Union
Budget 2023

Highlights

Home /News /ahmedabad /મોદી સરકારે જળ પરિવહન ક્ષેત્રે ક્રાંતિ લાવી, સસ્તા પરિવહનનું સપનું સાકાર કર્યું છે

મોદી સરકારે જળ પરિવહન ક્ષેત્રે ક્રાંતિ લાવી, સસ્તા પરિવહનનું સપનું સાકાર કર્યું છે

વડાપ્રધાન મોદીની ફાઇલ તસવીર

Prime Minister Modi's vision: વડાપ્રધાન મોદીનું વિઝન ગુજરાતમાં કનેક્ટિવિટી અને ઈન્ફ્રાસ્ટ્રક્ચર સુધારવાનું હતું. આજે રોડ, રેલ તેમજ જળ પરિવહનનું માધ્યમ વિકસિત થઈ રહ્યું છે.

    અમિતાભ સિંહા: ભાજપ સરકારે રૂ. 1,900 કરૉડના ખર્ચે દેરાભરમાં 45 રો-રો ફેરી પ્રૉજેક્ટ શરૂ કરવાનું કામ હાચ ઘર્યું હતું. વડાપ્રધાન મોદીનું વિઝન ગુજરાતમાં કનેક્ટિવિટી અને ઈન્ફ્રાસ્ટ્રક્ચર સુધારવાનું હતું. આજે રોડ, રેલ તેમજ જળ પરિવહનનું માધ્યમ વિકસિત થઈ રહ્યું છે, જેના કારણે કૃષિ, ઉદ્યોગ અને વેપારને એક નવો આયામ મળી રહ્યો છે.

    એક આંકડા પ્રમાણે, દેશના પરિવહનના માધ્યમોમાં સૌથી મોટો હિસ્સો 55% માર્ગ પરિવહનનો છે, રેલવે નો 35% છે. પરિવહનનું સૌથી સસ્તું માધ્યમ હોવા છતાં, જળમાર્ગો પરિવહનમાં માત્ર 5-6% હિસ્સો ધરાવે છે, જ્યારે અન્ય દેશોમાં જળમાર્ગો અને દરિયાકાંઠાના પરિવહનનો હિસ્સો 30% કરતા વધુ છે. ભાજપ સરકારે સસ્તા જળ પરિવહનને પ્રોત્સાહન આપવાનો નિર્ણય કર્યો છે જેથી ઈંધણનો વપરાશ અને નાણાં બંનેની બચત થઈ શકે.

    દેશની અર્થવ્યવસ્થા પર લૉજિસ્ટિક્સનો બોજ લગભગ 18 ટકા છે, એટલે કે, આપણા દેશમાં, એક છેડાથી બીજા છેડા સુધી માલસામાન લઈ જવાનો ખર્ચ અન્ય દેશો કરતા વધુ છે. આવશ્યક ચીજવસ્તુઓના ભાવમાં વધારો થવાનું આ પણ એક મોટું કારણ છે. જળ પરિવહનને પ્રોત્સાહન આપીને લોજિસ્ટિક્સની કિંમત લગભગ અડધી થઈ શકે છે કારણ કે આ માટે દેશમાં સાધનો, સંસાધનો, સુવિધાઓ અને ક્ષમતાઓ ઉપલબ્ધ છે, જેનો સદુપયોગ કરીને ભાજપ સરકારે રો-રો ફેરી સર્વિસના રૂપમાં દેશમાં ક્રાંતિ લાવી અને તેના પર સકારાત્મક કામ કર્યું છે.

    આજે ઘોઘા-હઝીરા રોપેક્સ ફેરી સર્વિસ બે મુખ્ય કેન્દ્રો એટલે કે કૃષિ હબ (સૌરાષ્ટ્ર) ને ગુજરાતના દક્ષિણી વ્યાપારી, કાપડ અને ડાયમંડ હબ સાથે જોડે છે એટલુ જ નહીં ઘોઘા-જીરા રોપેક્સ ફેરીએ આજે પરિવહનના અંતરને પણ ઘટાડ્યું છે. રોરો ફેરી સર્વિસે ગરીબ લોકોના જીવન પર સકારાત્મક અસર કરી છે. રોરો ફેરી આજે સૌરાષ્ટ્ર અને સુરતના લોકોના સામાજિક અને આર્થિક જીવન પર ઘણી હકારાત્મક અસરો ધરાવે છે જે માત્ર વડાપ્રધાન નરેન્દ્ર મોદીના વિકાસના વિઝનને કારણે જ શક્ય બન્યું છે, ગુજરાતમાં મૂળ દ્વારકા અને પીપાવાવ વચ્ચે બીજી રોપેક્સ ફેરી સર્વિસ શરૂ કરવાની મંજૂરી આપી જળ પરિવહન ક્ષેત્રે ગુજરાતના વિકાસનામામાં એક નવી સિદ્ધિનો સમાવેશ કરવામાં આવ્યો છે.

    ભાજપ સરકાર દ્વારા શરૂ કરવામાં આવેલી આ સેવાથી અંતર તો ઘટ્યું જ છે, સાથે સાથે ઈંધણ અને પર્યાવરણની પણ બચત થઈ રહી છે. રો-રો ફેરી દિવસમાં ત્રણ ટ્રીપ કરી રહી છે. જેના દ્વારા દરરોજ સેંકડો મુસાફરો અને વાહનોની અવરજવર થઈ રહી છે. હજીરાથી ઘોઘા વચ્ચેનું અંતર સડક માર્ગે 370 કિમી છે, જ્યારે જળ માર્ગે માત્ર 80 કિમી છે. જેના કારણે રોજના 9 હજાર લીટર ઈંધણની પણ બચત થઈ રહી છે અને દિવસ-રાત મુસાફરી કરતા લોકોને મુસાફરીનો સમય 10 કલાકને બદલે હવે 4 કલાક જ લાગે છે.

    રોરો ફેરીએ પરિવહનના નવા આયામના વિકાસમાં એક મહત્વપૂર્ણ યોગદાન આપ્યું છે. રો રો ફેરી સુલભ, સલામત અને પર્યાવરણને અનુકૂળ છે. જેના દ્વારા ગુજરાતમાં વાહનવ્યવહારની સાથે પર્યાવરણને પણ ફાયદો થઈ રહ્યો છે. જેના કારણે સમગ્ર પ્રદેશમાં સામાજિક-આર્થિક વિકાસનો નવો તબક્કો શરૂ થયો છે અને રોજગારીની નવી તકો ઉપલબ્ધ બની છે.

    આજે સામાન્ય જનતાની સાથે 'રો-રો ફેરી' સેવાનો સૌથી મોટો લાભ ભાવનગર- અમરેલીથી સુરત વેપાર અર્થે જતા વેપારીઓને મળી રહ્યો છે. આ સેવાથી તેઓ સવારે જઈ શકે છે અને સાંજે પાછા પણ આવી શકે છે. જ્યાં પહેલા મુસાફરીમાં 24 કલાક લાગતા હતા, ત્યાં હવે ઓછો સમય લાગી રહ્યો છે અને તેના પરિણામરૂપે પેટ્રોલની તો બચત થઇ જ છે સાથે સાથે માર્ગ અકસ્માતોની સંખ્યામાં પણ ઘણો ઘટાડો થયો છે.
    Published by:Azhar Patangwala
    First published:

    Tags: Gujarat News, PM Modi પીએમ મોદી

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन