચલાવવું મુશ્કેલ હતું. તેમને પાણીપુરી વેચવાનું શરૂ કર્યું હતું. દરમિયાન લોકડાઉન લાગી જતાં આ વ્યવસાયમાં પણ બબીતાબેન વધારે ટકી શક્યા ન હતા. છતાં પણ હિંમત હાર્યા વિના હેન્ડી ક્રાફટની વસ્તુઓ વેચવાનું શરૂ કર્યું હતું. બરોડા, અમદાવાદથી વસ્તુઓ મંગાવી વેચાણ કરી રહ્યા છે. લેડીઝ, પર્સ, જૂથ બેગ, ધિંગ્લી, સાઈડ બેગનું વેચાણ કરી પરિવારનું ગુજરાન ચલાવે છે.



રોજના હજાર રૂપિયા સુધીની કમાણી કરે છે

બબીતાબેન સવારના 10 વાગ્યાથી પોતાની કારમાં સામાન ભરી બાકરોલ- વડતાલ રોડ પર તંબુ નાખી વ્યવસાય કરી રહ્યા છે. જેમાં રોજ નાં 500થી હજાર રૂપિયાની કમાણી કરે છે.



ટેસ્ટ ટ્યુબ બેબીની મદદથી બે સંતાન છે

બબીતાબેને ટેસ્ટ ટ્યુબ બેબીની મદદથી આજે બે સંતાન પણ પ્રાપ્ત કર્યા છે. જે આજે દશ વર્ષના છે અને સ્કૂલમાં જાય છે. આમ બબીતાબેન જણાવ્યું હતું કે, ગમે તેવી પરિસ્થિતિ સર્જાય પણ હિંમત હારવી ન જોઈએ. જાત મહેનત કરીએ તો ગમે તેવી પરિસ્થિતિમાં કાબુ મેળવી શકાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Anand, Buisness, Local 18, Womens