ગુજરાતના મુખ્યમંત્રી વિજય રૂપાણીએ આ કારણે આપ્યું રાજીનામું: MLA જીજ્ઞેશ મેવાણી

અમદાવાદ: રાજ્યમાં વિધાનસભાની ચૂંટણીના લગભગ દોઢ વર્ષ પહેલા ગુજરાતના મુખ્યમંત્રી વિજય રૂપાણીએ શનિવારે તેમના પદ પરથી રાજીનામું આપ્યું હતું. હજુ સુધી એ સ્પષ્ટ નથી થયું કે, રૂપાણીએ વડાપ્રધાન નરેન્દ્ર મોદીના હોમ ગ્રાઉન્ડ ગુજરાતના મુખ્યમંત્રી પદેથી રાજીનામું કેમ આપ્યું છે, જ્યાં આગામી વર્ષ 2022 ડિસેમ્બરમાં 182 સભ્યોની વિધાનસભાની ચૂંટણી થવાની છે.

રૂપાણીએ ડિસેમ્બર 2017માં બીજી વખત રાજ્યના મુખ્યમંત્રી તરીકે શપથ લીધા. ગવર્નર આચાર્ય દેવવ્રતને મળ્યા બાદ શનિવારે રાજીનામું આપ્યા બાદ તેમણે પત્રકારોને કહ્યું, "મેં ગુજરાતના મુખ્યમંત્રી પદેથી રાજીનામું આપ્યું છે." મને પાંચ વર્ષ રાજ્યની સેવા કરવાની તક આપવામાં આવી હતી. મેં રાજ્યના વિકાસમાં યોગદાન આપ્યું. મારી પાર્ટી મને જે પણ કામ આપશે, હું તે કરીશ.

અપક્ષ ધારાસભ્ય જીગ્નેશ મેવાણીએ મુખ્યમંત્રી રૂપાણીનું મૂલ્યાંકન કરતા તેમને કોરોના પરિસ્થિતિ માટે જવાબદાર ઠેરવ્યા હતા. મેવાણીએ ટ્વિટર પર લખ્યું હતું કે, 'ગુજરાતના લોકોએ હકીકતમાં રૂપાણીની પ્રશંસા કરતા કે કોવિડ સંકટ દરમિયાન તેમના ગેરવહીવટને કારણે તેમણે રાજીનામું આપ્યું હતું. આ પાછળનો મુખ્ય હેતું ચૂંટણી અંકગણિત તૈયાર કરવાનો છે.

આ પણ વાંચો: Who is new Chief Minister of Gujarat?: જુઓ વજુભાઈ વાળા, રૂપાલા, ભુપેન્દ્ર યાદવે શું કહ્યું

મહત્વનું છે કે, મે મહિનામાં રાજ્ય પર કોવિડના મૃત્યુની આંકડા છુપાવાનો આરોપ લગાવવામાં આવ્યો હતો. જુલાઈમાં ગુજરાત સરકાર દ્વારા સંચાલિત એક જાણીતી હોસ્પિટલના વિડીયોમાં લકવાગ્રસ્ત કોવિડ દર્દીના ચહેરા પર કીડીઓ જોવા મળી હતી, જેમાંથી બાદમાં તપાસ કરવાનો આદેશ આપવામાં આવ્યો હતો. તે જ મહિનામાં, સુપ્રીમ કોર્ટે વિજય રૂપાણીના નેતૃત્વવાળી સરકારને કોવિડ હોસ્પિટલોમાં આગ સલામતીના ધોરણો અંગેના અદાલતના આદેશને રદ કરવા માટે જાહેરનામું લાવવા માટેના આરોપ પણ લગાવ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: BJP Guajrat, Cm vijay rupani resign, Jignesh Mevani