Home /News /amreli /Amreli: ઓસ્ટ્રેલિયામાં ડ્રેગન ફ્રૂટની ખેતી જોઇ આ ખેડૂતે વતનમાં વાવેતર કર્યું, આવી રીતે કરે છે ખેતી

Amreli: ઓસ્ટ્રેલિયામાં ડ્રેગન ફ્રૂટની ખેતી જોઇ આ ખેડૂતે વતનમાં વાવેતર કર્યું, આવી રીતે કરે છે ખેતી

ઓર્ગેનિક ડ્રેગન ફ્રુટ ની ખેતી કમલેશભાઈ સંઘાણી દ્વારા કરવામાં આવી

ઓસ્ટ્રેલિયાથી માદરે વતન અમરેલી આવ્યા પછી તેમણે છાપરી ખાતે આવેલી તેમની જમીનમાં ડ્રેગન ફ્રૂટ વાવવાની શરૂઆત કરી. આ માટે તેમણે ડ્રેગન ફ્રૂટનાં રોપા તાઇવાનથી મંગાવ્યા અને બે એકર જમીનમાં તેનું વાવેતર કર્યું.

    Abhishek Gondalia, Amreli: સાવરકુંડલા તાલુકાના છાપરી ગામ ખાતે કાળુભાઈ સંઘાણી તેમજ તેમના પરિવાર દ્વારા ડ્રેગન ફ્રુટની ખેતી કરવામાં આવી છે. તેઓ સાવરકુંડલા તાલુકામાં તેમજ અમરેલી જિલ્લાની અંદર તમામ વ્યક્તિ સુધી હોમ ડિલિવરી કરે છે. આ ઉપરાંત, ગુજરાતની અંદર તેમજ ગુજરાત બહાર મુંબઈ તેઓ ડ્રેગન ફ્રૂટ પહોંચાડે છે.ખેડૂતનો દાવો છે કે, ડ્રેગન ફ્રુટની ખેતીમાં વપરાતા તમામ પ્રકારના ખાતર અને દવાઓ ઓર્ગેનિક છે અને છોડ સુધી પહોંચાડવા ડ્રીપ ઈરીગેશનની પદ્ધતિ અપનાવવામાં આવી છે.

    કમલેશભાઈ સંઘાણીએ અભ્યાસ અર્થે ઓસ્ટ્રેલિયા ગયા હતા અને ત્યાં તેમણે આ ડ્રેગન ફ્રુટ જોયા હતા અને તેનો સ્વાદ માણ્યો હતો. આ પછી તેમને મનમાં વિચાર આવ્યો હતો કે, આ ડ્રેગન ફ્રૂટની ખેતી પોતાના વતન અમરેલીમાં કરવી જોઇએ.ઓસ્ટ્રેલિયાથી માદરે વતન અમરેલી આવ્યા પછી તેમણે છાપરી ખાતે આવેલી તેમની જમીનમાં ડ્રેગન ફ્રૂટ વાવવાની શરૂઆત કરી. આ માટે તેમણે ડ્રેગન ફ્રૂટનાં રોપા તાઇવાનથી મંગાવ્યા અને બે એકર જમીનમાં તેનું વાવેતર કર્યું.હાલ આ ખેતરની અંદર જૈવિક ખાતર પણ બનાવવામાં આવી રહ્યા છે. કમલેશભાઇ સંઘાણીએ જણાવ્યું કે, આ વર્ષે કુલ આઠ ટન ડ્રેગન ફ્રુટનું ઉત્પાદન થયું છે અને બજાર કિંમત જોઈએ તો, 150 થી 250 સુધી પ્રતિ કિલોએ ભાવ મળી રહ્યા છે.

    ડ્રેગન ફ્રુટ ખાવાથી ન્યુટ્રિશન મળે છે સાથે બ્લડ સુધરે છે અને તમામ રોગમાં આ ફળ સૌથી વધુ અસરકારક ગણવામાં આવે છે. આ ફળ સહેલાઈથી નાના બાળકોથી લઇ અને વૃદ્ધ વ્યક્તિ ખાઈ શકે છે.ન્યૂઝ 18 સાથે વાત કરતા તેમણે જણાવ્યું કે, આ ફળનું વાવેતર કર્યા બાદ પિયતમાં ખૂબ લાભ થાય છે. ઓછા પાણીએ ફળને સહેલાઈથી માવજત કરી શકાય છે.
    First published:

    Tags: Amreli News, Dragon farming, Gujarat farmer

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन