Home /News /anand /Anand: વડતાલધામમાં 200 કરોડના ખર્ચે અક્ષરભૂવન બનશે,પ્રથમ શીલા કરાઇ પ્રસ્થાપિત

Anand: વડતાલધામમાં 200 કરોડના ખર્ચે અક્ષરભૂવન બનશે,પ્રથમ શીલા કરાઇ પ્રસ્થાપિત

બસો કરોડના ખર્ચ નિર્માણ થનાર અલૌકીક અક્ષરભુવનના પાયાની પ્રથમશીલા પ્રસ્થાપિત કરાઈ

આ કાર્ય કોણ કરી રહ્યું છે,તેના કરતા કેવુ સારૂ થઈ રહ્યું છે. આ ભાવના અતિશય મહત્વની છે. આપણા સમયમાં આ કાર્ય થઈ રહ્યું છે, તે આપણું સૌભાગ્ય છે. તેમ આચાર્ય મહારાજે જણાવ્યું હતું

    Salim chauhan, Anand: વડતાલધામમાં 200 કરોડના ખર્ચે અક્ષરભૂવન બનશે.આપણા જીવનકાળમાં આ કાર્ય થઈ રહ્યું છે, તે આપણુ સૌભાગ્ય છે, તેમ કહીને દાતાઓ અને કાર્યકર્તાઓને બિરદાવીને આચાર્ય મહારાજે શિલાપૂજન કર્યુ .આજરોજ રૂપિયા 200 કરોડના ખર્ચ નિર્માણ થનાર અલૌકીક અક્ષરભુવનના પાયાની પ્રથમશીલા પ્રસ્થાપિત કરવામાં આવી.

    ચુનો રેતી કપચી અને ક્વોરી ડસ્ટના મિશ્રણ સાથે પાયામાં ત્રણ ફુટનું એક મજબૂત લેયર તૈયાર કરવામાં આવ્યું છે , ત્યારબાદ કાર્તકી સમૈયાની સમાપ્તિ અને ચંદ્ર ગ્રહણની પૂર્ણાહુતિ પ્રસંગે આ જાહેરાત કરવામાં આવી અને તા.9 નવેમ્બર 2022ના રોજ પાયાની પ્રથમશીલા પ્રસ્થાપિત કરવામાં આવી છે

    આચાર્ય શ્રીરાકેશપ્રસાદજી મહારાજ , જ્ઞાનજીવન સ્વામી કુંડળધામ , ચેરમેન દેવપ્રકાશ સ્વામી , મુખ્ય કોઠારી ડો સંત સ્વામી , નૌતમ સ્વામી – બાપુ સ્વામી , ગોવિંદ સ્વામી- મેતપુરવાળા, બાલમુકુંદ સ્વામી- સરધાર વગેરે સંતો , મહેન્દ્રભાઈ વગેરે ટ્રસ્ટીઓ અને દાતાઓના હસ્તે શિલાપૂજન કરવામાં આવ્યુ હતું. મંદિરના પુરોહિત ધીરેન મહારાજે પૂજાવિધિ કરાવી હતી.શ્યામ સ્વામીએ સમગ્ર વ્યવસ્થા કરી હતી અને આર્કીટેક ચિરાગ, પ્રોજેકટ ઈનેચાર્જ ચિંતન પટેલ, સ્ટ્રક્ચર ડીજાઈનર સ્નેહલ પટેલ કેનેડા વગેરે ટીમના સભ્યોએ પણ સારો સહયોગ આપ્યો હતો.


    સંતોએ શું કહ્યું ?


    પૂજન પૂર્વે જ્ઞાનજીવન સ્વામીએ આ મ્યુજીયમના માધ્યમથી સ્વામિનારાયણ ભગવાનનું જીવન અને સંદેશ વિશ્વ વ્યાપી બને.એવી ભાવના વ્યક્ત કરીને કહ્યું હતું કે, આ કાર્ય કોણ કરી રહ્યું છે તેના કરતા કેવુ સારૂ થઈ રહ્યું છે. આ ભાવના અતિશય મહત્વની છે. અંતમાં આચાર્ય મહારાજે આશીર્વાદ પાઠવતા કહ્યું હતું કે, આપણા સમયમાં આ કાર્ય થઈ રહ્યું છે, તે આપણું સૌભાગ્ય છે. આપણે તમ, મન, ધનથી યથાશક્તિ સહયોગ કરીશું . આ પ્રસંગે ભાર્ગવ રાવ પૂર્વ ટ્રસ્ટી , ભાવેશ પટેલ ન્યુયોર્ક , યોગેશ પટેલ શીકાગો , ભુપેન્દ્ર પટેલ ભરૂચ વગેરે અગ્રણીઓ પણ ઉપસ્થિત રહ્યા હતા.

    Published by:Santosh Kanojiya
    First published:

    Tags: Anand, Lord Swaminarayan, Vadtal

    विज्ञापन

    विज्ञापन
    विज्ञापन
    विज्ञापन