Anand: કૃષિ યુનિવર્સિટીએ રીંંગણ, મરચા, ભીંડા અને ટામેટાની નવી જાતો વિકસાવી

Salim chauhan, Anand: આણંદ કૃષિ યુનિવર્સિટી દ્વારા વિવિધ સંશોધન કરવામાં આવે છે. ત્યારે ખેડૂતોની આવકમાં વધારો થાય, આર્થિક ફાયદો મળી રહે તે ઉદ્દેશ્યથી આણંદ કૃષિ યુનવર્સિટીનાં મુખ્ય શાકભાજી સંશોધન કેન્દ્ર દ્વારા રીંગણ, મરચા, ભીંડા, ટામેટાની નવી 4 જાતો વિકસાવવામા આવી છે.

કૃષિ યુનિવર્સિટીના મુખ્ય શાકભાજી સંશોધન કેન્દ્ર દ્વારા ખેડૂતો માટે નવી ચાર જાતોનુ રિસર્ચ કરવામા આવ્યુ છે. યુનિવર્સિટી ગુજરાત રાજ્ય લેવલે શાકભાજી ઉપર કામ કરી રહી હોઇ દૈનિક ઉપયોગમાં વપરાતા શાકભાજી અને જવલ્લે જ મળતા શાકભાજી પાકમાં અવારનવાર સંશોધન કરીને નવતર જાતિ વિકસાવવામાં આવે છે. શાકભાજી સંશોધન કેન્દ્ર દ્વારા નવી રીંગણની રાજ, મરચાની તેજ જાત, ભીંડાની નવી જાતિ આણંદ કોમલ અને ટામેટાની નવતર બ્રાન્ડ આણંદ રોમા તરીકે વિકસાવવામાં આવી છે.

એગ્રીકલ્ચર યુનિવર્સિટી દ્વારા ખેડૂતો માટે વિકસાવેલ વેજીટેબલની ચાર જાતોના વાવેતર માટે ભલામણ અનુરોધ કરવામા આવ્યો છે.

વિકસાવેલા શાકભાજીની ખાસિયત

રીંગણ-આણંદ રાજઃ- વૈવિધ્યતામાં અંડાશય આકારના ફળ, અને ફળના ચળકતુ જાંબલી કલરનું હોય છે.આ જાતનું સરેરાશ ઉત્પાદન426 કિવ./ હે. જોવા મળેલ છે.અંકુશ જાતોની સરખામણીમાં ઘટ્ટીયા પાનનો રોગ અને ફળ કોરીખાનાર ઈયળનું નુકસાન ઓછુ જોવા મળેલ છે.

ટામેટા-આણંદ રોમાઃ- વિવિધતા મુજબ વૃદ્ધિ અને પાંદડા ઉપર લીલા રંગની પ્રકાશની તીવ્રતા ધરાવે છે. સુચિત ફળો અંડાકાર આકારના હોય છે. જેમાં સપાટથી માંડીને પોઇન્ટેડ બ્લોસમ ફળ ઉગે છે.મધ્ય ગુજરાતમાં આ જાતનું સરેરાશ ઉત્પાદન 406 કિવ./ હે. જોવા મળેલ છે.પાનનાંકોકડવાનો રોગ પાન કોરીયું તથા ફળ કોરીખાનાર ઈયળનુંનુકશાન ઓછુ અથવા તુલનીય જોવા મળેલ છે.

ભીંડા-આણંદ કોમલઃ- ફળો ઘેરા લીલા કલરના મુલાયમ, મધ્યમ લંબાઇ ધરાવતા અને ટોચે સાંકડા તીવ્ર આકારના હોય છે.ગુજરાતમાં આ જાતનું સરેરાશ ઉત્પાદન 125 કિવ./હે. જોવા મળેલ છે. આ જાત ચોમાસાની ઋતુમાં 129 કિવ./હેp તેમજ ઉનાળુ ઋતુમાં 114 કિવ./હે સરેરાશ ઉત્પાદન આપે છે. પીળીનસનોપચરંગીયો, એનેસન પાનનોકોકડવા રોગ, લીલા તડતડીયા તથા ડુંખ કોરીખાનાર ઈયળનો ઉપદ્રવ જીએઓ 5, જીઓ 6 તથા પુસા સાવની જેવી અંકુશ જાતો કરતાં ઓછો જોવા મળે છે.

મરચીઃ આણંદ તેજઃ- છોડની ઉપર ગાઢ છત્ર હોય છે. ગાંઠો ઉપર એન્થોસાયનિસ રંગની તીવ્રતા તેમજ પ્યુબસેન્સની મીડલ તીવ્રતા ધરાવે છે. પાકેલી અવસ્થામાં ફળોમાં મધ્યમ તીવ્રતા લીલા રંગની હોય છે.મધ્ય ગુજરાતમાં આ જાતનું સરેરાશ ઉત્પાદન 149 કિવ./હે. જોવા મળેલ છે.આ જાતમાં અંકુશ જાતો જીએવીસી 112 અને જેસીએ 283 ની સરખામણીમાં પાનનાં કોકડવાનો રોગ, ફળ કોરીખાનાર ઈયળ અને થ્રીપ્સનું નુકસાન ઓછુ જોવા મળે છ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Agricultural, Anand, Local 18, University