આણંદઃ બોર ખાવા માટે વાડીમાં ગયેલા 12 વર્ષના છોકરાને ઝટકા મશીનનો કરંટ લાગતા મોત

Home /News /anand /આણંદઃ બોર ખાવા માટે વાડીમાં ગયેલા 12 વર્ષના છોકરાને ઝટકા મશીનનો કરંટ લાગતા મોત

આણંદમાં ખેતરમાં કરંટ લાગતા બાળકનું મોત થયું

Borsad Zatka Machine Death: આણંદના બોરસદમાં આવેલા એક ગામમાં ઝટકા મશીનથી 12 વર્ષના બાળકને વીજ કરંટ લાગતા તેનું મોત થઈ ગયું છે. બાળખ વાડીમાં બોર ખાવા માટે જઈ રહ્યું હતું ત્યારે તેને ઝટકા મશીનના તારને સ્પર્શી જતા ભારે કરંટનો ઝાટકો લાગ્યો હતો. આ અંગે પોલીસ દ્વારા વધુ તપાસ કરવામાં આવી રહી છે.

News18 Gujarati
Last Updated : February 02, 2023, 07:36 IST
Anand, India

published by :Tejas Jingar

આણંદઃ બોરસદમાં વીજ કરંટ લાગવાના કારણે 12 વર્ષના બાળકનું મોત થઈ ગયું છે. બાળક ખેતરમાં બોર ખાવા માટે જઈ રહ્યો હતો ત્યારે કરંટનો ભારે ઝટકો લાગતા તેનું મોત થઈ ગયું છે. આ ઘટનામાં કોની બેદરકારીથી બાળકે જીવ ગુમાવ્યો છે તે અંગે તપાસ શરુ કરવામાં આવી છે. બનાવ અંગે પોલીસને જાણ કરવામાં આવી છે. પરિવારે માસૂમને ગુમાવતા ઘરમાં ભારે શોકનો માહોલ છે.

ખેતરમાં બોર ખાવા જતા બાળકનું મોત થયું

બોરસદના કિંખલોડ ગામમાં બાળક બોર ખાવા માટે જઈ રહ્યો હતો ત્યારે કેળની વાડીમાં લગાવેલા 24 વોલ્ટના ઝટકા મશીનથી કરંટ લાગવાના કારણે બાળકનું મોત થયું હોવાનું પ્રાથમિક તપાસમાં જાણવા મળ્યું છે. આ અંગે આંકલાવ પોલીસ સ્ટેશનમાં ફરિયાદ નોંધાવવામાં આવી છે. ઘટનાની જાણ થતાં પરિવારના સભ્યો સહિત ગ્રામજનો બનાવના સ્થળ પર એકઠા થઈ ગયા હતા.

આ પણ વાંચોઃ ફિલ્મને ટક્કર મારે એવું જીવે છે વલસાડના 63 વર્ષનાં યુવાન

બાળકને કરંટ લાગતા તેનું કરુંણ મોત થયું છે, આ ઘટના અંગે જાણ થતા તેના પરિવારને માહિતી આપવામાં આવી હતી. પોતાના પરિવારના માસૂમનું મોત થતા ઘરમાં ભારે શોકનો માહોલ છે. આ ઝટકા મશીન નિયમો પ્રમાણે મૂકવામાં આવ્યું હતું કે કેમ તે અંગે પણ પોલીસ દ્વારા તપાસ કરીને આ ઘટના માટે જવાબદાર સામે કાર્યવાહી કરવામાં આવશે.

ઝટકા મશીનનો શું ઉપયોગ થતો હોય છે?

ખેડૂતોના ઉભા પાકને ભૂંડ, નીલગાય અને ખેતરની આસપાસના વિસ્તારમાં રખડતા પ્રાણીઓ દ્વારા નુકસાન કરવામાં આવતું હોય છે. આ નુકસાનથી બચવા માટે ખેડૂતો દ્વારા ખેતરના ફરતે પ્રાણીઓ ઉભા પાકને નુકસાન ના કરે તે માટે ઝટકા મશીન લગાવવામાં આવતું હોય છે. જેના કારણે ખેતરમાં ભૂંડ સહિતના પ્રાણીઓ ઘૂસી શકતા નથી. આ ઝટકા મશીનનો ઉપયોગ કરીને તારની વાડમાં વીજ કરંટ વહેતો કરવામાં આવતો હોય છે, જેથી પ્રાણીઓ તેને સ્પર્શ કર્યા બાદ ખેતરમાં ઘૂસવાના બદલે ત્યાંથી નાસી જતા હોય છે.

આણંગમાં બોરસદના કિંખલોડમાં બાળકનું વીજ કરંટથી મોત
ઝટકા મશીનથી વીજ શોક લાગતા 12 વર્ષીય બાળકનું મોત #news #Anand #gujarat pic.twitter.com/UBj2m10h4l

— News18Gujarati (@News18Guj) February 2, 2023

પરંતુ આ ઝટકા મશીનનો વીજ કરંટ 12 વર્ષના બાળક માટે મોતનું કારણ બન્યું છે. ઝટકા મશીનમાંથી 24 વોલ્ટનો વોલ્ટનો વીજ કરંટ બાળકને લાગી જતા તેને ગંભીર ઈજાઓ થઈ હતી અને અંતમાં તેનું મોત થઈ ગયું છે.