અમદાવાદઃ માથાભારે પત્નીએ પતિને માર્યો, સંતોષ ન થતા પત્ની ચપ્પુ લઈ દોડી તો, ગભરાઇને પતિ પાર્કિંગમાં છુપાઈ ગયો

અમદાવાદ: શહેરના પૂર્વ વિસ્તારમાં એક પતિએ તેની પત્ની સામે (husband wife complaint) ફરિયાદ નોંધાવી છે. આ પતિ જ્યારે ઘરે હોય ત્યારે તેની પત્ની બીજી સ્ત્રી સાથે આડા સંબંધ છે (extra marital affair) તે વાતને લઈને ઝઘડો કરતી હતી. ફરી એક વખત આવો ઝઘડો કરતા પત્નીએ તેના પતિને માથામાં (husband wife fight) રિમોટ અને રીમોટ મૂકવાનું સ્ટેન્ડ માર્યું હતું. જેથી ગભરાઈ ગયેલો પતિ પોતાને બચાવવા માટે ફ્લેટના પાર્કિંગમાં જઈને છુપાઈ ગયો હતો. બાદમાં પોલીસને જાણ કરતા પોલીસે આ અંગે યુવકની તેની પત્ની સામે ફરિયાદ તપાસ શરૂ કરી છે.

શહેરના નરોડા પાટિયા પાસે રહેતો 38 વર્ષીય યુવક તેની પત્ની અને બે બાળકો સાથે રહે છે. સાથે જ એક મસાલા કંપની ચલાવી પરિવારનું ગુજરાત ચલાવે છે. તેની પત્ની તેનાથી એક વર્ષ મોટી છે અને આ પત્નીએ તેના પતિને બીજી સ્ત્રી જોડે આડા સંબંધો છે તેવું કંઈ અવારનવાર બોલાચાલી ઝઘડો કરતી હતી. ગઈકાલે સવારના  સુમારે આ યુવક ઘરે હાજર હતો તે દરમિયાન તેની પત્ની કહેવા લાગી કે તમારે એક યુવતી સાથે પ્રેમ સંબંધ છે તેમ કહી ઝઘડો કરવા લાગી હતી.

આ પણ વાંચોઃ-Gujarat corona: ગુજરાતમાં ભારે વરસાદ વચ્ચે કોરોના ક્યાં કેટલાક કેસ નોંધાયા?

યુવકે ઝઘડો કરવાની ના પાડતા પત્ની ગાળો બોલવા લાગી હતી અને ટીવીનું રીમોટ લઈ પતિને માથાના ભાગે મારી દીધું હતું. બાદમાં રિમોટ મૂકવાનું ફાઇબરનું સ્ટેન્ડ ફરી માથામાં મારી દેતા યુવકને માથામાં ઇજાઓ પહોંચી અને ચક્કર આવી ગયા હતા.

આ પણ વાંચોઃ-આખું અમદાવાદ બેટમાં ફેરવાયું, પ્રથમ વખત એકસાથે આટલો વરસાદ ખાબક્યો; અનેક ઘરો પાણીમાં

પત્નીથી ગભરાઈ ગયેલા પતિએ પોલીસને ફોન કરતા પોલીસ આવે તે પહેલા પત્નીએ તને જાનથી મારી નાખીશ તેમ કહી ઘરમાંથી ચપ્પુ લઈ આવી પતિને મારવા માટે દોડી હતી. યુવક તેના ઘરની બહાર નીકળી સોસાયટીના પાર્કિંગમાં આવીને બેસી ગયો હતો.

બાદમાં યુવકને ઇજાઓ થઈ હોવાથી 108 ને ફોન કરતાં 108 તાત્કાલિક ત્યાં પહોંચી હતી અને યુવકને સારવાર અર્થે સિવિલ હોસ્પિટલ ખાતે લઈ જવાયો હતો. જ્યાં પોલીસે યુવકની તેની પત્ની સામે ફરિયાદ લઈ ગુનો નોધી તપાસ શરૂ કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Crime news, Gujarati news, Husband wife fight