અમિત શાહે 'સ્વામિનારાયણ નગર'નું કર્યું કળશ સ્થાપન, 7000 વૃક્ષો અને દસ લાખથી વધુ કૂલ-છોડ રોપાયા

અમદાવાદ : પ્રમુખ સ્વામી મહારાજ શતાબ્દી મહોત્સવ (Pramukh Swami Shatabdi Mahotsav) સ્થળે  ગૃહમંત્રી અમિત શાહના (Amit shah) હસ્તે  કળશ - સ્થાપન કરવામાં આવ્યું છે. દસ લાખથી વધુ ફૂલ - છોડ અને વૃક્ષોના વાવેતર વચ્ચે ગ્રીન - ક્લીન મહોત્સવ સ્થળે ૫૦,૦૦૦ થી વધુ સ્વયંસેવકો સેવા કરશે. સંત પૂજ્ય પ્રમુખ સ્વામી મહારાજનો શતાબ્દી મહોત્સવ અગામી ડિસેમ્બર - જાન્યુઆરીમાં અમદાવાદ ખાતે લાખોની જનમેદની વચ્ચે ભક્તિભાવથી ઉજવાનાર છે. આ મહોત્સવ માટે અમદાવાદની પશ્ચિમે સાયન્સ સીટી - ઓગણજ સર્કલ વચ્ચે સરદાર પટેલ રીંગ રોડના કિનારે એક વિશાળ મહોત્સવ - સ્થળ સ્વામિનારાયણ નગર ' (Swaminarayan Nagar) આકાર લઇ રહ્યું છે .

સ્થાનિક ખેડૂતો, બિલ્ડરો અને વેપારીઓએ મહોત્સવ માટે સેવામાં આપેલ કુલ ૬૦૦ એકર ગ્રીન એન્ડ ક્લીન ' મહોત્સવ ભૂમિમાં મહોત્સવ - સ્થળ ‘ સ્વામિનારાયણ નગર ' આકાર લઇ રહ્યું છે. સ્થળ તરીકે વિકસી રહેલા આ સ્વામિનારાયણ નગરમાં ૭૦૦૦ વૃક્ષો અને દસ લાખથી વધુ કૂલ - છોડ રોપવામાં આવ્યા છે .જે શોભામાં અભિવૃદ્ધિ તો કરશે પરંતુ પર્યાવરણની જાગૃતિનો સંદેશ પણ આપશે .

જ્યાં લાખો લોકો ઉમટશે એ મહોત્સવ સ્થળ " સ્વામિનારાયણ નગર " એક એવી નગરી હશે - જ્યાં વિશાળ કલાત્મક પ્રવેશ દ્વારો હશે. કલામંડિત મંદિર અને ભક્તિમંડપો હશે, જીવનને અલંકૃત કરે તેવી વિવિધ પ્રેરણાઓ આપતા પ્રદર્શનો હશે . સાંસ્કૃતિક સંદેશ આપતા અનેકવિધ રચનાત્મક સ્પોટ્સ હશે, વ્યાખ્યાન - ગીત - સંગીત - નૃત્ય વગેરે કાર્યક્રમોથી ગૂંજતા સભામંડપો અને કોન્ફરન્સ સ્થળ હશે. જેમાં દેશ - વિદેશના વિવિધ ક્ષેત્રોના ધુરંધરો અને ભારતના મહાન સંત - મહાત્માઓના પ્રેરક વક્તવ્યોનો લાભ મળશે.

આ પણ વાંચો:  રાજ્યમાં ફરીથી મેઘો મહેરબાન, ચાર કલાકમાં 171 તાલુકામા વરસાદ

બાળકોને શિક્ષણ,સંસ્કાર, સ્વાસ્થ્યની પ્રેરણા આપતી અનોખી બાળનગરી હશે, ખાણી - પીણીની વ્યવસ્થાઓ હશે અને હજારો સ્વયંસેવકો માટે આવાસ મંડપો હશે. દેશ વિદેશના અનેક પ્રસિદ્ધ મહાનુભાવોની ઉપસ્થિતિમાં અહીં લાખો લોકો વિવિધ પ્રેરણાત્મક કાર્યક્રમોમાં ભાગ લઈને ધન્યતા અનુભવશે.

બ્રહ્મસ્વરૂપ પ્રમુખસ્વામી મહારાજના શતાબ્દી મહોત્સવ માટે આકાર લઇ રહેલા સ્વામિનારાયણ નગરમાં હાલ ૨૦૦૦ થી વધુ સમર્પિત સ્વયંસેવકો સેવા આપી રહ્યા છે , અને મહોત્સવ દરમ્યાન ૫૦,૦૦૦ થી વધુ સંખ્યામાં સેવા આપશે . આ મહોત્સવ - સ્થળના વિશાળ મુખ્ય પ્રવેશદ્વારે જ્યાં મહોત્સવનું વિશાળ પ્રતિકચિહ્ન સ્થાપિત થવાનું છે એ સ્થળે વેદોક્ત વિધિપૂર્વક કળશ - સ્થાપન વિધિ કરવામાં આવી છે. ગૃહમંત્રી અમિત શાહે વિધિપૂર્વક કળશ - સ્થાપન કરીને મહોત્સવ સ્થળના નિર્માણનું એક મહત્ત્વનું સોપાન આરંભ્યું હતુ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aamit shah, અમદાવાદ, અમિત શાહ, ગુજરાત