Ahmedabad: KTM ડ્યુક 390 એન્જિનથી વિદ્યાર્થીએ બનાવી ફોર્મ્યુલા સ્પેક રેસ C-32 કાર, આટલી સ્પિડમા દોડે, જૂઓ Video

Parth Patel, Ahmedabad: નિરમા યુનિવર્સિટીના SAE વિદ્યાર્થીઓ નિરમા કોલેજિયેટ ક્લબની ટીમ સ્ટેલિયન્સનો એક ભાગ છે. જેમાં એન્જિનિયરિંગના વિવિધ ડોમેન જેમ કે મિકેનિકલ, ઇલેક્ટ્રિકલ, ઇલેક્ટ્રોનિક્સ અને કમ્યુનિકેશન એન્જિનિયરિંગના 50 વિદ્યાર્થીઓએ ભાગ લીધો હતો. જેના માટે વિદ્યાર્થીઓ સ્પર્ધામાં ભાગ લેતી ફોર્મ્યુલા સ્પેક રેસ કાર ડિઝાઇન કરી અને તેનું ઉત્પાદન કરવા માટે દિવસ-રાત કામ કરી રહ્યા છે.

જેના દ્વારા તેઓ ભારતમાં રાષ્ટ્રીય સ્તરની કોમ્પિટિશન ફોર્મ્યુલામાં ભાગ લે છે. ભારતમાં આ કોમ્પિટિશન ફોર્મ્યુલામાં ભાગ લેવાનું આ બીજું વર્ષ છે. જ્યાં ટીમ C-32 કાર ચલાવશે. આ કાર KTM ડ્યુક 390 એન્જિન દ્વારા સંચાલિત છે. જેમાં મોટાભાગના પાર્ટ્સ જેમ કે ચેસીસ, રોલકેજ, સસ્પેન્શન, વ્હીલ એસેમ્બલી, બોડી પેનલ્સ, નોઝ વગેરે સીધી રીતે મેળવવામાં આવે છે.

C-32 કાર ડબલ વિશબોન સસ્પેન્શન સહિતની સિસ્ટમથી સજ્જ

આ ઉપરાંત અન્ય તમામ પાર્ટ્સનું ઉત્પાદન ઘરમાં એટલે કે સ્થળ પર જ થાય છે. કારમાં ડબલ વિશબોન સસ્પેન્શન, ફર્સ્ટ જનરેશન વ્હીલ હબ, એકરમેન સ્ટીયરિંગ સિસ્ટમ, કસ્ટમ કૂલિંગ સિસ્ટમ અને અન્ય વિવિધ ભાગો છે. જે કારના કાર્ય માટે જરૂરી છે. ઇન્ટેક મેનીફોલ્ડ અને એક્ઝોસ્ટ જેવા કેટલાક પાર્ટ્સને નિરમાના મિકેનિકલ વર્કશોપમાં જ ડિઝાઇન, વિશ્લેષણ અને ટ્યુન કરવામાં આવ્યા છે.

આ વર્ષના મોડલની મહત્તમ સ્પીડ 105 કિ.મી. પ્રતિ કલાકની છે. કારનું નીચું ગ્રાઉન્ડ ક્લિયરન્સ કારને 70 કિ.મી.કલાક જેટલી ઝડપે તીવ્ર વળાંક લેવા સક્ષમ બનાવે છે. આ અદ્ભુત તક નિરમા યુનિવર્સિટી દ્વારા પૂરી પાડવામાં આવી છે. ખાસ વાત એ છે કે નિરમા યુનિવર્સિટી દ્વારા જરૂરી મશીનરી અને સાધનો સાથે કાર બનાવવા માટે વિદ્યાર્થીઓને ભંડોળ પણ પૂરું પાડવામાં આવે છે.

ગ્રાઉન્ડ ક્લિયરન્સને લીધે 70 કિ.મી.કલાકની ઝડપે તીવ્ર વળાંક લેવા સક્ષમ

અહીં શીખવાથી વિદ્યાર્થીઓને મુઠ્ઠીભર અનુભવ મળે છે. તમામ વિભાગો વિદ્યાર્થીઓમાં વહેંચવામાં આવે છે. જ્યાં તેઓ જરૂરી સંશોધન કરે છે અને એક પ્રોટોટાઇપ તૈયાર કરે છે. જે લગભગ કોમર્શિયલ વાહનો જેટલો જ હોય છે. આનાથી અમારા જ્ઞાનમાં સુધારો થાય છે અને એન્જિનિયરિંગ ક્ષેત્રોમાં વિશાળ એક્સપોઝર મળે છે.

આ માટે યુનિવર્સિટીની ટીમ, ડિપાર્ટમેન્ટ અને ફેકલ્ટીઓ દ્વારા વિદ્યાર્થીઓને માર્ગદર્શન આપવામાં આવે છે. તથા આ મોડેલ બનાવવાના વારસાને ચાલુ રાખવા માટે વિદ્યાર્થીઓને જરૂરી સુવિધાઓ અને પ્લેટફોર્મ પ્રદાન કરવામાં આવે છે. તે માટે વિદ્યાર્થીઓ તેમનો આભાર વ્યક્ત કરે છે.

શું તમે પણ સમાજને ઉપયોગી કામગીરી કરી રહ્યાં છો? શું તમે એવું કામ કર્યું છે જેનાથી સમાજને પ્રેરણા મળી શકે છે? તમારી સફળતાની સ્ટોરી અન્ય લોકોને જણાવવા ઈચ્છો છો? તો આજે જ p22.parth@gmail.com પર સંપર્ક કરો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Cars, Local 18, Students