Amreli. કમોસમી વરસાદથી ઘઉંનો પાક સંપૂર્ણ નિષ્ફળ, ખેડૂતોની હાલત કફોડી બની

Abhishek Gondaliya, Amreli: કમોસમી વરસાદ ની અગાહીને કારણે અમરેલી જિલ્લામા ધોધમાર વરસાદ પડ્યો હતો. વરસાદ પડવાથી ખેડૂતના ખેતરમાં રહેલ પાક નિષ્ફળ ગયો છે. અમરેલી જિલ્લાના સાવરકુંડલા તાલુકાના વડાળ ગામના ખેડૂત ઘનશ્યામભાઈ ધાનાણીનો ઘઉંનો પાક નિષ્ફળ ગયો છે.


પાંચ વીઘામાં ઘઉંનું વાવેતર કર્યું હતું
ઘનશ્યામ ધાનાણીએ જણાવ્યું હતું કે, 5 વીઘામાં ઘઉંનું વાવેતર કરવામાં આવ્યું હતું. આ વર્ષે ધ્યાન વર્ગના પાકનો ભાવ સારો હતો .જેથી આ વર્ષે ઉત્પાદન સારું મળે એમ હતું. પરંતુ આજે ખુબજ વરસાદ પડવાથી ઘઉંનો પાક જમીનદોસ્ત થયો છે. ઘઉંના પાકની આશા નિરાશામાં ફેરવાઈ છે.


ડુંગળીનો પાકનાં નિષ્ફળ રહ્યો
હાલ બજારમાં ડુંગળીનાં ભાવ નથી. ડુંગળીનું વાવેતર કરનાર ખેડૂતો રાતા પાણીએ રોવાનો વારો આવ્યો છે. બીજી તરફ કુદરતી આફતનાં કારણે ડુંગળીનો પાક નિષ્ફળ ગયો છે. સાવરકુંડલાનાં નાની વડાળ તેમજ આજુબાજુમાં ડુંગળીનું વાવેતર કર્યું હતું. પરંતુ કમોસમી વરસાદ પડવાનાં કારણે પાક નિષ્ફળ થયો છે. વરસાદ થતા ડુંગળી પાણીમાં તણાઈ વોંકળા સુધી પહોંચી ગઇ છે. વરસાદનાં કારણે ખેતીમાં મોટી નુકસાની ગઇ છે. ડુંગળીનું વાવેતર કર્યું હતું. વરસાદ થતા ડુંગળીનાં પાકને ભારે નુકસાન થયું છે. ખેતરમાં પડેલી ડુંગળી વરસાદના પાણીમાં તણાઈ વોંકળા સુધી પહોચી ગઇ હતી.



કેરી,ઘઉંમાં મોટી નુકસાની થઇ છે
અમરેલી જિલ્લાના ધારી, સાવરકુંડલા, બગસરા તાલુકામાં કમોસમી વરસાદ પડવાને કારણે ચણા, ઘઉં, બાજરી, જુવાર, ડુંગળી, ઉનાળુ મગફળી, કેરીનાં પાકને ખૂબ જ નુકસાની પહોંચી છે. ખેડૂતો સિઝનમાં કરેલી મહેનત ઉપર પાણી ફરી વળ્યું હતું. ખેડૂતો મોટું નુકસાન થયું છે. વરસાદનાં કારણે થયેલા નુકસાનનો સરવે કરી સહાય આપવા માંગ કરાઇ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amreli News, Local 18