Amreli: મોરારીબાપુની રામકથાનું આયોજન, સર્વજ્ઞાતિની 76 દીકરીઓનું કરાશે કન્યાદાન!

લાઠી શહેરને સેવાભાવી શહેર તરીકે ઓળખવામાં આવે છે. લાઠી શહેરના ઉદ્યોગપતિઓ દ્વારા અવારનવાર લોકો ઉપયોગી કર્યો કરવામાં આવે છે.લાઠી શહેરમાં આગામી સમયમાં પૂજ્ય મોરારીબાપુની રામકથા યોજાશે. કથા દરમિયાન સર્વ જ્ઞાતિ સમૂહલગ્નનું આયોજન કરવામાં આવ્યું છે, જેમાં 76 યુવતીઓ પ્રભુતામાં પગલા પાડશે.આજુબાજુ વિસ્તારમાં રહેતા ગરીબ પરિવારની દીકરીઓનું અહીંથી કન્યાદાન કરવામાં આવશે.

રાજ્યપાલ,મુખ્યમંત્રી સહિતના હાજર રહેશે

વિશ્વ વંદનીય કથાકાર મોરારીબાપુના સ્વર કંઠે યોજનારી રામકથામાં ગુજરાતના રાજ્યપાલ, મુખ્યમંત્રી અને લાઠીના જાણીતા ઉદ્યોગપતિ સવજીભાઈ ધોળકિયા, મનજીભાઈ ધોળકિયા, અન્ય ઉદ્યોગપતિઓ ઉપસ્થિત રહેશે અને નવદંપતીને આશીર્વાદ આપશે.અહીં વિવિધ કાર્યક્રમો યોજાશે. જેમાં કલાકારો ઉપસ્થિત રહેશે. હાસ્ય કલાકાર માયાભાઈ આહીર,કિર્તીદાન ગઢવી, રાજભા ગઢવી સહિતના લોક સાહિત્યકાર ઉપસ્થિત રહેશે.

રામકથાને લઇ તડામાર તૈયારીઓ, બપોરે પ્રસાદ

લાઠી શહેર પાસે હાલ રામકથાને લઇ તૈયારી ચાલી રહી છે. અહીં મંડપ અને ભોજન પ્રસાદની વ્યવસ્થા માટેની કામગીરી શરૂ કરવામાં આવી છે. અહીં મોટો ડોમ તૈયાર કરવામાં આવશે.અહીં બપોરના સમયે ભોજન પેરસવામાં આવશે.તેની યારીઓ હાલ શરૂ કરી દેવામાં આવી છે.અહીં વિદેશથી તેમજ બહારથી આવતા મહેમાનો માટે રહેવા માટેની સુવિધાઓ કથાના યજમાન દ્વારા કરવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Local 18, અમરેલી