રાજ્યની સ્કૂલોને 15 ઓગસ્ટ પહેલા 1 કરોડ વૃક્ષ વાવવાનો ટાર્ગેટ

અમદાવાદ જિલ્લાની શાળાઓમાં 12 લાખ વૃક્ષ વાવવાની અપાઈ સૂચના, શિક્ષણ વિભાગે એક બાળ એક વૃક્ષ હેઠળ હાથ ધર્યુ અભિયાન, વૃક્ષારોપણની કામગીરીનું પ્લાન્ટેશન એપ પર શિક્ષણ વિભાગનું નિરિક્ષણ કરાશે.

News18 Gujarati
Updated: August 11, 2019, 4:39 PM IST
રાજ્યની સ્કૂલોને 15 ઓગસ્ટ પહેલા 1 કરોડ વૃક્ષ વાવવાનો ટાર્ગેટ
અમદાવાદ જિલ્લા શિક્ષણાધિકારી કચેરીની ફાઇલ તસવીર
News18 Gujarati
Updated: August 11, 2019, 4:39 PM IST
સંજય ટાંક, અમદાવાદઃ દેશ અને દુનિયામાં ગ્લોબલ વોર્મિંગની અસરોને પગલે ક્યાંક વરસાદ તો ક્યાંક અછત જેવી સ્થિતિ સર્જાય છે. જેને લઈને પર્યાવરણનું સંતુલન ખુબજ જરુરી બની ગયું છે. તેવામાં રાજ્યમાં શિક્ષણ વિભાગે પર્યાવરણના સંતુલન માટેનું અનોખુ અભિયાન હાથ ધર્યું છે. અને આગામી 15 ઓગસ્ટ પહેલા રાજ્યની શાળાઓને એક કરોડ ઝાડ વાવવાનો ટાર્ગેટ આપવામાં આવ્યો છે. જેનું નિરિક્ષણ મોબાઈલ એપ પર કરવામાં આવી રહ્યું છે.

રાજ્ય સરકારના શિક્ષણ વિભાગ દ્વારા સરકારી શાળાના આચાર્યોને વૃક્ષો વાવવાનો ટાર્ગેટ આપવામાં આવ્યો છે. રાજ્યભરમાં 15 ઓગસ્ટ પહેલા 1 કરોડ વૃક્ષ વાવવાનો ટાર્ગેટ શિક્ષણ વિભાગનો આદેશ છે. જે અંતર્ગત અમદાવાદ જિલ્લાની શાળાઓને એક બાળ એક વૃક્ષ અંતર્ગત વૃક્ષ વાવવાનું અભિયાન શરુ કરાયું છે. અને જિલ્લામાં 12 લાખ વૃક્ષ વાવવાનો ટાર્ગેટ અપાયો છે.

અહીં ક્લિક કરી વાંચોઃ રાજ્યમાં ચોમાસું જામ્યું, જાણો અત્યારસુધીમાં કેટલા ટકા વરસાદ પડ્યો.



સુરત જિલ્લાને 11 લાખ, રાજકોટને 5 લાખ 84 હજાર જ્યારે વડોદરાને પણ સાડા પાંચ લાખ વૃક્ષ વાવવાનો લક્ષ્યાંક અપાયો છે. તેવી જ રીતે આણંદ, નડિયાદ, ગાંધીનગર, કચ્છ, બનાસકાંઠા, પાટણ સહિત અલગ અલગ જિલ્લાઓને પણ લક્ષ્યાંક આપવામાં આવ્યું છે.

મોબાઇલ એપથી થશે નિરિક્ષણ
વૃક્ષારોપણની આ કાર્યવાહી પ્લાન્ટેશનના મોબાઈલ એપ પર અપલોડ કરવાની પણ સુચના અપાઈ છે. શાળા દ્વારા કરાયેલ વૃક્ષારોપણની કામગીરીનું પ્લાન્ટેશન એપ પર શિક્ષણ વિભાગ નિરિક્ષણ કરી રહ્યું છે.
First published: August 11, 2019
વધુ વાંચો
Loading...
अगली ख़बर
Loading...