Home /News /ahmedabad /

અમદાવાદ: ટ્રાફિક નિયમોનું ઉલ્લંઘન કરનારાઓની હવે ખેર નહીં, શહેરમાં એક અઠવાડિયા સુધી ટ્રાફિક ડ્રાઇવ

અમદાવાદ: ટ્રાફિક નિયમોનું ઉલ્લંઘન કરનારાઓની હવે ખેર નહીં, શહેરમાં એક અઠવાડિયા સુધી ટ્રાફિક ડ્રાઇવ

પોલીસની ખાસ ડ્રાઇવ (Shutterstock તસવીર)

આગામી 15 જૂનથી શહેરમાં 100 જેટલા સ્થળો પર ટ્રાફિક પોલીસ તૈનાત રહેશે અને જે વાહનચાલકો નિયમોને તોડશે તેમને સ્થળ પર જ દંડ ફટકારવામાં આવશે. ટ્રાફિક ડ્રાઇવ દરમિયાન દરેક પોલીસ સ્ટેશન દ્વારા કરવામા આવેલી કાર્યવાહીની માહિતી ઉપરી અધિકારીઓને મોકલવામાં આવશે.

વધુ જુઓ ...
    અમદાવાદ: શહેર (Ahmedabad)માં અકસ્માતોની વણઝાર વચ્ચે કોરોના વાયરસે પણ ફરી એક વખત માથુ ઉચક્યું છે ત્યારે તકેદારીના ભાગ સ્વરૂપે અને રોડ પર બેફામ વાહન હંકારતા ચાલકોને કાયદાનું ભાન કરાવવા માટે અમદાવાદ ટ્રાફિક પોલીસ (Ahmedabad Traffic Police) ટ્રાફિક ડ્રાઇવ (Traffic drive) ચલાવશે. આ અંતર્ગત 15 જૂનથી 21 જૂન સુધી ટ્રાફિક પોલીસની ડ્રાઈવ (Ahmedabad traffic drive) ચાલશે. જેમા અંડરએજ વાહન ચાલકો સામે કાર્યવાહી કરાશે સાથે જ ડાર્ક ફિલ્મવાળા સામે પણ કાર્યવાહી કરવામાં આવશે.

    અમદાવાદ શહેરમાં અકસ્માત સર્જી ભાગી છૂટનારા વાહનચાલકો જેમના વાહનોમાં એચએસઆરપી પ્લેટ નથી લગાવી તેઓની હવે ખેર નથી, સાથે જ શહેરમાં જે લોકો ફોર વ્હીલમાં બ્લેક ફિલમ લગાવી ફરી રહ્યા છે તેમને પણ મસમોટો દંડ ફટકારી કાયદાનું ભાન કરાવવામાં આવશે. સાથે જ જે વાહનચાલકો રોંગસાઇડમાંથી પસાર થશે તેઓને 1500 રૂપિયાનો દંડ ફટકારવામાં આવશે. એચએસઆરપી નંબર પ્લેટ નહીં લગાવનારા વાહનચાલકો પાસેથી 1000 રૂપિયાનો દંડ લેવામાં આવશે. તેમજ બસ અને મોટા વાહન ચાલકોને 5000 રૂપિયાનો દંડ ફટકારવામાં આવશે.

    આ પણ વાંચો- દારૂ પાર્ટી બાદ વધુ એક પોલીસકર્મી કાળાકામ કરતો ઝડપાયો

    આગામી 15 જૂનથી શહેરમાં 100 જેટલા સ્થળો પર ટ્રાફિક પોલીસ તૈનાત રહેશે અને જે વાહનચાલકો નિયમોને તોડશે તેમને સ્થળ પર જ દંડ ફટકારવામાં આવશે. ટ્રાફિક ડ્રાઇવ દરમિયાન દરેક પોલીસ સ્ટેશન દ્વારા કરવામા આવેલી કાર્યવાહીની માહિતી ઉપરી અધિકારીઓને મોકલવામાં આવશે.

    આ પણ વાંચો- ઓનલાઈન જમવાનું મંગાવનાર પોલીસ પત્નીને પતિએ માર્યા ધડાધડ લાફા

    ઉલ્લેખનીય છે કે, ટ્રાફિક પોલીસે જાહેરાત કરી હતી કે, તેઓ કિશોર વયના વાહનચાલકો સામે ડ્રાઈવ શરૂ કરવાના છે, જે અઠવાડિયા સુધી ચાલશે. રોડ સેફ્ટી અને ટ્રાફિકના નિયમો વાહન ચાલકોની સુરક્ષા અને અકસ્માતો અટકાવી શકાય તે હેતું થી બનાવેલા હોય છે. પરંતું, તે નિયમોનું પાલન કરવામાં આવતું નથી. આ કારણે સતત અકસ્માતોનું પ્રમાણ વધતું જાય છે. ત્યારે, અકસ્માતોનું પ્રમાણ ઘટે અને ટ્રાફિકના નિયમો પ્રત્યે જાગૃતિ કેળવાય તે માટે ટ્રાફિક ડ્રાઇવ યોજવામાં આવતી હોય છે. હાલમાં અમદાવાદમાં ટ્રાફિક પોલીસ દ્વારા 11 જૂન સુધી આ ટ્રાફિક ડ્રાઇવ ઝૂંબેશ શરૂ કરવામાં આવી છે.
    Published by:rakesh parmar
    First published:

    Tags: Ahmedabad news, Ahmedabad police, Ahmedabad traffic police, અમદાવાદ પોલીસ

    આગામી સમાચાર